Akasa Air : స్టాక్ మార్కెట్ బుల్ రాకేష్ జున్ జున్ వాలా ఎయిర్ లైన్స్ ఆకాస బుకింగ్స్ ప్రారంభం

ప్రముఖ ఇన్వెస్టర్ రాకేష్ జున్‌జున్‌వాలాకు చెందిన అకాసా ఎయిర్ ఆగస్టు 7 నుంచి విమాన సర్వీసులను ప్రారంభించనుంది. కంపెనీ మొదటి విమానం ముంబై-అహ్మదాబాద్ మధ్య ఉంటుంది. మొదటి సర్వీసులో బోయింగ్ 737 MAX విమానం ఎగరనుంది. ఈ విషయాన్ని కంపెనీ శుక్రవారం వెల్లడించింది.

స్టాక్ మార్కెట్‌లోని బిగ్ బుల్ రాకేష్ జున్‌జున్‌వాలాకు చెందిన విమానయాన సంస్థ ఆకాస ఎయిర్ లైన్స్ సేవలు ప్రారంభం అయ్యాయి. నేటి నుంచి ఆకాస ఎయిర్ లైన్స్  బుకింగ్ ప్రారంభించింది. వచ్చే నెల ఆగస్టు 7 నుంచి వాణిజ్య విమాన సర్వీసులు ప్రారంభం కానున్నాయి. కంపెనీ  మొదటి విమానం ముంబై నుండి అహ్మదాబాద్ మార్గంలో ఎగురుతుంది. కొన్ని రోజుల క్రితం ఏవియేషన్ రెగ్యులేటర్ DGCA కంపెనీకి ఎయిర్ ఆపరేటర్ సర్టిఫికేట్ జారీ చేసింది.

టికెట్ బుకింగ్ ప్రారంభం
ఆగస్టు 13 నుంచి బెంగళూరు-కొచ్చి మార్గంలో కూడా విమాన సర్వీసులు ప్రారంభమవుతాయని కంపెనీ తెలిపింది. ముంబై-అహ్మదాబాద్ రూట్‌లో ఆగస్ట్ 7 నుంచి 28 వీక్లీ ఫ్లైట్‌లకు, ఆగస్టు 13 నుంచి బెంగళూరు-కొచ్చి రూట్‌లో 28 వీక్లీ ఫ్లైట్‌లకు టికెట్ బుకింగ్ ప్రారంభించినట్లు ఎయిర్‌లైన్ ఒక ప్రకటనలో తెలిపింది.

డిస్కౌంట్ రేట్లకు టిక్కెట్లు అందుబాటులో ఉంటాయి
రాకేష్ ఝున్‌జున్‌వాలాకు చెందిన ఆకాస ఎయిర్ సంస్థ సరసమైన ధరలకు విమాన సేవలను అందజేస్తుందని పేర్కొంది. భారతదేశంలో అనేక చిన్న, పెద్ద కంపెనీలు తమ సేవలను అందిస్తున్నాయి. పోటీ చాలా కఠినమైనది. ప్రస్తుతం ఈ మార్కెట్‌లో ఇండిగోకు చాలా ఆధిపత్యం ఉంది. Akasa Air అల్ట్రా తక్కువ ధర క్యారియర్ లేదా ULCC మాడ్యూల్‌లో పనిచేస్తుంది. దీని కింద, ఎయిర్‌లైన్ తక్కువ ఛార్జీల వ్యాపార నమూనాలో పనిచేస్తుంది. తక్కువ ధర క్యారియర్‌లు తక్కువ యూనిట్ ధర, ఆదాయాలను కలిగి ఉంటాయి.

ప్రతి సంవత్సరం 14 విమానాలు జోడిస్తారు..
విమానయాన సంస్థ 72 బోయింగ్ 737 మ్యాక్స్ జెట్‌ల కోసం ఆర్డర్లు చేసింది. దీని విలువ దాదాపు 9 బిలియన్ డాలర్లు. అకాసా ఎయిర్ రెండు బోయింగ్ మోడల్స్ కోసం ఆర్డర్ చేసింది. ఇది కాకుండా వచ్చే ఐదేళ్లలో 72 విమానాలను ఆర్డర్ చేయనుంది. విమానయాన సంస్థ ప్రతి సంవత్సరం 12-14 విమానాలను జోడిస్తుంది. మొదటి సంవత్సరంలో, కంపెనీ 18 విమానాలను నడుపుతుంది.

ఆకాస ఎయిర్ క్రూ మెంబర్ దుస్తులను ఫిక్స్ చేశారు
జూలై మొదటి వారంలో ఆకాస ఎయిర్ విమాన సిబ్బంది వేషధారణను విడుదల చేసింది. కస్టమ్ ట్రౌజర్లు, జాకెట్లను ప్రవేశపెట్టిన మొదటి భారతీయ విమానయాన సంస్థ ఇది అని ఎయిర్‌లైన్ తెలిపింది. వారి బట్టలు ఎయిర్ ఆకాస కోసం ప్రత్యేకంగా తయారు చేయబడ్డాయి. కంపెనీకి చెందిన ఈ దుస్తులను సముద్ర వ్యర్థాలతో తయారు చేశారు. డ్రెస్ డిజైన్ చేసేటప్పుడు అందంతో పాటు కంఫర్ట్ లెవెల్ కూడా చూసుకున్నట్లు కంపెనీ తెలిపింది.