IND vs ENG: టాస్ గెలిచిన ఇంగ్లాండ్.. భారత జట్టులో మూడు కీలక మార్పులు

India vs England Test: ఇంగ్లాండ్‌తో రెండవ టెస్టులో భారత కెప్టెన్ శుభ్‌మన్ గిల్ జట్టు కూర్పులో మూడు మార్పులు చేశారు. ప్రస్తుతం భారత జట్టు ఐదు టెస్టుల సిరీస్ కోసం ఇంగ్లాండ్ లో పర్యటిస్తోంది.

India vs England Test: ఇంగ్లాండ్‌తో జరుగుతున్న రెండో టెస్టులో భారత్ జట్టులో మూడు కీలక మార్పులు చోటు చేసుకున్నాయి. కెప్టెన్ శుభ్ మన్ గిల్ నిర్ణయంపై అంతా ఉత్కంఠగా ఎదురు చూస్తుండగా జట్టులో నుంచి స్టార్ ప్లేయర్ ను తప్పించారు. ఈ మ్యాచ్ లో ఇంగ్లాండ్ కెప్టెన్ బెన్ స్టోక్స్ టాస్ గెలిచి మొదట బౌలింగ్ ఎంచుకున్నాడు.

ఈ సిరీస్‌లో ఇప్పటికే 1-0తో ఆధిక్యంలో ఉన్న ఇంగ్లాండ్, లీడ్స్‌లో విజయాన్ని దక్కించుకున్న అదే జట్టుతో ఈ మ్యాచ్‌కి బరిలోకి దిగింది. భారత్ జట్టు మాత్రం మూడు మార్పులు చేసింది.

భారత జట్టులో కీలక మార్పులు

ఇంగ్లాండ్ తో రెండో టెస్టు కోసం భారత జట్టులో మూడు కీలక మార్పులు చేశారు. స్టార్ బౌలర్ జస్ప్రిత్ బుమ్రా కు వర్క్ లోడ్ కారణంగా మేనేజ్‌మెంట్ ఈ మ్యాచ్‌కు విశ్రాంతిని ఇచ్చింది. అలాగే, బీ. సాయి సుదర్శన్, షార్దూల్ ఠాకూర్ లను కూడా జట్టులో నుండి తప్పించారు. 

బుమ్రా స్థానంలో పేసర్ అకాశ్ దీప్ ను జట్టులోకి తీసుకున్నారు. ఇది అతనికి టెస్ట్ కెరీర్‌లో తొలి మ్యాచ్‌ కావడం విశేషం. అలాగే, నితిష్ కుమార్ రెడ్డి, వాషింగ్టన్ సుందర్ లను జట్టులోకి తీసుకున్నారు. వీరిద్దరూ ఆల్‌రౌండర్లుగా బ్యాటింగ్, బౌలింగ్‌లో జట్టుకు మద్దతిస్తారు.

భారత కెప్టెన్ శుభ్ మన్ గిల్ ఏం చెప్పారంటే?

టాస్ సమయంలో భారత కెప్టెన్ శుభ్ మన్ గిల్ మాట్లాడుతూ.. “జట్టులో మూడు మార్పులు చేశాం. నితిష్ కుమార్ రెడ్డి, వాషింగ్టన్ సుందర్ జట్టులోకి వచ్చారు. బుమ్రా స్థానంలో అకాశ్ దీప్ ఆడుతున్నాడు. ఇది మాకు కీలకమైన మ్యాచ్. మూడో టెస్ట్ లార్డ్స్‌లో ఉండడం వల్ల అక్కడ పిచ్ పరిస్థితులు వేరుగా ఉండొచ్చు అని భావించాం. కుల్దీప్‌ను ఆడించాలని అనిపించినప్పటికీ, బ్యాటింగ్ డెప్త్‌ను మెరుగుపరచాలన్న ఉద్దేశంతో మార్పులు చేశాం” అని చెప్పాడు.

ఎలాంటి మార్పులు లేని జట్టుతో బరిలోకి దిగిన ఇంగ్లాండ్

మొదటి టెస్టు గెలిచిన జట్టుతో ఇంగ్లాండ్ రెండో మ్యాచ్ ను కూడా ఆడుతోంది. టాస్ గెలిచిన ఇంగ్లాండ్ జట్టు కెప్టెన్ బెన్ స్టోక్స్ మాట్లాడుతూ.. “మేం టాస్ గెలిచి మొదట బౌలింగ్ ఎంచుకున్నాం. ఇక్కడ వాతావరణ పరిస్థితులు బౌలింగ్‌కు అనుకూలంగా ఉన్నాయి. గత మ్యాచ్‌లో మేము బాగా ఆడాం, అదే ఆటతీరు కొనసాగించాలనుకుంటున్నాం” అని చెప్పారు.

రెండో టెస్టుకోసం భారత్- ఇంగ్లాండ్ జట్లు

భారత్ జట్టు ప్లేయింగ్ 11: యశస్వి జైస్వాల్, కేఎల్ రాహుల్, కరుణ్ నాయర్, శుభ్ మన్ గిల్ (కెప్టెన్), రిషభ్ పంత్ (వికెట్‌ కీపర్), నితిష్ కుమార్ రెడ్డి, రవీంద్ర జడేజా, వాషింగ్టన్ సుందర్, అకాశ్ దీప్, మహ్మద్ సిరాజ్, ప్రసిద్ధ్ క్రిష్ణ.

ఇంగ్లాండ్ జట్టు ప్లేయింగ్ 11: జాక్ క్రాలీ, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్ (వికెట్ కీపర్), క్రిస్ వోక్స్, బ్రైడన్ కార్స్, జోష్ టంగ్, షోయబ్ బషీర్.

గెలుపే లక్ష్యంగా గ్రౌండ్ లో అడుగుపెట్టిన గిల్ సేన

లీడ్స్‌లో జరిగిన మొదటి టెస్ట్‌లో భారత్ ఐదు వికెట్ల తేడాతో ఓడిపోయింది. దీంతో రెండో టెస్టు భారత్‌కు మస్ట్ విన్ పరిస్థితిలో ఏర్పర్చింది. అక్కడ మంచి ఆటతీరు కనబరిచినప్పటికీ, లోయర్ ఆర్డర్ రాణించలేకపోవడం, ఫీల్డింగ్ లోపాలు భారత్‌ను దెబ్బతీశాయి. ఈ నేపథ్యంలో, కెప్టెన్ శుభ్ మన్ గిల్ నాయకత్వంలో జట్టు మార్పులతో బరిలోకి దిగింది.

ఇక ఇంగ్లాండ్ జట్టు లీడ్స్‌లో అద్భుత ప్రదర్శన చేసి మ్యాచ్‌ను కైవసం చేసుకుంది. వారు అదే జట్టుతో ఈ మ్యాచ్‌కి బరిలోకి దిగారు. జో రూట్, హ్యారీ బ్రుక్, స్టోక్స్ లాంటి సీనియర్లు అద్భుతంగా రాణించడంతో ఇంగ్లాండ్ ధైర్యంగా కనిపిస్తోంది.

ఈ మ్యాచ్‌ను భారత్ గెలవాలంటే బౌలింగ్‌లో మెరుగైన ప్రదర్శన అవసరం. బుమ్రా లేని పరిస్థితుల్లో సిరాజ్, ప్రసిద్ధ్, అకాశ్ దీప్ లపై భారం ఉంది. రెండో టెస్ట్ ఎడ్జ్‌బాస్టన్‌లో టఫ్ ఛాలెంజ్‌గా మారింది. పేస్‌కు అనుకూలంగా వాతావరణం ఉండటంతో మొదటి రోజు ఫలితం కీలకంగా మారబోతోంది.