ఎంసిఎక్స్‌లో గోల్డ్ ఫ్యూచర్స్ 10 గ్రాములకు 0.2 శాతం క్షీణించి రూ.48,171 రూపాయలకు చేరుకోగా, వెండి ధర 0.48 శాతం తగ్గి 1 కిలోకు రూ. 49,187 రూపాయలకు చేరుకున్నాయి.
న్యూ ఢీల్లీ: గ్లోబల్ రిస్క్ సెంటిమెంట్, డాలర్‌ మారకంలో రూపాయి విలువ బలపడటం బంగారం దేశీయ ధరలపై ఒత్తిడి తేవడంతో భారత మార్కెట్లలో వరుసగా మూడవ రోజు కూడా బంగారం ధరలు పడిపోయాయి. ఎంసిఎక్స్‌లో గోల్డ్ ఫ్యూచర్స్ 10 గ్రాములకు 0.2 శాతం క్షీణించి రూ.48,171 రూపాయలకు చేరుకోగా, వెండి ధర 0.48 శాతం తగ్గి 1 కిలోకు రూ. 49,187 రూపాయలకు చేరుకున్నాయి.
ఈ వారం ప్రారంభంలో ఎంసిఎక్స్ గోల్డ్ 10 గ్రాములకు గరిష్ట స్థాయి రూ.48,982 రూపాయలను తాకింది, కాని లాభాలను కొనసాగించలేక తక్కువ స్థాయిలో స్థిరపడింది. భారతదేశంలో బంగారు ధరలు, అంతర్జాతీయ బంగారు ధరలు, కరెన్సీ రేటు, స్థానిక సుంకాలతో సహా అనేక అంశాలపై ఆధారపడి ఉంటాయి. బంగారం ధరలు పెరగడానికి ఒక ముఖ్యమైన కారణం అంతర్జాతీయ ధరలు. అంతర్జాతీయంగా బంగారం ధరలు పెరిగినప్పుడు, భారతదేశంలో బంగారం ధరలలో మార్పు ఉంటుంది.
ప్రముఖ నగరాల్లో నేటి బంగారం ధరలు:
చెన్నైలో 22 క్యారెట్లు తులం బంగారం ధర రూ .46,340, 24 క్యారెట్ల ధర రూ .50,950. ముంబైలో 22 క్యారెట్ల బంగారం ధర 46,550 రూపాయలు, 24 క్యారెట్ల బంగారం ధర 47,550 రూపాయలు. ఢీల్లీలో 22 క్యారెట్లు బంగారం ధర రూ .47,160 , 24 క్యారెట్ల ధర రూ .48,360.
also read రికార్డు స్థాయిలో బంగారం ధరలు.. తులం ఎంతంటే ? ...
22 క్యారెట్ల బంగారం ధర 24 క్యారెట్ల బంగారం
కోల్‌కతా రూ .47,520 రూ .48,810
బెంగళూరు రూ .45,680 రూ .49,830
హైదరాబాద్ రూ .46,340 రూ .50,950
కేరళ రూ .44,810 రూ .48,880
పూణే రూ .46,550 రూ .47,550
ఇతర విలువైన లోహాలలో ప్లాటినం ధర 0.1% పెరిగి 803.91 డాలర్లకు చేరుకోగా, వెండి ధర 49,187 రూపాయల వద్ద ఉంది. గురువారం విడుదల చేసిన డేటా ప్రకారం, జూన్ నెలలో అమెరికా ఆర్థిక వ్యవస్థ 4.8 మిలియన్ ఉద్యోగాలను తిరిగి పొందింది, ఎందుకంటే జాతీయంగా అన్నీ వ్యాపారాలు తిరిగి ప్రారంభమయ్యాయి, నిరుద్యోగం రెండు పాయింట్లకు పడిపోయి 11.1% వద్ద ఉంది.