☰
షారుఖ్ ఖాన్ ఈడెన్ గార్డెన్స్‌లో ఐపీఎల్ 18వ ఎడిషన్‌ను ప్రారంభించారు. శ్రేయా ఘోషల్, దిశా పటానీ వంటి స్టార్ పెర్ఫార్మర్‌లను పరిచయం చేశారు.
18వ ఎడిషన్ ఇండియన్ ప్రీమియర్ లీగ్ (ఐపీఎల్) ప్రారంభోత్సవానికి బాలీవుడ్ సూపర్ స్టార్ షారుఖ్ ఖాన్ తనదైన శైలిలో మెరుపులు అద్దారు. కోల్‌కతాలోని ఈడెన్ గార్డెన్స్ స్టేడియంలో వేదికపై సందడి చేశారు.
షా రుఖ్ ఖాన్ ప్రసంగంతో కార్యక్రమాన్ని ప్రారంభించగా అభిమానులు కేరింతలు కొట్టారు. ప్రేక్షకులకు అభివాదం చేస్తూ, ఈ సంవత్సరం ఐపీఎల్ టోర్నమెంట్‌పై తన ఉత్సాహాన్ని వ్యక్తం చేశారు.
''ఈరోజు ఐపీఎల్ 18 ఏళ్లు పూర్తి చేసుకున్న సందర్భంగా ఇది ఒక లీగ్‌గా కాకుండా ఒక ఉద్యమంగా, క్రీడా వేడుకగా, అభిరుచుల పండుగగా, హీరోలు తయారయ్యే యుద్ధభూమిగా నిలుస్తుంది. మనం ఆనందాల నగరమైన కోల్‌కతాలో ఉన్నాం'' అని ఆయన చెప్పడంతో ప్రేక్షకుల నుంచి పెద్ద ఎత్తున స్పందన వచ్చింది.
శ్రేయా ఘోషల్, కరణ్ ఔజ్లా, దిశా పటానీతో సహా స్టార్ పెర్ఫార్మర్‌లను కూడా సూపర్ స్టార్ పరిచయం చేశారు.
''మీ అందరి కోసం అతిపెద్ద తారల ద్వారా మెగా సెలబ్రేషన్'' అని ఆయన అన్నారు.
నలుపు రంగు జాకెట్, నలుపు చొక్కా, ప్యాంటులో షారుఖ్ చాలా అందంగా కనిపించారు. రాత్రికి కావాల్సినంత ఉత్సాహాన్ని నింపారు.
ఐపీఎల్ 2025 ప్రారంభోత్సవం బాలీవుడ్ తారల నృత్యాలు, పాటలతో అంగరంగ వైభవంగా జరిగింది. శ్రేయా ఘోషల్ తన మధురమైన గాత్రంతో మంత్రముగ్ధులను చేసింది.
𝐓𝐡𝐞 𝐯𝐨𝐢𝐜𝐞. 𝐓𝐡𝐞 𝐦𝐨𝐦𝐞𝐧𝐭. 𝐓𝐡𝐞 𝐦𝐚𝐠𝐢𝐜 🎶
Shreya Ghoshal’s mesmerizing voice lights up the 2025 opening ceremony! ⭐ | pic.twitter.com/cDM8OpOIP3
ఆమె 'మేరా ధోల్నా', 'కర్ కర్ హర్ మైదాన్ ఫతే' వంటి తన హిట్ పాటలను ఆలపించి ప్రేక్షకులను అలరించింది. 'వందేమాతరం' ఆలపించి కార్యక్రమానికి దేశభక్తి రంగును అద్దింది.
పంజాబీ సంచలనం కరణ్ ఔజ్లా తన శక్తివంతమైన ప్రదర్శనతో ప్రేక్షకులను ఉర్రూతలూగించాడు. దిశా పటానీ తన మెరుపులాంటి డ్యాన్స్‌తో వేదికను దుమ్ము దులిపింది.
ప్రారంభోత్సవం అనంతరం ఐపీఎల్ జట్లు కోల్‌కతా నైట్ రైడర్స్ (కేకేఆర్), రాయల్ ఛాలెంజర్స్ బెంగళూరు (ఆర్‌సీబీ) 18వ ఎడిషన్‌లో తొలి మ్యాచ్‌లో తలపడ్డాయి.
శుక్రవారం కేకేఆర్ సహ యజమాని అయిన షారుఖ్ తన జట్టు ఆటగాళ్లతో సమావేశమై వారిలో మనోధైర్యాన్ని నింపారు.
కేకేఆర్ అధికారిక ఇన్‌స్టాగ్రామ్ ఖాతాలో షేర్ చేసిన వీడియోలో షారుఖ్ ఖాన్ డ్రెస్సింగ్ రూమ్‌లో ప్రతి ఆటగాడిని వ్యక్తిగతంగా పలకరిస్తూ కనిపించారు. వారిని ఆప్యాయంగా హత్తుకుని, ''దేవుడు మిమ్మల్ని చల్లగా చూడాలి. సంతోషంగా ఉండండి. వారిని చూసుకున్నందుకు చందూ సార్ మీకు ధన్యవాదాలు. కొత్త సభ్యులకు స్వాగతం. మాతో చేరి కెప్టెన్‌గా ఉన్నందుకు అజింక్య మీకు ధన్యవాదాలు. దేవుడు మిమ్మల్ని చల్లగా చూడాలి, ఇక్కడ మీకు మంచి ఇల్లు దొరుకుతుందని, మేమందరం కలిసి బాగా ఆడతామని ఆశిస్తున్నాను. శుభ సాయంత్రం, మంచి మ్యాచ్ ఆడండి, ఆరోగ్యంగా ఉండండి'' అని అన్నారు.
𝐊𝐢𝐧𝐠 𝐊𝐡𝐚𝐧 𝐤𝐚 𝐩𝐲𝐚𝐚𝐫, 𝐊𝐧𝐢𝐠𝐡𝐭𝐬 𝐤𝐞 𝐧𝐚𝐚𝐦 💜 pic.twitter.com/mx2EkNHLdT
— KolkataKnightRiders (@KKRiders)
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి