అదానీ గ్రూపుతో ఫ్రెంచ్ ఎనర్జీ దిగ్గజం టోటల్ ఎనర్జీ ఒప్పందం..12.5 బిలియన్ డాలర్ల పెట్టుబడులకు గ్రీన్ సిగ్నల్..

Adani, TotalEnergies join hands:  ఫ్రెంచ్ ఇంధన దిగ్గజం టోటల్ ఎనర్జీస్ అదానీ గ్రూప్ గ్రీన్ హైడ్రోజన్ ఇండస్ట్రీస్‌లో 25 శాతం వాటాను కొనుగోలు చేయనుంది. ఈ విషయాన్ని కంపెనీ మంగళవారం వెల్లడించింది. ప్రపంచంలోనే అతిపెద్ద గ్రీన్ హైడ్రోజన్ ఎకో సిస్టంను సంయుక్తంగా నిర్మించేందుకు ఫ్రెంచ్ సంస్థతో కొత్త భాగస్వామ్యాన్ని కుదుర్చుకున్నట్లు అదానీ గ్రూప్ ఒక ప్రకటనలో తెలిపింది.

"ఈ వ్యూహాత్మక టై-అప్‌లో, టోటల్ ఎనర్జీ అదానీ ఎంటర్‌ప్రైజెస్ లిమిటెడ్ (AEL) నుండి అదానీ న్యూ ఇండస్ట్రీస్ లిమిటెడ్ (ANIL) లో 25 శాతం మైనారిటీ వాటాను కొనుగోలు చేస్తుంది," అని ప్రకటన పేర్కొంది. ఈ డీల్ వార్తలు వచ్చిన వెంటనే అదానీ ఎంటర్‌ప్రైజెస్ షేర్లలో విపరీతమైన పెరుగుదల నమోదైంది. బిఎస్‌ఇలో కంపెనీ షేర్లు 5.43% పెరిగి రూ.2194.40కి చేరాయి.

అదానీ గ్రూప్ లక్ష్యం ఏమిటి
అదానీ న్యూ ఇండస్ట్రీస్ లిమిటెడ్ రాబోయే 10 సంవత్సరాలలో గ్రీన్ హైడ్రోజన్ మరియు దాని అనుబంధ పర్యావరణ వ్యవస్థలో USD 50 బిలియన్ల కంటే ఎక్కువ పెట్టుబడి పెట్టాలని లక్ష్యంగా పెట్టుకుంది. ప్రారంభ దశలో, ANIL 2030కి ముందు ప్రతి సంవత్సరం 1 మిలియన్ టన్నుల గ్రీన్ హైడ్రోజన్ ఉత్పత్తి సామర్థ్యాన్ని అభివృద్ధి చేస్తుంది. ANILలో ఈ పెట్టుబడితో, అదానీ గ్రూప్ మరియు టోటల్ ఎనర్జీల మధ్య వ్యూహాత్మక కూటమి ఇప్పుడు LNG టెర్మినల్స్, గ్యాస్ యుటిలిటీ వ్యాపారం, పునరుత్పాదక వ్యాపారం మరియు గ్రీన్ హైడ్రోజన్ ఉత్పత్తిని కలిగి ఉంది. 

గౌతమ్ అదానీ ఏమన్నారంటే...
గౌతమ్ అదానీ మాట్లాడుతూ, "వ్యాపార స్థాయిలలో అదానీ-టోటల్ ఎనర్జీల బంధం వ్యూహాత్మక విలువ అపారమైనదని. ప్రపంచంలోనే అతిపెద్ద గ్రీన్ హైడ్రోజన్ ప్లేయర్‌గా అవతరించే మా ప్రయాణంలో, టోటల్ ఎనర్జీస్‌తో భాగస్వామ్యం అనేక కోణాలను మిళితం చేస్తుంది. R&D, మార్కెట్ యాక్సెస్, అంతిమ వినియోగదారుని అవగాహన కలిగి ఉంటుందని. ఇది ప్రాథమికంగా మార్కెట్ డిమాండ్‌ను రూపొందించడానికి అనుమతిస్తుంది. అందుకే మా భాగస్వామ్యం నిరంతర విస్తరణను నేను ఇంత ప్రత్యేక ప్రాముఖ్యతను ఇస్తున్నాను అని తెలిపారు. ప్రపంచంలోని అతి తక్కువ ఖరీదైన ఎలక్ట్రాన్‌ను ఉత్పత్తి చేయగల సామర్థ్యంపై మా నమ్మకం ప్రపంచంలోని అతి తక్కువ ఖరీదుతో కూడిన గ్రీన్ హైడ్రోజన్‌ను ఉత్పత్తి చేసే మా సామర్థ్యాన్ని పెంచుకోవడంతో పాటు. ఈ భాగస్వామ్యం అనేక ఉత్తేజకరమైన మార్గాలను తెరుస్తుంది."అని ఆశాభావం వ్యక్తం చేశారు. 

కంపెనీ ఏం చెప్పింది?
టోటల్ ఎనర్జీస్ ఛైర్మన్, CEO అయిన పాట్రిక్ పోయ్న్ ఒక ప్రకటనలో ఇలా అన్నారు, "మా పునరుత్పాదక లో-కార్బన్ హైడ్రోజన్ వ్యూహాన్ని అమలు చేయడంలో ANILలోకి టోటల్ ఎనర్జీ ప్రవేశం ఒక ప్రధాన మైలురాయి, ఇక్కడ కూడా మా యూరోపియన్‌ వినియోగ సామర్థ్యాన్ని పెంచడానికి మేము కట్టుబడి ఉన్నాము. 2030 నాటికి శుద్ధి కర్మాగారాల ద్వారా మేము హైడ్రోజన్‌ను డీకార్బనైజ్ చేయడమే కాకుండా, డిమాండ్‌కు అనుగుణంగా గ్రీన్ హైడ్రోజన్  భారీ ఉత్పత్తికి మార్గదర్శకత్వం వహించాలనుకుంటున్నాము. ఇది ఈ దశాబ్దం చివరి నాటికి మార్కెట్‌ను వేగవంతం చేస్తుందని ఆశాభావం వ్యక్తం చేశారు.