టెస్లా కంపెనీకి భారీ షాక్, సెల్ఫ్ డ్రైవింగ్ సాఫ్ట్ వేర్ లో లోపాలు, 3.60 లక్షల ఎలక్ట్రిక్ కార్లు రీకాల్..

టెస్లా కంపెనీకి భారీ షాక్ తగిలింది కంపెనీ ఉత్పత్తి చేసినటువంటి ఎలక్ట్రిక్ కార్లలో లోపాలను గుర్తించింది ముఖ్యంగా సెల్ఫ్ డ్రైవింగ్ సాఫ్ట్వేర్ లో పలు లోపాలు ఉన్నాయని అందుకే దాదాపు 3.6 లక్షల కార్లను రీకాల్ చేసి వాటిల్లో లోపాలను సరిదిద్దనున్నట్లు కంపెనీ ప్రకటించింది.

ప్రపంచంలోనే అత్యంత ధనవంతుడైనటువంటి ఎలాన్ మస్క్ అధినేతగా ఉన్నటువంటి టెస్లా కంపెనీకి ఒక పెద్ద చిక్కు వచ్చి పడింది. ఆ కంపెనీ తయారు చేస్తున్నటువంటి ఎలక్ట్రిక్ కార్లలోని  సెల్ఫ్ డ్రైవింగ్ సిస్టంలో లోపాలను గుర్తించి దాదాపు 3.60 లక్షల కార్లను  రీకాల్ చేస్తున్నట్లు ప్రకటించింది. దీంతో ఆటోమొబైల్ రంగంలో కలకలం మొదలైంది. అంతేకాదు సెల్ఫ్ డ్రైవింగ్ సాఫ్ట్వేర్ మీద కూడా పలు అనుమానాలు వ్యక్తం అవుతున్నాయి. ఇప్పటికే పలు దేశాల్లో సెల్ఫ్ డ్రైవింగ్ కార్లను  అనుమతించేందుకు వెనకడుగు వేస్తున్నాయి.  ఈ నేపథ్యంలో టెస్లా తీసుకున్నటువంటి ఈ నిర్ణయం సెల్ఫ్ డ్రైవింగ్ సిస్టం పై నెగెటివ్ ప్రభావం చూపిస్తుందని నిపుణులు ఆందోళన వ్యక్తం చేస్తున్నారు. పనిలో పనిగా టెస్లా షేర్లు సైతం భారీగా పతనం కావడంతో ఎలాన్ మస్క్ కు ఇంకా బ్యాడ్ టైం పూర్తవలేదని భావిస్తున్నారు.  

ఇక పూర్తి వివరాల్లోకి వెళితే ఎలాన్  మస్క్ కంపెనీ ఎలక్ట్రిక్ కార్ కంపెనీ టెస్లా పూర్తి సెల్ఫ్ డ్రైవింగ్ (FSD) బీటా సాఫ్ట్‌వేర్‌ను అప్‌డేట్ చేయడానికి USలో 3,62,000 కార్లను రీకాల్ చేసింది. కంపెనీ సెల్ఫ్ డ్రైవింగ్ సిస్టమ్ ట్రాఫిక్ సేఫ్టీ చట్టాలకు అనుగుణంగా లేదని అమెరికా రెగ్యులేటర్ల నుంచి అభ్యంతరాలు రావడంతో ఈ నిర్ణయం తీసుకున్నట్లు కంపెనీకి గురువారం తెలిపింది.

నేషనల్ హైవే ట్రాఫిక్ సేఫ్టీ అడ్మినిస్ట్రేషన్ నిర్ధారించిన వాహనం స్పీడ్ లిమిట్‌ను అధిగమించడానికి  టెస్లా సాఫ్ట్‌వేర్ చట్టవిరుద్ధంగా అనుమతిస్తుందని, ఇది క్రాష్ ప్రమాదాన్ని పెంచుతుందని నిపుణులు తేల్చారు. అంటే అమెరికన్ గవర్నమెంట్ సూచించిన స్పీడ్ లిమిట్ కన్నా కూడా టెస్లా సెల్ఫ్ డ్రైవింగ్ సాఫ్ట్వేర్ ఎక్కువ వేగంతో వెళ్లడానికి చట్టవిరుద్ధంగా అనుమతి ఇస్తుంది. అందుకే ఈ సాఫ్ట్ వేర్ లోపాలను గుర్తించి మారుస్తామని టెస్లా ఒక ప్రకటనలో తెలిపింది.

టెస్లా ఉచిత సాఫ్ట్‌వేర్‌ను విడుదల చేస్తుంది
టెస్లా సమస్యను పరిష్కరించడానికి ఓవర్-ది-ఎయిర్ (OTA) సాఫ్ట్‌వేర్ అప్‌డేట్‌ చేస్తుందని. ఇది టెస్లా  వినియోగదారులందరికీ ఉచిత సర్వీస్ అని తెలిపింది. 

ఈ మోడల్స్ రీకాల్ చేయబోతున్నారు.
కంపెనీ ఇచ్చిన సమాచారం ప్రకారం, 2016-2023 మధ్య తయారు చేసిన మోడల్ ఎస్, మోడల్ ఎక్స్, 2017-2023 మధ్య తయారు చేసిన మోడల్ 3,  2020-2023 మధ్య తయారు చేసిన మోడల్ వై రీకాల్ చేయనున్నారు. గత సంవత్సరం కూడా టెస్లా సాఫ్ట్‌వేర్ అప్‌డేట్ కోసం 54,000 వాహనాలను రీకాల్ చేసింది.

టెస్లా స్టాక్ క్షీణించింది
టెస్లా రీకాల్ వార్తలతో టెస్లా స్టాక్స్ ఒత్తిడికి గురయ్యాయి. గురువారం ట్రేడింగ్ సెషన్‌లో స్టాక్ 5.59 శాతం పడిపోయి 202.04 డాలర్లకు చేరుకుంది. గత ఐదు ట్రేడింగ్ సెషన్లలో ఇదే అతిపెద్ద పతనం. మరోవైపు, మేము గత ఏడాది గురించి మాట్లాడినట్లయితే, అప్పుడు స్టాక్ 30 శాతం నష్టపోయింది.