IPL 2024 Auction : రచిన్ రవీంద్రను రూ.1.8 కోట్లకు దక్కించుకున్న సీఎస్కే .. పోటీపడి వదిలేసిన ఢిల్లీ
By Siva Kodati | First Published Dec 19, 2023, 3:27 PM IST2024 ఇండియన్ ప్రీమియర్ లీగ్‌కు సంబంధించి వేలం పాట ఆసక్తికరంగా సాగుతోంది. ఈ ఏడాది భీకర ఫాంలో వున్న న్యూజిలాండ్ యువ సంచలనం రచిన్ రవీంద్రను చెన్నై సూపర్ కింగ్స్ 1.8 కోట్లు వెచ్చించి సొంతం చేసుకుంది.
2024 ఇండియన్ ప్రీమియర్ లీగ్‌కు సంబంధించి వేలం పాట ఆసక్తికరంగా సాగుతోంది. ప్రస్తుతం వేలంలో రెండు రౌండ్లు ముగిశాయి. ఇప్పటి వరకు 12 మంది ఆటగాళ్లను ఫ్రాంఛైజీలు దక్కించుకున్నాయి. అనుకున్నట్లుగానే ఈ ఏడాది భీకర ఫాంలో వున్న న్యూజిలాండ్ యువ సంచలనం రచిన్ రవీంద్రను చెన్నై సూపర్ కింగ్స్ 1.8 కోట్లు వెచ్చించి సొంతం చేసుకుంది. రూ. 50 లక్షల కనీస ధరతో ప్రారంభమైన రచిన్‌ను సొంతం చేసుకోవడానికి తొలుత పెద్దగా ఆసక్తి చూపలేదు. అయితే ఢిల్లీ కేపిటల్స్, చెన్నై సూపర్ కింగ్స్ మధ్య అతని కోసం పోటీ నెలకొనగా.. చివరికి చెన్నై రచిన్‌ను దక్కించుకుంది.
ఇకపోతే..రెండు రౌండ్ల వేలం ముగిసే నాటికి చెన్నై సూపర్ కింగ్స్ రూ.11.6 కోట్లు, ఢిల్లీ కేపిటల్స్ రూ.24.95 కోట్లు, గుజరాత్‌ టైటాన్స్‌ రూ. 37.65 కోట్లు , కోల్‌కతా నైట్‌రైడర్స్‌ రూ. 32.70 కోట్లు , లఖ్‌నవూ సూపర్ జెయింట్స్‌ రూ. 13.15 కోట్లు , ముంబయి ఇండియన్స్ రూ. 12.75 కోట్లు , పంజాబ్ కింగ్స్ రూ. 13.15 కోట్లు, రాజస్థాన్‌ రాయల్స్‌ రూ. 7.10 కోట్లు , రాయల్ ఛాలెంజర్స్ బెంగళూరు రూ. 23.25 కోట్లు , సన్రైజర్స్ హైదరాబాద్ వద్ద రూ. 5.2 కోట్లు మిగిలాయి.
Latest Videos
undefined
Also Read: IPL 2024 Auction: ఐపీఎల్ రికార్డు బ్రేక్.. ప్యాట్ కమ్మిన్స్ కు దిమ్మ‌దిరిగే ధర.. !
కాగా.. ఇండియన్ ప్రీమియర్ లీగ్ (ఐపీఎల్) 2024 ప్లేయర్స్ వేలంలో మ‌రో రికార్డు న‌మోదైంది. ఐపీఎల్ చ‌రిత్ర‌లోనే మొద‌టి సారి ఒక ప్లేయ‌ర్ 20 కోట్ల రూపాయ‌లు ద‌క్కాయి. అత‌నే ఆస్ట్రేలియ‌న్ ప్లేయ‌ర్ ప్యాట్ కమ్మిన్స్. ఐసీసీ వ‌న్డే వ‌ర‌ల్డ్ క‌ప్ 2023 హీరో, ఆస్ట్రేలియ‌న్ బ్యాట‌ర్ ట్రావిస్ హెడ్ ను ముందుగా స‌న్ రైజ‌ర్స్ హైదరాబాద్ సొంతం చేసుకుంది. అనుకున్న‌ట్టుగానే అత‌న్ని భారీ ధ‌ర‌లో హైదరాబాద్ టీం సొంతం చేసుకుంది. ఆ తర్వాత ప్యాట్ కమిన్స్ ఏకంగా ఇప్ప‌టివ‌ర‌కు ఐపీఎల్ చ‌రిత్ర‌లోని విధంగా రూ.20.50 కోట్లు పెట్టి దక్కించుకుంది. ఇప్ప‌టివ‌ర‌కు ఐపీఎల్ చ‌రిత్ర‌లో ఒక ఆట‌గాడికి 20 కోట్ల రూపాయ‌లు దాటి చెల్లించ‌డం మొద‌టిసారి.
ప్యాట్ కమిన్స్ బేస్ ధర రూ.2 కోట్లు కాగా, అతని ధ‌రం ఏకంగా 20.50 కోట్ల రూపాయ‌లు పలికి సంచ‌ల‌నానికి తెర‌లేపింది. హైదరాబాద్, బెంగళూరు జ‌ట్లు అతని కోసం పోటీ ప‌డ్డాయి. రాయల్ ఛాలెంజర్స్ బెంగళూరు కూడా రూ.4.80 కోట్ల తర్వాత వేలం వేయడం ప్రారంభించింది. కమిన్స్ 128 టీ20 మ్యాచ్‌లు ఆడి 143 వికెట్లు తీశాడు. అతను బ్యాట్‌తోనూ రాణించ‌గ‌ల‌డు. చెన్నై కూడా అతని పై ఆసక్తి చూపింది. కానీ వేలంలో ఊహించ‌ని విధంగా ఏకంగా సన్రైజర్స్ హైదరాబాద్ ప్యాట్ కమిన్స్‌ను రూ.20.50 కోట్లకు కొనుగోలు చేసింది. దీంతో ఐపీఎల్ వేలంలో అత్యంత ఖరీదైన ఆటగాడిగా ఆస్ట్రేలియా కెప్టెన్ ప్యాట్ కమ్మిన్స్ నిలిచాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి