Economy:కోవిడ్-19 కాలం తర్వాత హార్వెస్టింగ్ సీజన్‌తో మార్కెట్ అంచనాలు.. ఏ‌సి-ఫ్రీజులకు డిమాండ్‌..

ఫెస్టివల్  సేల్స్ గత సంవత్సరాల కంటే మెరుగ్గా ఉంటాయని అంచనా వేస్తున్నట్లు కన్స్యూమర్ అప్లయెన్సెస్ అండ్ ఎలక్ట్రానిక్స్ ప్రొడక్ట్స్ అసోసియేషన్ తెలిపింది. ఈ సెక్టార్ మొత్తం సెంటిమెంట్ మెరుగుపడటంతో ఈ పండుగ వారంలో పరిశ్రమ డిమాండ్ 20-25 శాతం పెరిగే అవకాశం ఉంది. 

వరుసగా రెండేళ్లుగా మందకొడిగా సాగుతున్న ఎలక్ట్రానిక్స్ మార్కెట్ ఈ పండగ సీజన్‌లో మంచి వ్యాపారాన్ని ఆశిస్తోంది.  గత రెండేళ్లుగా మందకొడిగా సాగిన ఈ ఏడాది పంటకాలం నుంచి విక్రయాలు పుంజుకుంటాయని ఆటోమొబైల్, వినియోగ ఉపకరణాల కంపెనీలు భావిస్తున్నాయి. కార్లు, ద్విచక్ర వాహనాలు, వినియోగదారు ఉపకరణాల తయారీదారులు ఈ వర్గానికి ఏటా డిమాండ్ పెరుగుతోంది అని తెలిపారు. ఎయిర్ కండీషనర్లు, రిఫ్రిజిరేటర్లు, ఇతర మన్నికైన ఉత్పత్తులకు డిమాండ్ 20-25 శాతం వృద్ధితో కోవిడ్‌-19కు ముందు ఉన్న స్థాయిలను మించి ఉంటుందని అంచనా వేస్తున్నారు.

 ఈ సీజన్‌ను ప్రాంతీయ స్థాయిలో కొత్త సంవత్సరం ప్రారంభం సీజన్ అని కూడా అంటారు. దేశవ్యాప్తంగా ఏప్రిల్ 1 నుండి మహారాష్ట్ర, కర్ణాటక, తెలంగాణ, ఆంధ్రప్రదేశ్‌లలో ఉగాది ఈశాన్యంలో బైశాఖి, బిహు ఇంకా ఉత్తరాన చైత్ర నవరాత్రులు ప్రారంభమైంది. ఈ కాలంలో సాధారణ ప్రజలు ఇళ్లకు ఎన్నో రకాల వస్తువులను కొనుగోలు చేస్తారు. దీంతో గత రెండేళ్ల కంటే ఈసారి వ్యాపారం మెరుగ్గా ఉంటుందని మార్కెట్ అంచనా వేస్తోంది.

మొబైల్-ల్యాప్‌టాపులడిమాండ్  
గత కొద్ది రోజులుగా హీట్ రిలీఫ్ డివైజ్‌లకు డిమాండ్ పెరుగుతోందని యూనియన్ పేర్కొంది. కానీ ఉగాది పండగ వల్ల మొబైల్స్, ల్యాప్‌టాప్‌ల వంటి ఉత్పత్తుల అమ్మకాలు, డిమాండ్ ఊపందుకున్నాయి. ఇతర డివైజెస్ కొనుగోలు కూడా 2019తో పోలిస్తే 15 నుంచి 20 శాతం పెరిగింది. రిటైలర్లు 30 శాతం వరకు తగ్గింపును అందిస్తున్నారు, అంటే సాధారణ రోజుల్లో అందించే 20 శాతం తగ్గింపు కంటే ఎక్కువ.

వాహనాల విక్రయాలు కూడా 
అయితే ఆటో కంపెనీల్లో మాత్రం అలాంటి ఉత్సాహం, ఆశలు కనిపించడం లేదు. సెమీకండక్టర్ కొరతతో పాటు కొనసాగుతున్న సప్లయి సమస్యలు వాహన తయారీదారులకు సవాళ్లను తగ్గించలేదు. డిమాండ్‌లో దీర్ఘకాలిక మందగమనం కారణంగా దాదాపు మూడేళ్లుగా ద్విచక్ర వాహన విక్రయాల వృద్ధి బలహీనంగా ఉంది. 2019 కంటే ఈ సీజన్‌లో వాహనాల సప్లయి ఎనిమిది నుంచి తొమ్మిది శాతం ఎక్కువగా ఉంటుందని కార్ మార్కెట్‌తో అనుబంధం ఉన్న వ్యక్తులు చెబుతున్నారు. ఇదిలా ఉండగా, ఈ పంట సీజన్‌లో డిమాండ్ పెరుగుతుందని భావిస్తున్నామని, అయితే ఈ ఊపు ఈ నెల వరకు కొనసాగుతుందని ద్విచక్ర వాహన రిటైలర్లు తెలిపారు.