బడ్జెట్ 2022లో క్రిప్టోకరెన్సీ బిల్: ఇండియాలో బ్యాన్ చేస్తారా లేక పన్ను ఉంటుందా.. ప్రభుత్వంపైనే అందరి దృష్టి..

భారతదేశంలో క్రిప్టో పరిశ్రమ బాగా అభివృద్ధి చెందింది. దీన్ని మనం సద్వినియోగం చేసుకోగలిగితే భారతదేశం మొత్తం ప్రపంచంలోనే క్రిప్టో పరిశ్రమలో ముందంజలో ఉంటుంది.

ప్రపంచంలోని చాలా దేశాల్లో క్రిప్టోకరెన్సీల నియంత్రణకు సన్నాహాలు ప్రారంభమయ్యాయి, అయితే భారతదేశంలో క్రిప్టోకరెన్సీ బిల్లు రానున్న సంకేతాల మధ్య వర్చువల్ కరెన్సీ ప్రపంచం సంక్షోభంలో  ఉంది. క్రిప్టోకరెన్సీ బిల్లును శీతాకాల సమావేశాల్లో ప్రవేశపెట్టాలని ముందుగా భావించారు, కానీ అది జరగలేదు. ఇప్పుడు బడ్జెట్ సెషన్‌లో క్రిప్టోకరెన్సీ బిల్లును ప్రవేశపెట్టవచ్చని ఊహాగానాలు వస్తున్నాయి.

అయితే, ప్రభుత్వం ప్రైవేట్ క్రిప్టోకరెన్సీలను నిషేధిస్తుందా లేదా వాటి ఆదాయాలపై పన్ను విధిస్తుందా అనేది స్పష్టంగా తెలియలేదు. ఈ సమస్యపై క్రిప్టో మార్కెట్‌లోని పెట్టుబడిదారులు, నిపుణులు బడ్జెట్ నుండి ఏం ఆశించాలి అనేది ఈ నివేదికలో తెలుసుకోండి...

బడ్జెట్ సెషన్‌లో బిల్లు 
క్రిప్టో ఇండస్ట్రి చాలా కాలంగా క్రిప్టోకరెన్సీ బిల్లు కోసం ఎదురుచూస్తోందని లక్ష్మీకుమారన్ & శ్రీధరన్ అటార్నీలకు చెందిన ఎల్ బద్రీ నారాయణన్ చెప్పారు. శీతాకాల సమావేశాల్లోనే ఈ బిల్లును ప్రవేశపెడతారని ముందుగా భావించినా అది కుదరలేదు. అయితే ఈ బిల్లును ఎట్టి పరిస్థితుల్లోనూ ఈసారి బడ్జెట్ సెషన్‌లో ప్రవేశపెట్టాలని భావిస్తున్నారు. మరోవైపు ఇబ్బందులు, సాంకేతిక సమస్యల కారణంగా వాయిదా ఉండవచ్చని కూడా భయపడుతున్నారు.

అయితే తుది బిల్లు తప్పనిసరిగా క్రిప్టోకరెన్సీలు అండ్ ప్రైవేట్ క్రిప్టో నాణేలకు సంబంధించిన క్రమబద్ధీకరణపై స్పష్టమైన సమాచారాన్ని కలిగి ఉండాలి. ఈ బడ్జెట్‌లో క్రిప్టోకరెన్సీల ద్వారా వచ్చే ఆదాయంపై పన్నుకు సంబంధించి ప్రభుత్వం స్పష్టమైన ఆదేశాలు ఇవ్వాలని క్రిప్టో పరిశ్రమ అంచనా వేస్తోంది. ప్రభుత్వం క్రిప్టోకరెన్సీల కొనుగోలు అలాగే అమ్మకాన్ని TDS/TCS పరిధిలోకి తీసుకురావచ్చు. అంతేకాకుండా క్రిప్టోకరెన్సీల ట్రేడింగ్ అండ్ బ్రోకరేజ్ మొదలైన వాటిపై జి‌ఎస్‌టికి సంబంధించి స్పష్టత ఉండాలి. 

క్రిప్టోకరెన్సీ పై పన్ను
WazirX CEO నిశ్చల్ శెట్టి మాట్లాడుతూ క్రిప్టోకరెన్సీలను నియంత్రించడమే కాకుండా, క్రిప్టో టాక్సేషన్‌కు సంబంధించి ప్రభుత్వం స్పష్టమైన నిబంధనలను కూడా రూపొందిస్తుందని మేము ఆశిస్తున్నాము. కరోనా మహమ్మారితో దేశం పోరాడుతున్నప్పటికీ ఆర్థిక వ్యవస్థ మెరుగుపడింది. క్రిప్టోకరెన్సీ రెగ్యులేటరీ క్లియర్‌తో క్రిప్టో సెక్టార్‌లో బూమ్ ఉంటుంది, ఇది భారత ఆర్థిక వ్యవస్థను ఐదు ట్రిలియన్లుగా మార్చడానికి గణనీయంగా దోహదపడుతుంది.

క్రిప్టోకరెన్సీలకు సంబంధించి యూనియన్ బడ్జెట్ స్పష్టమైన సూచనలను ఇస్తుందని మేము ఆశిస్తున్నాము. క్రిప్టోకరెన్సీల చట్టం అమల్లోకి రావడానికి చాలా సమయం పడుతుందని అంచనా. ఇలాంటి పరిస్థితిలో, క్రిప్టో వర్గీకరణపై కనీసం ఒక ప్రత్యక్ష రేఖను బడ్జెట్‌లో తెరవాలి. ఇది తప్పనిసరిగా దాని పన్ను విధానంపై ప్రకటించాలి. దీనివల్ల క్రిప్టో పరిశ్రమలో పెట్టుబడిని పెంచడమే కాకుండా, ఈ రంగంలో ఉద్యోగావకాశాలను కూడా సృష్టిస్తుంది. 

క్రిప్టో పరిశ్రమ 
భారతదేశంలో క్రిప్టో పరిశ్రమ బాగా అభివృద్ధి చెందిందని SahiCoin సహ వ్యవస్థాపకుడు అండ్ సి‌ఈ‌ఓ  అమిత్ నాయక్ చెప్పారు. దీన్ని మనం సద్వినియోగం చేసుకోగలిగితే, భారతదేశం మొత్తం ప్రపంచంలోనే క్రిప్టో పరిశ్రమలో ముందంజలో ఉంటుంది. దేశంలో స్టార్టప్ ప్రాజెక్ట్‌లు నిరంతరం పురోగమిస్తున్నాయి, దీని సహాయంతో భారతదేశం క్రిప్టో మార్కెట్‌లో పెద్ద ప్లేయర్‌గా మారవచ్చు. క్రిప్టోకరెన్సీలలో పెట్టుబడులను పెంచే ఈ విషయంలో ప్రభుత్వం ఖచ్చితమైన చర్యలు తీసుకుంటుందని మేము విశ్వసిస్తున్నాము  అని అన్నారు.