Bigg Boss3: సెంటిమెంట్ తో కొట్టిన వరుణ్ తండ్రి.. బామ్మ మాటలకి నాగ్ ఫిదా

దాదాపు మూడున్నర నెలలుగా తెలుగు ప్రేక్షకులని అలరించిన బిగ్ బాస్ సీజన్ 3నేటితో ముగియబోతోంది. నవంబర్ 3 ఆదివారం రోజున బిగ్ బాస్ షో గ్రాండ్ ఫినాలే కు ముస్తాబైంది. హౌస్ లో ఉన్న కంటెస్టెంట్స్ ఐదుగురిలో ఎవరు విజేతగా నిలబోతున్నారనే ఉత్కంఠ సర్వత్రా నెలకొని ఉంది. కాగా ప్రస్తుతం కలర్ ఫుల్ గా బిగ్ బాస్ గ్రాండ్ ఫినాలే జరుగుతోంది. 

బిగ్ బాస్ 3 గ్రాండ్ ఫినాలేకి ఫైనల్ చేరుకున్న కంటెస్టెంట్స్ కుటుంబ సభ్యులు హాజరయ్యారు. నాగార్జున ఒక్కొక్కరితో మాట్లాడుతూ ఎవరు విజయం సాధిస్తారు అని అడిగారు. అదే విధంగా సరదాగా కూడా మాట్లాడారు. వరుణ్ సందేశ్ తండ్రి, వాళ్ళ బామ్మ విజయలక్ష్మి కూడా ఈ షోకి హాజరయ్యారు. 

వరుణ్ గురించి అతడి తండ్రి మాట్లాడుతూ నాగార్జునతో సెంటిమెంట్ డైలాగులు కొట్టారు. వరుణ్ ని చూపినపుడల్లా మీరు, మీ తండ్రి ఏఎన్నార్ గారు కలసి నటించిన ఇద్దరు ఇద్దరే చిత్రంలోని 'ఓనమాలు నేర్పాలని అనుకున్న కన్నా'అనే పాట గుర్తుకు వస్తుందని తెలిపారు. వరుణ్ మంచి ప్రవర్తన బిగ్ బాస్ షో ద్వారా అందరికి తెలిసిందని అన్నారు. 

ఇక వరుణ్ సందేశ్ బామ్మ చాలా సరదాగా నాగార్జునతో మాట్లాడింది. నా మనవడిని చూడడానికే కాదు.. మిమ్మల్ని చూడడానికి కూడా ఈ షోకి తాను హాజరయ్యానని ఆమె అన్నారు. మనం చిత్రంలో శ్రీయకు ఐలవ్యూ చెప్పే సన్నివేశం, గీతాంజలిలో ఏ..ఏ అంటూ హీరోయిన్ తో సాగే సన్నివేశాలు తనకు చాలా ఇష్టమని వరుణ్ బామ్మ విజయలక్ష్మి నాగార్జునతో అన్నారు. నాగార్జున తిరిగి బామ్మకు ఐలవ్యూ చెప్పారు.