రాముడి పూజలో `సీత`..`ఆర్ఆర్ఆర్`లో ఆలియా ప్రీ లుక్
సారాంశం
ఎన్టీఆర్, రామ్చరణ్ హీరోలుగా రూపొందుతున్న `ఆర్ఆర్ఆర్` చిత్రంలో బాలీవుడ్ నటి అలియా భట్, బ్రిటీష్ నటి ఒలివియా మోర్రీస్ హీరోయిన్లుగా నటిస్తున్నారు. రేపు(సోమవారం-మార్చి 15) అలియా భట్ పుట్టిన రోజు. ఈ సందర్భంగా ఆమె నటిస్తున్న `ఆర్ఆర్ఆర్` చిత్రంలోని లుక్ని విడుదల చేయబోతున్నారు.
ఎన్టీఆర్, రామ్చరణ్ హీరోలుగా రాజమౌళి దర్శకత్వంలో ప్రతిష్టాత్మకంగా, భారీ బడ్జెట్తో `ఆర్ఆర్ఆర్` చిత్రం రూపొందుతున్న విషయం తెలిసిందే. డివివి దానయ్య ఈ చిత్రాన్ని నిర్మిస్తున్నారు. పాన్ ఇండియా సినిమాగా ఇది తెరకెక్కుతుంది. ఇందులో బాలీవుడ్ నటి అలియా భట్, బ్రిటీష్ నటి ఒలివియా మోర్రీస్ హీరోయిన్లుగా నటిస్తున్నారు. రేపు(సోమవారం-మార్చి 15) అలియా భట్ పుట్టిన రోజు. ఈ సందర్భంగా ఆమె నటిస్తున్న `ఆర్ఆర్ఆర్` చిత్రంలోని లుక్ని విడుదల చేయబోతున్నారు. ఉదయం 11గంటలకు అలియా భట్ ఫస్ట్ లుక్ని విడుదల చేయనున్నారు.
అలియా భట్ ఈ చిత్రంలో అల్లూరి సీతారామరాజుగా నటిస్తున్న రామ్చరణ్కి జోడిగా సీత పాత్రలో నటిస్తుంది. సీతగా ఆమె ఎలా ఉండబోతుందో చూపించబోతున్నారు. అలియా భట్కిది స్పెషల్ గిఫ్ట్ గా ఉండబోతుందని చెప్పొచ్చు. దీంతో ఆమె ఫస్ట్ లుక్ కోసం ఈగర్గా వెయిట్ చేస్తున్నారు. ఈ నేపథ్యంలో తాజాగా ప్రీ లుక్ని విడుదల చేసింది యూనిట్. ఇందులో శ్రీముడి విగ్రహానికి అలియా పూజా చేస్తున్నట్టుగా ఉంది. షేడ్లో ఉన్న ఈ ఫోటోలు ఫస్ట్ లుక్ని ప్రతిబింబిస్తుంది. ఆనాటి డ్రెస్సింగ్లో అలియా కనిపించనున్నట్టు తెలుస్తుంది.
అలియా భట్ `ఆర్ఆర్ఆర్`తో తెలుగులోకి ఎంట్రీ ఇస్తున్న విషయం తెలిసిందే. ఆమెతోపాటు అజయ్ దేవగన్,సముద్రఖని ఇతర కీలక పాత్రలు పోషిస్తున్నారు. ఈ చిత్రం ప్రస్తుతం క్లైమాక్స్ యాక్షన్ ఎపిసోడ్స్ షూటింగ్ జరుపుకోబోతుంది. దీంతోపాటు రామ్చరణ్, అలియాభట్లపై ఓ రొమాంటిక్ సాంగ్ ఉండబోతుంది. దీంతో షూటింగ్ మొత్తం పూర్తవుతుంది. అన్ని కార్యక్రమాలు పూర్తి చేసి అక్టోబర్ 13న సినిమాని విడుదల చేయబోతున్నారు.