స్టార్క్‌ను చూసి నేర్చుకొమ్మన్న అభిమాని... అశ్విన్ ‘మన్కడింగ్’ రిప్లై...

స్టార్క్‌ను చూసి నేర్చుకోవాలంటూ అశ్విన్‌కు సలహా ఇచ్చిన అభిమాని... మంచి ఫైట్ జరుగుతున్నప్పుడే పోరాడడానికే ఇష్టపడతా... అంటూ అశ్విన్ రిప్లై!

గత ఐపీఎల్ సీజన్‌లో పంజాబ్ ఎలెవన్ కింగ్స్ జట్టుకు కెప్టెన్‌గా వ్యవహారించాడు భారత స్టార్ స్పిన్నర్ రవిచంద్రన్ అశ్విన్. రాజస్థాన్ రాయల్స్‌తో జరిగిన ఓ మ్యాచ్‌లో రవిచంద్రన్ అశ్విన్ చేసిన ‘మన్కడింగ్’ తీవ్ర వివాదాస్పదమైంది. చాలామంది అశ్విన్ క్రీడా స్ఫూర్తికి విరుద్ధంగా వ్యవహారించాడని, ఛీటింగ్ చేసి గెలవాలని ప్రయత్నించాడంటూ ‘ఛీటర్’ అంటూ ట్రోల్ చేశారు.

ఏడాదిన్నరగా తనపై వస్తున్న ఈ ఆరోపణలు మౌనంగా స్వీకరిస్తున్నాడు అశ్విన్. తాజాగా మరోసారి ఈ ‘మన్కడింగ్’ వివాదంపై స్పందించాడు అశ్విన్. నిన్న ఆస్ట్రేలియా, ఇంగ్లాండ్ మధ్య జరిగిన మ్యాచ్‌లో స్టార్క్ బంతి విసరక ముందే, నాన్‌స్టైకింగ్‌లో ఉన్న ఆదిల్ రషీద్‌ ముందుకు వచ్చేశాడు.

దీన్ని గమనించిన స్టార్క్, అతన్ని హెచ్చరిస్తూ సైగ చేశాడు. ఈ ఫోటో పోస్టు చేసిన ఓ వ్యక్తి... ‘దయచేసి చూసి నేర్చుకో అశ్విన్... ఇలా నువ్వు ఆడాలి’ అంటూ కామెంట్ చేశాడు.

దీనిపై స్పందించిన అశ్విన్... ‘నేను గుడ్ ఫైట్‌లో ఫైట్ చేయడానికే ఇష్టపడతాను కానీ కాస్త వేచి చూడు.  దీనిపైన మళ్లీ నీతో మాట్లాడతా... నాక్కూడా ఓ రోజు ఇస్తాను’ అంటూ ట్వీట్ చేశాడు. పంజాబ్ నుంచి ఢిల్లీ జట్టులో చేరిన అశ్విన్ పుట్టినరోజు నేడు.