వీరుడొస్తున్నాడు.. KGF 2 రిలీజ్ డేట్ ఫిక్స్

సినీ ప్రియులంతా దేశ వ్యాప్తంగా ఈ ఏడాది ఎదురుచూస్తున్న చిత్రం కెజిఎఫ్ చాఫ్టర్ 2. సౌత్ స్టార్ హీరో యష్ నటిస్తున్న ఈ చిత్రాన్ని దర్శకుడు ప్రశాంత్ నీల్ తెరకెక్కిస్తున్నాడు. 2018లో విడుదలైన కెజిఎఫ్ మొదటి భాగం సంచలన విజయం అందుకుంది. అన్ని భాషల్లో ఈ చిత్రం ఘనవిజయం సాధించిన సంగతి తెలిసిందే. 

హీరో యష్ నటన, యాక్షన్ సీన్స్, కట్టిపడేసే కథ ఇలా ప్రతి అంశం ప్రేక్షకులని మెప్పించింది. దీనితో ప్రతి ఒక్కరూ కెజిఎఫ్ 2 కోసం ఎదురుచూస్తున్నారు. ముందుగా ఈ చిత్రాన్ని వేసవిలో రిలీజ్ చేస్తారనే ప్రచారం జరిగింది. కానీ వేసవికి ఈ చిత్రం రిలీజ్ కావడం లేదని ఇదివరకే చిత్ర యూనిట్ ప్రకటించారు. తాజాగా కెజిఎఫ్ రిలీజ్ డేట్ ని చిత్ర యూనిట్ అధికారికంగా ప్రకటించింది. 

దసరా ఫెస్టివల్ సీజన్ టార్గెట్ చేస్తూ.. అక్టోబర్ 23 ప్రపంచ వ్యాప్తంగా ఈ చిత్రాన్ని రిలీజ్ చేయబోతున్నట్లు అధికారికంగా ప్రకటించారు. కెజిఎఫ్ అభిమానుల్లో పండగ వాతావరణం నెలకొంది. 

కెజిఎఫ్ 2లో బాలీవుడ్ స్టార్ సంజయ్ దత్ మెయిన్ విలన్ గా నటిస్తున్న సంగతి తెలిసిందే. రవీనా టాండన్ కూడా ఈ చిత్రంలో కీలక పాత్రలో నటిస్తోంది. కెజిఎఫ్ లోకి ఎంటర్ అయిన యష్.. గరుడని హతమార్చడంతో మొదటి భాగం ముగుస్తుంది. రెండవ భాగాన్ని అంతకు మించేలా దర్శకుడు ప్రశాంత్ నీల్ తెరకెక్కిస్తున్నారు.