ఎన్టీఆర్ ని గుర్తుచేసుకుంటూ.. రాజమౌళి వ్యాఖ్యలు!

హీరోగా ఎన్టీఆర్ చేసింది అప్పటికి ఒక్క సినిమా మాత్రమే.. అతడిని హీరోగా పెట్టి దర్శకుడు రాజమౌళి 'స్టూడెంట్ నం.1' తెరకెక్కించాడు. రాజమౌళికి కూడా అదే మొదటి సినిమా. ఈ సినిమా ఇద్దరూ హిట్ అందుకున్నారు. 

హీరోగా ఎన్టీఆర్ స్థాయిని పెంచిన సినిమా కూడా అదే.. ఆ తరువాత వరుస అవకాశాలతో టాప్ రేసులో దూసుకుపోయాడు. రాజమౌళికి 'స్టూడెంట్ నం.1'హిట్ బాగా కలిసొచ్చింది. ఈ సినిమా వచ్చి 17 సంవత్సరాలు పూర్తయ్యాయి. 

ఈ సందర్భంగా అప్పటిరోజులను గుర్తు చేసుకున్న రాజమౌళి సోషల్ మీడియా వేదికగా ఓ పోస్ట్ పెట్టారు. 'నా మొదటి సినిమా స్టూడెంట్ నం.1 విడుదలై ఇప్పటికి 17 ఏళ్లు అవుతోంది. ఎన్టీఆర్, నేను ఇప్పటికి కొద్దిగా మెరుగయ్యాం.. సమయం ఎంత వేగంగా గడిచిపోయింది' అంటూ అప్పటిరోజులను గుర్తుచేసుకున్నారు.

ఆ సినిమా తరువాత వీరిద్దరూ కలిసి 'సింహాద్రి', 'యమదొంగ' సినిమాలకు పని చేశారు. ఇప్పుడు రాజమౌళి రూపొందించబోయే.. మల్టీస్టారర్  సినిమాలో ఒక హీరోగా ఎన్టీఆర్ కనిపించనున్నాడు.