కరోనా కలకలం... ఆ 50మంది తెలంగాణ బిడ్డలను కాపాడండి: కేంద్ర మంత్రిని కోరిన టీఆర్ఎస్ ఎంపీ
By Arun Kumar P | First Published Apr 6, 2020, 1:32 PM ISTకరోనా మహమ్మారి విజృంభిస్తున్న సమయంలో యూకేలో చిక్కుకున్న తెలంగాణ విద్యార్థులను కాపాడాలంటూ టీఆర్ఎస్ ఎంపీ రంజిత్ రెడ్డి కేంద్ర విదేశాంగ మంత్రి జయశంకర్ ను కోరారు.
న్యూడిల్లీ: యూకేలో కరోనా విజృంభిస్తున్న సమయంలో అక్కడ చిక్కుకుపోయిన తెలంగాణ విద్యార్థులను వెనక్కు తీసుకురావాలంటూ కేంద్ర విదేశాంగ మంత్రి జయశంకర్ ను చేవెళ్ల పార్లమెంట్ సభ్యులు జి. రంజిత్ రెడ్డి కోరారు. భారతీయులను స్వదేశానికి తీసుకువచ్చేందుకు ఇప్పటికే ఆరు విమానాలు నడపుతున్న కేంద్ర ప్రభుత్వాన్ని అభినందిస్తూనే తెలంగాణ విద్యార్థుల సమస్యలను కేంద్ర విదేశాంగమంత్రి దృష్టికి తీసుకెళ్లారు.
కేంద్ర మంత్రికి ఎంపీ రంజిత్ రెడ్డి రాసిన లేఖ యదావిధిగా
Latest Videos
undefined
విదేశాల్లో ఉన్న ప్రతి భారతీయుడిని రక్షించడానికి వ్యక్తిగత ఆసక్తిని తీసుకొని మీరు చేస్తున్న కృషిని అభినందిస్తున్నాను. Covid-19 కారణంగా యూకేలో పరిస్థితి చెడు నుండి అధ్వాన్నంగా మారుతోందని మీకు బాగా తెలుసు. దాదాపు 4,500 మరణాలు మరియు 42,000 కంటే ఎక్కువ కేసులతో అక్కడ ఉన్న మన విద్యార్థులు మాత్రమే కాకుండా యూకేలోని భారతీయులు చాలా ఆందోళన చెందుతున్నారు. మరియు నిన్నటి నుండి యుకె రవాణాను కూడా నిలిపివేసినట్లు నివేదికలు వచ్చాయి, ఇది పరిస్థితిని మరింత తీవ్రతరం చేసింది.
విదేశీయులను తమను తామే రక్షించుకోవాలని యూకే ప్రభుత్వం కోరిందని, ఈ పరిస్థితుల్లో వారికి సహాయం చేయడం చాలా కష్టమని అక్కడ ఉన్న వారు భావిస్తున్నారు. ఇది యూకేలోని భారతీయుల మనస్సులలో మరింత భయాందోళనలను సృష్టించింది. అలాగే స్వదేశంలో ఉన్న వారి కుటుంబసభ్యులు మరింత ఆందోళనకు గురిచేస్తోంది. ఇక్కడ ఉన్నవారు వారి పిల్లలను, బంధువులను యూకే నుండి రక్షించాలని సందేశాలను పంపుతున్నారు.
భారతదేశంలో చిక్కుకున్న యుకె పౌరులను తిరిగి పంపించడానికి ఎయిర్ ఇండియా ఆరు విమానాలను (ఢిల్లీ నుండి 4 మరియు ముంబై నుండి 2) నడుపుతుంది. కాబట్టి యుకె నుండి తిరిగి వచ్చేటప్పుడు, అదే విమానాలు యుకెలోని వివిధ ప్రాంతాలలో చిక్కుకున్న భారతీయ విద్యార్థులను తీసుకురాగలరని విజ్ఞప్తి చేస్తున్నాం. ఇక్కడ దిగిన తర్వాత వారిని నిర్దేశిత కాలంపాటు క్వారెంటిన్ లో ఉంచిన తరువాత మాత్రమే ఇంటికి వెళ్ళడానికి అనుమతించవచ్చని విన్నవిస్తున్నాం.
వివిధ విశ్వవిద్యాలయాల నుండి సుమారు 380 మంది భారతీయ విద్యార్థులు యూకే లోని ఇండియన్ హైకమిషనర్ కు భారతదేశానికి తిరిగి వెళ్ళడానికి సహాయం చేయమని అభ్యర్థించారు. విద్యార్థులు మరియు ఇతరుల వివరాలన్నీ హైకమిషన్ వద్ద ఉన్నాయి.
తెలంగాణ రాష్ట్రం నుండి 50 మంది విద్యార్థులు ఉన్నారని మరియు వారిని రక్షించాలని కోరుకుంటున్నాను. పై విషయాలను దృష్టిలో ఉంచుకుని యూకేలో చిక్కుకున్న విద్యార్థులను మరింత ఆలస్యం చేయకుండా తిరిగి తీసుకురావడానికి దయతో ఏర్పాట్లు చేయాలని నేను మిమ్మల్ని అభ్యర్థిస్తున్నాను.
డాక్టర్ గడ్డం రంజిత్ రెడ్డి,
చేవెళ్ల పార్లమెంట్ సభ్యులు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి