'మంజుమ్మెల్ బాయ్స్' తెలుగు రైట్స్ ఎంతకు కొన్నారు, రిలీజ్ ఎప్పుడు?

సంచ‌ల‌న విజ‌యం సాధించి రికార్డుల మీద రికార్డులు తిర‌గ రాస్తున్న‌చిత్రం మంజుమ్మెల్ బాయ్స్ (Manjummel Boys)

రీసెంట్ గా  మ‌ల‌యాళంలో విడుద‌లై సంచ‌ల‌న విజ‌యం సాధించి రికార్డుల మీద రికార్డులు తిర‌గ రాస్తున్న‌చిత్రం మంజుమ్మెల్ బాయ్స్.  ఇప్పుడ ఎక్కడ చూసినా ఈసినిమా సృష్టిస్తున్న సెన్సేషన్ గురింజచే. అంతా కొత్త వారితో రియ‌ల్‌ ఇన్సిడెంట్ అధారంగా తెర‌కెక్కిన ఈ సినిమా మ‌ల‌యాళ ఇండ‌స్ట్రీని షేక్ చేసి ప‌డేస్తోంది. నిజ జీవిత సంఘటనలు అధారంగా తెర‌కెక్కిన ఈ సినిమా మొద‌టి రోజు నుంచే సూప‌ర్ సాజిటివ్ టాక్‌తో కేర‌ళ‌లో దూసుకువెళ్తోంది. తమిళంలో రిలీజ్ చేస్తే అక్కడ సెన్సేషన్ అయ్యింది.  ఇంత‌వ‌ర‌కు ఏ పెద్ద స్టార్‌ చూడ‌లేని విజ‌యాన్ని, ఏ చిత్రానికి సాధ్య‌ప‌డ‌ని వ‌సూళ్లను రాబ‌డుతూ మ‌ల‌యాళ ఇండ‌స్ట్రీని షేక్ చేసి ప‌డేస్తోంది. ఈ నేపధ్యంలో ఈ చిత్రం తెలుగు రైట్స్ తీసుకుని  రిలీజ్ చేస్తున్నారు. 

 ఈ సినిమా తెలుగు డ‌బ్బింగ్ వ‌ర్ష‌న్ రిలీజ్‌కు సిద్ధ‌మైంది.  ఈ రైట్స్ ని మైత్రీ తో పాటు మెట్రో సురేష్ నిరంజన రెడ్డిల భాగస్వామ్యంలో మళయాళ నిర్మాతలు తెలుగులో రిలీజ్ చేస్తున్నారు.  మార్చి 29 న ప్ర‌పంచ‌వ్యాప్తంగా ఈ చిత్రాన్ని అదే పేరుతో తెలుగులో భారీ ఎత్తున విడుద‌ల చేయటానికి సన్నాహాలు చేస్తున్నట్లు సమాచారం.. ఈ మేర‌కు మేక‌ర్స్ అధికారికంగా ఇప్పటికే వెల్లడించింది. దాంతో ఈ చిత్రం రైట్స్ ఎంతకు వెళ్లాయనే చర్చ మొదలైంది. ట్రేడ్ వర్గాల నుంచి అందుతున్న సమాచారం మేరకు  ఈ సినిమా డబ్బింగ్ రైట్స్ ని రెండు కోట్లకు తీసుకున్నారని, ఇదే ఈ మధ్యకాలంలో కొత్త వాళ్లతో వచ్చిన సినిమాకు పెట్టిన రేటు అంటున్నారు. 

 ఇప్ప‌టికే మ‌న తెలుగు వాళ్లు కూడా ఈ సినిమాను మ‌ల‌యాళంలోనూ చూస్తు ప్ర‌శంస‌లు గుప్పిస్తుండ‌డం విశేషం. కామెడీ, ఎమోష‌న్‌, సంగీతం, సస్పెన్స్‌, థ్రిల్లింగ్ ఇలా అన్ని ర‌కాల భావోద్వేగాల‌తో ప్రేక్ష‌కుడిని సీట్ ఎట్జ్‌లో కూర్చోబెట్టేలా రూపొందిన ఈ చిత్రానికి చిదంబ‌రం ద‌ర్శ‌క‌త్వం వ‌హించారు. దీంతో ఇప్పుడు త‌మిళ‌, మ‌ల‌యాళ సెల‌బ్రిటీలు ఈ డైరెక్ట‌ర్‌ని ఓ రేంజ్‌లో మెచ్చుకుంటూ ఆకాశానికెత్తేస్తున్నారు.

క‌థ ఏమిటంటే.... కేర‌ళ‌లో ని మంజుమ్మెల్ (Manjummel) ప్రాంతానికి చెందిన గ్రూప్ ఆఫ్ ప్రెండ్స్ దాదాపు ఓ ప‌ది మంది టూర్‌కు వెళ్లి తిరిగి వ‌స్తుంటారు. ఈక్ర‌మంలో క‌మ‌ల్‌హ‌స‌న్ న‌టించిన గుణ అనే సినిమా షేటింగ్ జ‌రిగిన ఓ గుహ‌ను చూడ‌డం మ‌రిచిపోయామంటూ ఆ గుహ ద‌గ్గ‌ర‌కు వెళ‌తారు. అప్పుడు అనుకోకుండా ఒక‌త‌ను ఆ గుహాలో ప‌డి పోతాడు. దీంతో అత‌నిని బ‌య‌ట‌కి తీసుకురావ‌డానికి ఆ మిత్ర బృందం చేసిన సాహ‌సం నేప‌థ్యంలో సినిమాను తెర‌కెక్కించారు. ఇంకా చాలా స‌న్నివేశాల‌లో గుణ సినిమాలోని క‌మ్మ‌నీ ఈ ప్రేమ‌ను అనే పాట‌ను, క‌మ‌ల్ వాయిస్‌ను బాగా వాడ‌డం కూడా ఈ చిత్రానికి బాగా క‌లిసొచ్చింది.