మాదక ద్రవ్యాల కేసులో హీరో శ్రీరామ్ అరెస్ట్.. బ్లడ్ టెస్ట్ ల్లో నిర్థారణ.. కోలీవుడ్లో కలవరం
సారాంశం
కోలీవుడ్ హీరో శ్రీరామ్( శ్రీకాంత్) అరెస్ట్ అయ్యారు. మాదక ద్రవ్యాల కేసులో ఆయన్ని పోలీసులు సోమవారం అరెస్ట్ చేశారు. దీంతో ఇది కోలీవుడ్ కలకరం రేపుతోంది.
మాదక ద్రవ్యాల వాడకం రోజురోజుకీ పెరుగుతోంది. పిల్లల నుంచి పెద్దల వరకు అందరూ దీనికి బానిసలు అవుతున్నారు. చాపకింద నీరులా ఇది అంతా వ్యాపిస్తుంది. గతంలోనూ టాలీవుడ్లో మాదక ద్రవ్యాల విషయం కలకలం రేపిన విషయం తెలిసిందే.
ఈ కేసులో చాలా మంది సెలబ్రిటీలు విచారణ ఎదుర్కొన్నారు. ఇప్పుడు మరో హీరో మాదక ద్రవ్యాల కేసులో ఇరుక్కున్నారు. తెలుగు, తమిళంలో హీరోగా గుర్తింపు తెచ్చుకున్న శ్రీరామ్ మాదక ద్రవ్యాల కేసులో అరెస్ట్ అయ్యారు. సోమవారం ఆయన్ని చెన్నై పోలీసులు అదుపులోకి తీసుకున్నారు.
మాదక ద్రవ్యాల కేసులో నటుడు శ్రీరామ్ అరెస్ట్
శ్రీరామ్కి మాదక ద్రవ్యాల టెస్ట్ చేయగా, అందులో మాదక ద్రవ్యాల వాడినట్టు నిర్థారణ అయ్యింది. దీంతో పోలీసులు అదుపులోకి తీసుకున్నట్టు తెలుస్తోంది. అన్నాడీఎంకే ఐటీ విభాగంలో పనిచేసే ప్రశాంత్ అనే వ్యక్తిని ఒక బార్ లో జరిగిన గొడవ కేసులో అరెస్ట్ చేశారు.
అతన్ని విచారించగా విదేశాల నుంచి మాదక ద్రవ్యాలు తెప్పించి నటుడు శ్రీకాంత్ కి ఇచ్చినట్టు ఒప్పుకున్నాడు. నుంగంబాక్కంలోని ఒక బార్ లో జరిగిన గొడవ కేసులో అరెస్ట్ అయిన ప్రశాంత్, శ్రీకాంత్ కి కొకైన్ లాంటి మాదక ద్రవ్యాలు ఇచ్చినట్టు పోలీసులకు చెప్పాడు.
శ్రీకాంత్ కి రక్త పరీక్షలు, మాదక ద్రవ్యాలు తీసుకున్నట్టు నిర్థారణ
దీంతో శ్రీరామ్కి బ్లడ్ టెస్ట్ చేయగా, ఇందులో ఆయన మాదక ద్రవ్యాలు వాడినట్టు తేలింది. దీంతో శ్రీరామ్ని విచారించిన పోలీసులు తాజాగా అరెస్ట్ చేసినట్టు సమాచారం. ఈ ఘటన కోలీవుడ్లో కలవరం సృష్టిస్తోంది.
2002లో వచ్చిన ‘రోజా కూటం’ సినిమాతో శ్రీకాంత్ సినీ రంగ ప్రవేశం చేశాడు. తమిళం తో పాటు తెలుగు, మలయాళ సినిమాల్లో కూడా నటించాడు. `వర్ణజాలం’, ‘కనా కాండెన్’, ‘ఒరునాళ్ కనవు’, ‘పంబరకణ్ణాలే’, ‘మెర్క్యురీ పూక్కళ్’, ‘కిళక్కు కడర్కరై సాలై’, ‘పూ’, ‘చతురంగం’ వంటి తమిళ చిత్రాల్లో నటించాడు.
‘పార్తిబన్ కనవు’ సినిమా అతనికి మంచి పేరు తెచ్చిపెట్టింది. ఈ సినిమాకి తమిళనాడు ప్రభుత్వం నుంచి ప్రత్యేక అవార్డు కూడా వచ్చింది.
శ్రీరామ్ నటించిన తెలుగు సినిమాలివే
ఇక శ్రీరామ్ తెలుగులో `ఒకరికి ఒకరు`, `ఆడవారి మాటలకు అర్థాలు వేరులే`, `పోలీస్ పోలీస్`, `దడ`, `నిప్పు`, `లై`, `రాగల 24 గంటల్లో`, `అసలేం జరిగింది`, `టెన్త్ క్లాస్ డైరీస్`, `రావణాసుర`, `పిండం`, `వళరి`, `ఎర్రచీర` వంటి చిత్రాల్లో నటించారు.
తెలుగులో ఆయన సినిమాలు పెద్దగా ఆడలేదు. ఇతర హీరోలతో కలిసిన చిత్రాలు మంచి ఆదరణ పొందాయి. ముఖ్యంగా `ఆడవారి మాటలకు అర్థాలు వేరులే`లో ఆయన పాత్ర తెలుగు ఆడియెన్స్ ని బాగా ఆకట్టుకుంది. హీరోగా మళ్లీ బిజీ అవుతున్న ఆయన ఇప్పుడు ఇలా మాదక ద్రవ్యాల కేసులో అరెస్ట్ కావడం విచారకరం.