జనవరి నెలలో పెరిగిన దేశ పారిశ్రామిక ఉత్పత్తి, 5.2 శాతంగా నమోదు... తయారీ, మైనింగ్ రంగాల్లో పెరిగిన ఉత్పత్తి

భారతదేశ పారిశ్రామిక ఉత్పత్తి జనవరి 2023లో 5.2 శాతం పెరిగింది. ఈ మేరకు శుక్రవారం అధికారికంగా సమాచారం విడుదల చేసింది.  నేషనల్ స్టాటిస్టిక్స్ ఆఫీస్ (NSO) డేటా ప్రకారం, మాన్యుఫ్యాక్చరింగ్ సెక్టార్ అవుట్‌పుట్ జనవరి 2023లో 3.7 శాతం పెరిగింది. ఇదే నెలలో మైనింగ్ ఉత్పత్తి 8.8 శాతం. విద్యుత్ ఉత్పత్తి 12.7 శాతం పెరిగింది.

పారిశ్రామిక ఉత్పత్తి సూచీ (ఐఐపీ) డేటా నేషనల్ స్టాటిస్టిక్స్ ఆఫీస్ విడుదల చేసిన డేటా ప్రకారం దేశ పారిశ్రామికోత్పత్తి పుంజుకుంటోంది. తయారీ, మైనింగ్ రంగాల్లో కూడా ఉత్పత్తి పెరిగింది.  భారతదేశ పారిశ్రామికోత్పత్తి జనవరిలో 5.2 శాతం వృద్ధిని సాధించింది. జనవరి 2022లో పారిశ్రామిక ఉత్పత్తి రెండు శాతం పెరిగింది. పారిశ్రామిక ఉత్పత్తి సూచికను IIP అంటారు. IIP డేటా చాలా ముఖ్యమైనది. దేశంలోని అనేక ముఖ్యమైన తయారీ, మైనింగ్ రంగాల ప్రస్తుత స్థితిని ఇది ప్రతిబింబిస్తుంది. సర్వేల ద్వారా కర్మాగారాలు, వ్యాపార సంస్థల నుండి పొందిన డేటా ఆధారంగా ప్రభుత్వ సంస్థలు ఈ డేటాను సిద్ధం చేస్తున్నాయి. 

గతేడాదితో పోలిస్తే పారిశ్రామికోత్పత్తి పెరిగింది
ప్రభుత్వం ఇచ్చిన సమాచారం ప్రకారం, జనవరి 2023 నాటికి పారిశ్రామిక ఉత్పత్తిలో 5.2 శాతం పెరుగుదల ఉంది. గతేడాది ఇదే కాలంలో ఇది రెండు శాతంగా ఉంది. నేషనల్ స్టాటిస్టికల్ ఆఫీస్  (NSO) విడుదల చేసిన డేటా ప్రకారం జనవరి 2023లో తయారీ రంగంలో ఉత్పత్తి 3.7 శాతం పెరిగింది. వార్షిక ప్రాతిపదికన మైనింగ్ రంగం ఉత్పత్తి 8.8 శాతం మరియు విద్యుత్ ఉత్పత్తి 12.7 శాతం పెరిగింది.

ప్రాథమిక వస్తువుల ఉత్పత్తి జనవరిలో 9.6, మూలధన వస్తువుల ఉత్పత్తి 11 శాతం పెరిగింది. డిసెంబర్‌లో ఇది వరుసగా 8.4 శాతం, 7.8 శాతంగా ఉంది. అదే సమయంలో, మౌలిక సదుపాయాలు  వినియోగదారు నాన్-డ్యూరబుల్ వస్తువుల ఉత్పత్తి జనవరిలో 8.1 శాతం, 6.2 శాతం పెరిగింది, అంతకు ముందు నెలలో వరుసగా 9.1 శాతం, 7.6 శాతంగా ఉంది.

పారిశ్రామిక ఉత్పత్తి పెరుగుతుందని అంచనా 
ఫిబ్రవరి 28, 2023న ప్రభుత్వం విడుదల చేసిన డేటా ఎనిమిది ప్రధాన రంగాలలో 7.8 శాతం వృద్ధిని నమోదు చేసింది, జనవరిలో పారిశ్రామిక ఉత్పత్తి డేటా వేగవంతం అవుతుందని ఇప్పటికే అంచనా వేశారు. ఇది డిసెంబర్‌లో 7.8 శాతంగా ఉంది. ఈ ఎనిమిది ప్రధాన రంగాల బలమైన పనితీరు పారిశ్రామిక ఉత్పత్తిలో పుంజుకుందని సూచిస్తుంది, ఎందుకంటే ఈ రంగాలకు సంబంధించిన డేటా IIPలో 40 శాతంగా ఉంది.