ICC World cup 2023: ఆఫ్ఘాన్‌పై సౌతాఫ్రికా ఘన విజయం... ఆఫ్ఘనిస్తాన్ ఇంటికి! సెమీస్ చేరకపోయినా ..
By Chinthakindhi Ramu | First Published Nov 10, 2023, 10:06 PM ISTఆఖరి లీగ్ మ్యాచ్‌లో సౌతాఫ్రికా చేతుల్లో 5 వికెట్ల తేడాతో ఓడిన ఆఫ్గాన్... సౌతాఫ్రికా - ఆస్ట్రేలియా మధ్య మొదటి సెమీ ఫైనల్..
ఐసీసీ వన్డే వరల్డ్ కప్ 2023 టోర్నీలో ఆఫ్ఘాన్ కథ ముగిసింది. ఆఖరి లీగ్ మ్యాచ్‌లో సౌతాఫ్రికాతో జరిగిన మ్యాచ్‌లో 5 వికెట్ల తేడాతో పరాజయం పాలైంది ఆఫ్గాన్. గత ప్రపంచ కప్‌లో 9కి 9 మ్యాచులు ఓడిన ఆఫ్ఘాన్, ఈసారి 4 విజయాలతో అదరగొట్టింది...
చివరి లీగ్ మ్యాచ్‌లో సౌతాఫ్రికా చేతుల్లో ఓడినా 5 వికెట్లు తీసి, సఫారీ జట్టుని భయపెట్టింది. క్వింటన్ డి కాక్ 47 బంతుల్లో 2 ఫోర్లు, 3 సిక్సర్లతో 41 పరుగులు చేయగా కెప్టెన్ తెంబ భవుమా 28 బంతుల్లో 3 ఫోర్లతో 23 పరుగులు చేశాడు..
Latest Videos
undefined
అడియిన్ మార్క్‌రమ్ 25, హెన్రీచ్ క్లాసిన్ 10, డేవిడ్ మిల్లర్ 24 పరుగులు చేసి అవుట్ అయ్యారు. 182 పరుగులకే 5 వికెట్లు కోల్పోయింది సౌతాఫ్రికా. అయితే రస్సీ వాన్ దేర్ దుస్సేన్ 95 బంతుల్లో 6 ఫోర్లు, ఓ సిక్సర్‌తో 76 పరుగులు చేయగా ఆండిలే ఫెహ్లుక్వాయో 37 బంతుల్లో ఓ ఫోర్, 3 సిక్సర్లతో 39 పరుగులు చేసి మ్యాచ్‌ని ముగించాడు.
అంతకుముందు టాస్ గెలిచి బ్యాటింగ్ ఎంచుకున్న ఆఫ్ఘనిస్తాన్, నిర్ణీత 50 ఓవర్లలో 244 పరుగులకి ఆలౌట్ అయ్యింది..రెహ్మనుల్లా గుర్భాజ్ 25 పరుగులు చేయగా ఇబ్రహీం జాద్రాన్ 30 బంతుల్లో 3 ఫోర్లతో 15 పరుగులు చేశాడు. కెప్టెన్ హస్మతుల్లా షాహిదీ 2 పరుగులు చేసి నిరాశపరచగా రెహ్మత్ షా 46 బంతుల్లో 2 ఫోర్లతో 26 పరుగులు చేశాడు..
ఇక్రమ్ అలికిల్ 12, మహ్మద్ నబీ 2 పరుగులు చేయగా రషీద్ ఖాన్ 14, నూర్ అహ్మద్ 26 పరుగులు చేశాడు. ముజీబ్ 8, నవీన్ ఉల్ హక్ 2 పరుగులు చేశాడు. ఓ వైపు వికెట్లు పడుతున్నా మరో ఎండ్‌లో క్రీజులో కుదురుకుపోయిన అజ్మతుల్లా ఓమర్జాయ్ 107 బంతుల్లో 7 ఫోర్లు, 3 సిక్సర్లతో 97 పరుగులు చేశాడు..
ఇన్నింగ్స్ ఆఖరి ఓవర్‌లో అజ్మతుల్లా ఓమర్‌జాయ్‌కి సెంచరీ పూర్తి చేయడానికి 4 పరుగులు కావాల్సి వచ్చాయి. తొలి బంతికి సింగిల్ తీసిన నవీన్ ఉల్ హక్, ఓమర్‌జాయ్‌కి స్ట్రైయిక్ ఇచ్చాడు. రెండో బంతికి సింగిల్ రాగా, మూడో బంతికి కూడా సింగిల్ తీసి మళ్లీ ఓమర్‌జాయ్‌కి స్ట్రైయిక్ ఇచ్చాడు నవీన్..
ఆఖరి 3 బంతుల్లో అజ్మతుల్లాకి 3 పరుగులు కావాల్సి రాగా రెండు డాట్ బాల్స్‌ రావడంతో చివరి బంతికి సింగిల్ తీసేందుకు ప్రయత్నించాడు ఓమర్జాయ్. ఇన్నింగ్స్ చివరి బంతికి సింగిల్ తీసేందుకు ప్రయత్నించగా నవీన్ ఉల్ హక్ రనౌట్ అయ్యాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి