ఇంగ్లాండ్ బౌలర్ జేమ్స్ అండర్సన్ అరుదైన ఘనత... ఫస్ట్ క్లాస్ క్రికెట్‌లో వెయ్యి వికెట్లు తీసిన...

కౌంటీ ఛాంపియన్‌‌షిప్‌లో లాంకాషిర్‌ తరుపున ఆడుతున్న మ్యాచ్‌లో ఏడు వికెట్లు తీసిన అండర్సన్... ఫస్ట్ క్లాస్ క్రికెట్‌లో 1000 వికెట్లు తీసిన ఐదో పేసర్ అండర్సన్...  

ఇంగ్లాండ్ సీనియర్ పేసర్ జేమ్స్ అండర్సన్, మరో ఘనత సాధించాడు. ఫస్ట్ క్లాస్ క్రికెట్‌లో వెయ్యి వికెట్ల మైలురాయిని అందుకున్నాడు. ప్రస్తుతం ఇంగ్లాండ్ కౌంటీ ఛాంపియన్‌‌షిప్‌లో లాంకాషిర్‌ తరుపున ఆడుతున్న అండర్సన్, హీనో కున్ వికెట్ తీసి ఈ రికార్డు పూర్తిచేసుకున్నాడు.

10 ఓవర్లు వేసి 19 పరుగులు మాత్రమే ఇచ్చి 7 వికెట్లు తీసిన అండర్సన్... ఈ ఘనత సాధించిన 14వ బౌలర్‌గా నిలిచాడు. ఫస్ట్ క్లాస్ క్రికెట్‌లో 1000 వికెట్లు తీసిన ఐదో పేసర్ అండర్సన్. ఇంతకుముందు 2005లో ఆండీ క్యాడిక్, 2004లో మార్టిన్ బిక్‌నెల్, 2002లో డివాన్ మాల్కోమ్, 2001లో వసీం అక్రమ్ ఈ ఘనత సాధించారు...

162 టెస్టు మ్యాచులు ఆడిన 617 వికెట్లు తీసిన అండర్సన్, టెస్టుల్లో అత్యధిక వికెట్లు తీసిన నాలుగో బౌలర్‌గా నిలిచాడు. అండర్సన్ కంటే ముందున్న ముగ్గురూ స్పిన్నర్లే కావడం విశేషం.