అమెరికా యుద్ధనౌకలో కరోనా వైరస్ బాధితులు: ఉన్నతాధికారులకు కెప్టెన్ లేఖ
By narsimha lode | First Published Apr 1, 2020, 4:30 PM ISTకరోనా వైరస్ సోకిన నావికులు తమ నౌకలో ఉన్నారని వారిని క్వారంటైన్ చేయాలని అమెరికా యుద్దనౌక థియోడర్ రూజ్‌వెల్ట్ కెప్టెన్ బ్రెట్ క్రోజియర్ ప్రభుత్వాన్ని కోరారు.
వాషింగ్టన్: కరోనా వైరస్ సోకిన నావికులు తమ నౌకలో ఉన్నారని వారిని క్వారంటైన్ చేయాలని అమెరికా యుద్దనౌక థియోడర్ రూజ్‌వెల్ట్ కెప్టెన్ బ్రెట్ క్రోజియర్ ప్రభుత్వాన్ని కోరారు. లేకపోతే సుమారు ఐదువేల మంది ఉన్న నౌకలో ఈ వ్యాధి అందరికి సోకే అవకాశం ఉందన్నారు.
ఈ మేరకు ఆయన నౌకాదళ ఉన్నతాధికారులకు లేఖ రాసినట్టుగా ఓ పత్రిక కథనాన్ని ప్రచురించింది. ప్రస్తుతం యుద్ధం చేయడం లేదు, ఈ సమయంలో నావికులు మరణించాల్సిన అవసరం లేదని ఆయన అభిప్రాయపడ్డారు. సకాలంలో స్పందించకపోతే ఈ వ్యాధి కారణంగా నౌకలో ఉన్నవారంతా అనారోగ్యానికి గురయ్యే అవకాశం లేకపోలేదని ఆ లేఖలో స్పష్టం చేశారు.
Latest Videos
undefined
Also read:కరోనా దెబ్బ:స్పెయిన్ రాణి మారియా థెరిసా మృతి
బ్రెట్ రాసిన లేఖ అందినట్టుగా అమెరికా నౌకదళ తాత్కాలిక కార్యదర్శి థామస్ మోడ్లీ ప్రకటించారు. నౌక కెప్టెన్ అభిప్రాయాలతో ఆయన ఏకీభవించారు. గ్వామ్ పోర్టులో ఈ నౌక ఉంది. ఈ నౌకలో విమానంతో పాటు యుద్ధంలో ఉపయోగించే ఆయుధాలు కూడ ఉన్నాయి. ఈ సమయంలో సైనికుల ప్రాణాలు కూడ తమకు ముఖ్యమేనని ఆయన గుర్తు చేశారు.
అగ్రరాజ్యం అమెరికాలో కరోనా విజృంభిస్తోంది. ఈ దేశంలో సుమారు మూడు వేలకు పైగా మరణాలు సంభవించాయి. రానున్న రెండు వారాలు అత్యంత కీలకమైనవని అధ్యక్షుడు ట్రంప్ ప్రకటించారు. దేశంలోని పలు రాష్ట్రాల్లో కరోనా వైరస్ వ్యాధి బారిన పడిన వారి సంఖ్య రోజు రోజుకు పెరుగుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి