నాగార్జునతో సినిమాపై అల్లరి నరేష్‌ క్లారిటీ.. డైరెక్టర్‌ బెండు తీశాడంటూ బాంబ్‌..

`ఉగ్రం` టీజర్‌లో ఆకట్టుకున్న అల్లరి నరేష్‌ ఇప్పుడు నాగార్జునతో సినిమా గురించి ఓపెన్‌ అయ్యారు. ఆయనతో సినిమా ఉండబోతుందా? అనే ప్రశ్నకి రియాక్ట్ అయ్యారు.

అల్లరి నరేష్‌ కామెడీ జోనర్‌ నుంచి సైడ్‌ ట్రాక్‌ తీసుకుని ఇప్పుడు మాస్‌, ఇంటెన్స్ యాక్షన్ సినిమాలతో అలరిస్తున్నారు. ఇప్పటికే `నాంది` చిత్రంతో మెప్పించారు. అలాగే `ఇట్లు మారెడుమిల్లి` చిత్రంతోనూ ప్రయోగం చేశాడు. ఇప్పుడు `నాంది` కాంబినేషన్‌లో `ఉగ్రం` చిత్రంతో వస్తున్నారు. ఈ సినిమా టీజర్‌ బుధవారం విడుదల చేశారు. ఆద్యంతం ఇంటెన్స్ యాక్షన్‌గా సాగే ఈ టీజర్‌ ఆకట్టుకుంటుంది. టైటిల్‌ తగ్గ కంటెంట్‌ కనిపిస్తుంది. పోలీస్‌ ఆఫీసర్‌గా అల్లరి నరేష్‌ నయా లుక్‌ అదరగొడుతుంది. 

ఇదిలా ఉంటే ఈ సందర్భంగా ఈ సినిమాకి వర్క్ చేయడంపై నరేష్‌ స్పందిస్తూ, సినిమా చాలా వరకు నైట్‌ టైమ్‌లోనే సాగుతుందని, రాత్రిళ్లు మమ్మల్ని దర్శకుడు టార్చర్‌ చేశారని(నవ్వుతూ) చెప్పారు. `నాంది` సినిమాకి నా బెండు తీశాడని, ఈ సినిమాకి నన్ను అన్ని రకాలుగా వాడుకున్నాడని చెప్పారు నరేష్‌. సినిమా కోసం రోజూ దాదాపు 12గంటలు పనిచేశామన్నారు. `నాంది`ని మించి ఉంటుందన్నారు. అదే సమయంలో ఇందులో ఆ సినిమా తరహాలోనే చివర్లో చిన్న సందేశం ఉంటుందని, సోషల్‌ ఎలిమెంట్ ని చర్చంచామన్నారు దర్శకుడు. 

ఇదిలా ఉంటే నాగార్జునతో అల్లరి నరేష్‌ సినిమా చేయబోతున్నారనే ప్రచారంజరుగుతుంది. ప్రముఖ రైటర్‌ ప్రసన్న కుమార్‌ బెజవాడ దర్శకుడిగా మారి నాగార్జున హీరోగా ఓ సినిమాని తెరకెక్కించబోతున్నారు. వినోదం, కమర్షియల్‌ అంశాల మేళవింపుతో ఈ చిత్రాన్ని రూపొందించబోతున్నారు. ఇందులో అల్లరి నరేష్‌ కీలక పాత్ర పోషిస్తున్నారని, సెకండ్‌ లీడ్‌గా కనిపిస్తారని టాక్‌ నడుస్తుంది. తాజాగా `ఉగ్రం` టీజర్‌ ఈవెంట్‌లో అల్లరి నరేష్‌ స్పందించారు. ఆ సినిమా ఉంటుందన్నారు. అయితే కథ విన్నానని, చర్చలు జరుగుతున్నాయని, త్వరలోనే నిర్మాతలు అధికారికంగా ప్రకటిస్తారని చెప్పారు. 

అయితే ప్రస్తుతం కథ విన్నానని, ఇంకా సైన్‌ చేయలేదన్నారు. అన్ని చూసుకుని చెబుతామని, రెమ్యూనరేషన్స్ లాంటివన్నీ ముట్టాక టీమే తెలియజేస్తుందన్నారు. ఆల్మోస్ట్ ఈ సినిమా ఉండబోతుందనే అభిప్రాయాన్ని అల్లరి నరేష్‌ వెల్లడించారు. దీంతోపాటు `నాంది` సీక్వెల్‌ కూడా ఉంటుందన్నారు. ఇక `ఉగ్రం` చిత్రంలో అల్లరి నరేష్‌ హీరోగా నటిస్తుండగా, విజయ్‌ కనకమేడట దర్శకత్వం వహిస్తున్నారు. నరేష్‌కి జోడీగా మిర్నా హీరోయిన్‌గా నటిస్తుంది. షైన్‌ స్క్రీన్స్ పతాకంపై సాహు గారపాటి, హరీష్‌ పెద్ది నిర్మిస్తున్నారు. ఏప్రిల్‌లో సినిమా విడుదల కాబోతుంది.