ఈ బ్యాంకుల్లో FD చేస్తున్నారా.. మీ వడ్డీకి చిల్లుపడినట్లే

ఈ తాజా వడ్డీ రేట్లలో మార్పులు సీనియర్ సిటిజన్లతోపాటు సాధారణ ఖాతాదారులపై ప్రభావం చూపుతాయి. దీంతో సురక్షిత పెట్టుబడి మార్గంగా FDలు ఎంచుకునే వినియోగదారులు తమ ఇన్వెస్ట్‌మెంట్ ప్లాన్‌ను సమీక్షించుకోవాల్సిన అవసరం ఏర్పడింది.

2025 మే నెలలో బ్యాంక్ ఆఫ్ బారోడా (BoB), కోటక్ మహీంద్రా బ్యాంకులు తమ ఫిక్స్‌డ్ డిపాజిట్ (FD) వడ్డీరేట్లను తగ్గించాయి. రూ. 3 కోట్ల లోపు డిపాజిట్లపై వడ్డీలో మార్పులు చేశారు. ఈ రేట్లు మే 5, 2025 నుంచి అమల్లోకి వచ్చాయి. ఇంతకు ముందు ఏప్రిల్ 2025లో కూడా ఈ రెండు బ్యాంకులు వడ్డీరేట్లను పునఃసమీక్షించాయి.

బ్యాంక్ ఆఫ్ బారోడా FD తాజా వడ్డీ రేట్లు:

బ్యాంక్ ఆఫ్ బారోడా రూ. 3 కోట్ల లోపు డిపాజిట్లపై సాధారణ ఖాతాదారులకు 4% నుంచి 7.10% వడ్డీను అందిస్తోంది. సీనియర్ సిటిజన్లకు ఇది 4.50% నుంచి 7.60% వరకు ఉంది. స్పెషల్ స్కీం అయిన Square Drive Deposit Scheme (444 డేస్) లో 7.10%, సీనియర్ సిటిజన్లకు 7.60%, సూపర్ సీనియర్స్‌కు 7.70% వడ్డీ లభిస్తుంది. ఇది మునుపటి 7.15% (జనరల్), 7.65% (సీనియర్స్), 7.75% (సూపర్ సీనియర్స్) కంటే తగ్గింది.

వివిధ FDలపై వడ్డీ శాతం:

• 7-14 రోజులు: 4% (సాధారణ), 4.50% (సీనియర్స్)
• 181-210 రోజులు: 5.75%, 6.25%
• 1 సంవత్సరం: 6.80%, 7.30%
• 2-3 సంవత్సరాలు: 7.00%, 7.50%
• 5-10 సంవత్సరాలు: 6.50%, 7.50%

ఇది కాకుండా సీనియర్, సూపర్ సీనియర్స్ కోసం అదనపు వడ్డీ ప్రయోజనాలు కొనసాగుతున్నాయి.

కోటక్ మహీంద్రా బ్యాంక్ FD తాజా వడ్డీ రేట్లు:

కోటక్ మహీంద్రా బ్యాంక్ 180 రోజుల FDపై వడ్డీ రేటును 50 బేసిస్ పాయింట్లు (0.50%) తగ్గించింది. 7% నుంచి 6.50%కి తగ్గించి, మే 5, 2025 నుంచి అమలులోకి తీసుకొచ్చారు.

వివిధ FDలపై వడ్డీ రేట్లు:

• 7-14 రోజులు: 2.75% (జనరల్), 3.25% (సీనియర్స్)
• 180 రోజులు: 6.50%, 7.00%
• 1 సంవత్సరం: 6.80%, 7.30%
• 23 నెలలు: 7.15%, 7.65%
• 5-10 సంవత్సరాలు: 6.20%, 6.70%

ఈ తాజా మార్పులు సీనియర్ సిటిజన్లతోపాటు సాధారణ ఖాతాదారులపై ప్రభావం చూపుతాయి. దీంతో సురక్షిత పెట్టుబడి మార్గంగా FDలు ఎంచుకునే వినియోగదారులు తమ ఇన్వెస్ట్‌మెంట్ ప్లాన్‌ను సమీక్షించుకోవాల్సిన అవసరం ఏర్పడింది.