టీమిండియా గ్రూప్-2లో ఎవరెవరితో తలపడనుంది..? మ్యాచ్‌లు ఎక్కడ..? షెడ్యూల్ వివరాలు ఇవే..

T20 World Cup 2022: పదిహేనేండ్ల తర్వాత  టీ20 ప్రపంచకప్ ను మళ్లీ భారత్ కు తీసుకురావాలనే లక్ష్యంతో ఆస్ట్రేలియాకు బయల్దేరిన  టీమిండియా.. ఆ మేరకు ఆదివారం తొలి  అడుగు వేసేందుకు సిద్ధమవుతున్నది.  క్వాలిఫై రౌండ్  మ్యాచ్ లు ముగిశాక భారత్  ఏ జట్టుతో పోటీ పడనుందో స్పష్టత వచ్చింది. 

ఆస్ట్రేలియా వేదికగా జరుగుతున్న టీ20  ప్రపంచకప్ లో క్వాలిఫై కథ ముగిసింది. శనివారం నుంచి అసలు సిసలు సూపర్ - 12 మొదలుకానుంది. క్వాలిఫై రౌండ్ లో  8 జట్లు పోటీ పడగా  అందులోంచి శ్రీలంక, నెదర్లాండ్స్, జింబాబ్వే,  ఐర్లాండ్ లు సూపర్-12కు అర్హత సాధిచాయి.  ఈ నేపథ్యంలో భారత్ షెడ్యూల్ ఎలా ఉంది..?  ఈనెల 23 తర్వాత భారత్.. ఏ జట్లతో పోటీ పడనుంది..? తదితర వివరాలు ఇక్కడ చూద్దాం.  

టీమిండియా ఈనెల 23న పాకిస్తాన్  తో  మ్యాచ్ ద్వారా ఈ ప్రపంచకప్ వేటను  మొదలుపెట్టనుంది.  మెల్‌బోర్న్ వేదికగా ఈ మ్యాచ్ జరుగనుంది.  ఇప్పటికే ఇరు జట్లు మెల్‌బోర్న్‌కు చేరి ప్రాక్టీస్ కూడా మొదలుపెట్టాయి.  

టీమిండియా షెడ్యూల్, వేదిక, టైమ్ : 

- అక్టోబర్ 23 : ఇండియా - పాకిస్తాన్ 
వేదిక : మెల్‌బోర్న్,  భారత కాలమానం ప్రకారం మధ్యాహ్నం 12.30 గంటలకు మ్యాచ్ ప్రారంభం కానుంది. 

- అక్టోబర్ 27 : ఇండియా - నెదర్లాండ్స్ 
వేదిక : సిడ్నీ క్రికెట్ గ్రౌండ్, మ్యాచ్ టైం :  మధ్యాహ్నం 12.30 నుంచి 

- అక్టోబర్ 30 : ఇండియా - సౌతాఫ్రికా
వేదిక : పెర్త్ స్టేడియం. మ్యాచ్ టైం : సాయంత్రం 4.30 నుంచి 

- నవంబర్ 02 : ఇండియా - బంగ్లాదేశ్ 
వేదిక : అడిలైడ్ ఓవల్. మ్యాచ్ టైం : మధ్యాహ్నం 1:30 నుంచి 

- నవంబర్ 06 : ఇండియా - జింబాబ్వే 
వేదిక : మెల్‌బోర్న్ క్రికెట్ గ్రౌండ్. మ్యాచ్ టైం : మధ్యాహ్నం 1.30 నుంచి..

భారత్ తో సహా టీ20 ప్రపంచకప్‌కు సంబంధించిన మ్యాచ్ లన్నీ స్టార్ నెట్వర్క్ తో పాటు డిస్నీ హాట్ స్టార్ లో వీక్షించొచ్చు. 

గ్రూప్ : బిలో ఉన్న జట్లు :  ఇండియా, పాకిస్తాన్,  సౌతాఫ్రికా, నెదర్లాండ్స్, జింబాబ్వే, బంగ్లాదేశ్ 

- సూపర్ - 12లో భాగంగా రెండు గ్రూపుల నుంచి టాప్ 2 గా నిలిచిన రెండు జట్లు సెమీస్‌కు చేరతాయి.  నవంబర్ 9న తొలి సెమీస్ (సిడ్నీ), నవంబర్ 10న రెండో సెమీస్ (అడిలైడ్) జరుగనుండగా.. నవంబర్ 13న మెల్‌బోర్న్ క్రికెట్ గ్రౌండ్ (ఎంసీజీ) వేదికగా ఫైనల్ జరుగుతుంది.