Fixed Deposit: మూడేళ్ల ఫిక్స్‌డ్ డిపాజిట్లపై అత్యధిక వడ్డీ చెల్లించే బ్యాంకులు ఇవే..?

ఫిక్స్‌డ్ డిపాజిట్ అనేది అత్యంత ప్రజాదరణ పొందిన పెట్టుబడి ఎంపిక. ఎఫ్‌డిలలో పెట్టుబడి పెట్టే ముందు ఎవరైనా పెట్టుబడిదారుడు వివిధ బ్యాంకుల వడ్డీ రేట్లను పోల్చడం చాలా ముఖ్యం. వివిధ బ్యాంకుల వడ్డీ రేట్లను తనిఖీ చేయకుండా, మీరు FD పొందడానికి నష్టాన్ని కూడా భరించాల్సి ఉంటుంది. అందువల్ల, వడ్డీ రేటును తనిఖీ చేసిన తర్వాత పెట్టుబడి నిర్ణయం తీసుకోవడం ప్రయోజనకరం. ఇటీవల కాలంలో ఫిక్స్‌డ్ డిపాజిట్లపై వడ్డీ రేట్లు ఆకర్షణీయంగా లేవు. అనేక బ్యాంకులు ఇప్పుడు FDలపై వడ్డీని పెంచి పెట్టుబడిదారులు ఫిక్స్‌డ్ డిపాజిట్ల‌పై మ‌క్కువ చూపేలా చేస్తున్నాయి.

ఫిక్స్‌డ్ డిపాజిట్లపై వడ్డీ రేట్లు పెట్టుబడి వ్యవధిపై ఆధారపడి ఉంటాయి. సాధారణంగా, తక్కువ మెచ్యూరిటీ సమయం ఉన్న FDల కంటే ఎక్కువ మెచ్యూరిటీ వ్యవధి ఉన్న FD మెరుగైన రాబడిని అందిస్తుంది. చాలా బ్యాంకులు ఏడు రోజుల నుండి 10 సంవత్సరాల వరకు కాలపరిమితితో ఫిక్స్‌డ్ డిపాజిట్లను అందిస్తాయి. అందుకే చాలా మంది ఫిక్స్‌డ్ డిపాజిట్లను (FD) సురక్షితమైన పెట్టుబడి భావిస్తున్నారు. ఇందులో ఇన్వెస్ట్ చేయడం వల్ల లిక్విడిటీ పెరుగుతుంది. మంచి వడ్డీని పొందుతారు. మహమ్మారి సమయంలో ఎమర్జెన్సీ కార్ప్స్‌ను సిద్ధం చేయడంలో సేవింగ్స్ విపరీతంగా పనిచేస్తాయి. రిజర్వ్ బ్యాంక్ ఆఫ్ ఇండియా (ఆర్‌బీఐ) రెపో రేటును 4 శాతం వద్దే ఉంచింది. చాలా బ్యాంకులు FDపై వడ్డీ రేటును తగ్గించాయి. 

స్టేట్ బ్యాంక్ ఆఫ్ ఇండియా (SBI), HDFC బ్యాంక్‌తోపాటు దేశంలోని అతిపెద్ద ప్రభుత్వ రంగ బ్యాంకులైన యాక్సిస్ బ్యాంక్ వంటి రుణదాతలు ఫిక్స్‌డ్ డిపాజిట్లను అందిస్తున్నాయి. వివిధ బ్యాంకుల FD వడ్డీ రేట్లు డిపాజిట్ మొత్తం డిపాజిట్ కాలవ్యవధి డిపాజిటర్ ఆధారంగా మారుతూ ఉంటాయి. యాక్సిస్ బ్యాంక్, SBI, HDFC బ్యాంక్, ఆర్‌బీఎల్‌, త‌దిత‌ర‌ బ్యాంకులు అందించే తాజా FD రేట్లు ఇక్కడ ఉన్నాయి.

అత్యధిక వడ్డీ చెల్లించే బ్యాంకులివే..

- యాక్సిస్‌ బ్యాంక్ మూడేళ్ల FDపై 5.40 శాతం వడ్డీ రేటును ఇస్తుంది.
- ఇండ‌స్ ఇండ్ బ్యాంక్ మూడేళ్ల FDపై 6 శాతం వడ్డీని ఇస్తుంది.
- బంధ‌న్ బ్యాంక్  మూడేళ్ల FDపై 6. 25 శాతం వడ్డీని అందిస్తుంది.
- ఆర్‌బీఎల్‌ బ్యాంక్ మూడేళ్ల FDపై 6 శాతం వడ్డీని ఇస్తుంది.
- డీసీబీ బ్యాంక్ మూడేళ్ల FDపై 5.50 శాతం వడ్డీని అందిస్తుంది. 
- HDFC Bank మూడేళ్ల FDపై 5.20 శాతం వడ్డీని క‌లిగి ఉంది. 
- SBI మూడేళ్ల FDపై 5.10 శాతం వరకు వడ్డీని అందిస్తుంది.

సీనియర్ సిటిజన్లు చేసే పెట్టుబడులపై బ్యాంకులు 50 బేసిస్ పాయింట్లతో ఎక్కువ వడ్డీ రేట్లను అందిస్తాయి. ఉదాహరణకు.. ఒక సీనియర్ సిటిజన్ బంధన్ బ్యాంక్‌లో సుమారు 3 సంవత్సరాల పాటు FD పెట్టుబడి పెడితే.. బ్యాంక్ 6.25శాతం వ‌డ్డీతో క‌లిపి పెట్టిన పెట్టుబ‌డిని అందిస్తుంది. అంతేకాకుండా పెట్టుబడిదారులు FDపై సంపాదించిన వడ్డీ.. పన్ను నుంచి మినహాయించబడుతుందని (TDS) గమనించాలి. పెట్టుబడి పెట్టడానికి ముందు పెట్టుబ‌డిదారుడు పాన్ కార్డ్ వివరాలను బ్యాంక్‌కు అందించాల్సి ఉంటుంది. FDలు మూడు విభాగాలుగా ఉన్నాయి. రూ. 2 కోట్ల కంటే తక్కువ FDలు, రూ. 2 కోట్ల నుండి రూ. 5 కోట్ల వరకు FDలు, రూ. 5 కోట్ల కంటే ఎక్కువ FDలు ఉన్నాయి.