విపణిలోకి జమోపాయి ‘ది ఆస్ట్రిడ్ లైట్’ విద్యుత్ స్కూటర్.. ధరెంతంటే?!
By Arun Kumar P | First Published Sep 11, 2019, 10:59 AM ISTగోరిన్ ఈ మొబిలిటీ, ఓపై అనే ఎలక్ట్రానిక్స్ సంస్థ సంయుక్తంగా ‘ది ఆస్ట్రిడ్ లైట్’ స్కూటర్ ను విపణిలో ప్రవేశపెట్టాయి. దీని ధర రూ.79,999 మాత్రమే. ప్రస్తుత మార్కెట్లో ఇదే అందుబాటులో ఉన్న ధర అని సంస్థ సహ వ్యవస్థాపకుడు అమిత్ రాజ్ సింగ్ చెప్పారు.
విపణిలోకి జమోపాయి ‘ది ఆస్ట్రిడ్ లైట్’ విద్యుత్ స్కూటర్.. ధరెంతంటే?!
న్యూఢిల్లీ: గోరీన్‌ ఈ మొబిలిటీ, ఓపై ఎలక్ట్రానిక్‌ సంయుక్త సంస్థ ‘జమోపాయ్ ఎలక్ట్రిక్‌’ భారతదేశంలో 'ది ఆస్ట్రిడ్ లైట్' పేరుతో విద్యుత్ స్కూటర్‌ను విడుదల చేసింది. దీని ధరను కంపెనీ రూ.79,999గా నిర్ణయించింది. అదే సమయంలో కంపెనీ ప్రారంభ ఆఫర్లనూ ప్రకటించింది.
Latest Videos
undefined
ఈ స్కూటర్‌లో 2,400 వాట్స్‌ విద్యుత్ మోటార్‌ ఉంది. 1.7కిలోవాట్‌ లిథియం అయాన్‌ బ్యాటరీని అమర్చారు. ఒక సారి చార్జింజ్‌ చేసే డ్రైవింగ్‌ కండిషన్లను బట్టి 75-90 కిలోమీటర్ల మధ్య మైలేజీని ఇస్తుంది. ఈ స్కూటర్ గరిష్ట వేగం గంటకు 65 కిలోమీటర్లు.
జమోపాయ్ ‘ది ఆస్ట్రిడ్ లైట్’ స్కూటర్‌లో సిటీ, స్పోర్ట్స్‌, ఎకానమీ అనే మూడు మోడ్‌లు ఉన్నాయి. దీనిలో ఆదనపు బ్యాటరీ అమర్చుకునే అవకాశం కూడా ఉంది. అప్పుడు ఇది ఏకధాటిగా 150-180 కిలోమీటర్లు ప్రయాణించగలదు.
ఈ స్కూటర్ నియాన్‌, డీప్‌ ఇండిగో, ఫైరీ రెడ్‌, బ్రంట్‌ చార్‌కోల్‌, ఫైర్‌బాల్‌ ఆరెంజ్‌ అనే ఐదు రంగుల్లో లభిస్తోంది. వచ్చేనెల మొదటి వారం నుంచి ఈ స్కూటర్ల డెలివరీలు ప్రారంభం కానున్నాయి.
ఈ స్కూటర్ల విడుదల సందర్భంగా జెమోపాయ్ సహవ్యవస్థాపకుడు అమిత్ రాజ్ సింగ్ మాట్లాడుతూ 'స్టైల్‌, అనుభవం, పనితీరును మేళవించిన ఈ స్కూటర్గా తీర్చిదిద్దాం. ఇది పర్ఫెక్ట్‌ సిటీ స్కూటర్గా రాణిస్తుంది. దీని ధరల ప్రకారం ఇప్పుడు మార్కెట్లో ఉన్న విద్యుత్ స్కూటర్లలో ఇదే వినియోగదారులకు అందుబాటు ధరలో ఉంది' అని అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి