సాయిపల్లవి `సారంగ దరియా` సంచలనం.. రేర్‌ మైల్‌ స్టోన్‌..

`లవ్‌స్టోరి` చిత్రంలోని `సారంగ దరియా` పాట ఎంతగా అలరిస్తున్న విషయం తెలిసిందే. తాజాగా ఇది రికార్డ్ వ్యూస్‌ని సొంతం చేసుకుంది. సినిమా విడుదలకు ముందే ఈ పాట సంచలనాలు క్రియేట్‌ చేస్తుంది. తాజాగా ఇది అరుదైన మైల్‌స్టోన్‌కి చేరుకుంది. 

నాగచైతన్య, సాయిపల్లవి జంటగా నటించిన `లవ్‌స్టోరి` చిత్రంలోని `సారంగ దరియా` పాట ఎంతగా అలరిస్తున్న విషయం తెలిసిందే. తాజాగా ఇది రికార్డ్ వ్యూస్‌ని సొంతం చేసుకుంది. సినిమా విడుదలకు ముందే ఈ పాట సంచలనాలు క్రియేట్‌ చేస్తుంది. తాజాగా ఇది అరుదైన మైల్‌స్టోన్‌కి చేరుకుంది. పాట విడుదలైన రెండు రోజుల్లోనే 50 మిలియన్స్ కిపైగా వ్యూస్‌ని సాధించింది. ఫిబ్రవరి 28న సమంత చేతుల మీదుగా విడుదలైన ఈ పాట కేవలం 14 రోజుల్లో 50 మిలియన్ వ్యూస్ మార్క్ చేరుకుందని చిత్ర బృందం తెలిపింది. 

సాయి పల్లవి చేసిన పాట `రౌడీ బేబీ` 8 రోజుల్లో 50 మిలియన్ వ్యూస్ సొంతం చేసుకుని మొదటి స్థానంలో ఉండగా, ఆ తర్వాత `సారంగ దరియా` నిలిచిందన్నారు. అల్లు అర్జున్‌ నటించిన `అల వైకుంఠపురములో` చిత్రంలోని సూపర్ హిట్ సాంగ్స్ `బుట్ట బొమ్మ`, `రాములో రాములా` పాటలు `సారంగ దరియా` స్పీడ్ కంటే వెనకబడ్డాయి. `బుట్ట బొమ్మ` పాటకు 50 మిలియన్ వ్యూస్ వచ్చేందుకు 18 రోజులు పట్టగా, `రాములో రాములా` పాటకు 27 రోజులు పట్టిందన్నారు. 

సుద్దాల అశోక్ తేజ సాహిత్యాన్ని అందించిన `సారంగ దరియా` పాటకు శేఖర్ మాస్టర్ కొరియోగ్రఫీ సినిమాలో ఆడియెన్స్ తో స్టెప్పులు వేయించనుంది. పవన్ సీహెచ్ సంగీతం ఈ తెలంగాణ జానపద గీతానికి అద్భుతంగా కుదిరింది. మంగ్లీ గొంతులో పలికిన మరో సూపర్ హిట్ సాంగ్ సారంగ దరియా. ఇన్ని స్పెషాలిటీస్ తో ఏప్రిల్ 16న `లవ్ స్టోరి` సినిమా ప్రేక్షకుల ముందుకు రానుంది. ఈ చిత్రాన్ని శ్రీ వెంకటేశ్వర సినిమాస్ ఎల్ఎల్ పీ, అమిగోస్ క్రియేషన్స్ సంస్థలు సంయుక్తంగా నిర్మిస్తున్నాయి. కె నారాయణదాస్ నారంగ్, పి. రామ్మోహన్ రావు నిర్మాతలు.