5.9 సెకండ్లలో 100 కిలోమీటర్ల వేగం...ధర ఎంతంటే ?

ప్రముఖ విలాసవంతమైన కార్ల తయారీ సంస్థ పోర్షే దేశీయ విపణిలోకి కైయేన్ కూపే కారును విడుదల చేసింది. వీ 6 వేరియంట్ కారు ధర రూ.1.36 కోట్లుగా, వీ 8 వేరియంట్ కారు ధర రూ.1.97 కోట్లుగా నిర్ణయించింది. 

న్యూఢిల్లీ: విలాసవంతమైన కార్ల తయారీ సంస్థ పోర్షే.. భారతదేశ విపణిలోకి సరికొత్త కైయేన్ కూపే కారును విడుదల చేసింది. ఈ కారు వీ6 వేరియంట్ ప్రారంభ ధర రూ.1.36 కోట్లుగా నిర్ణయించింది పోర్షే. ఇక వీ 8 వేరియంట్ కారు ధర రూ.1.97 కోట్లు అని పేర్కొంది. ఇందులో అమర్చిన పనోరమిక్ గ్లాస్ అదనపు ఆకర్షణగా నిలిచింది. 

ఈ కారు వెనుక సీట్లలో ఇద్దరు కూర్చోవడానికి పోర్షే సంస్థ సీట్లను రూపొందించింది. సాధారణ స్పోర్ట్స్ యుటిలిటీ వెహికల్స్ (ఎస్‌యూవీ)కు భిన్నంగా ఈ కారును రూపొందించింది పోర్షే.కారులో సుమారు 625 లీటర్ల బూట్ సామర్థ్యం ఉంది.

ఈ కారులో 3.0 వీ6 టర్బో చార్జిడ్ ఇంజిన్ అమర్చారు. ఇందులో 335 బీహెచ్పీ శక్తిని, 450 ఎన్ఎం టార్చి విడుదల చేస్తుంది. అత్యధికంగా 243 కిలోమీటర్ల వేగంతో ఈ కారు ప్రయాణించగలదు. కేవలం 5.9 క్షణాల్లో 100 కిలోమీటర్ల వేగాన్ని అందుకోగలదు. 

ఇక కైయెన్ టర్బో కూపే 4.0 లీటర్ ట్విన్ టర్బో చార్జిడ్ వీ8 ఇంజిన్‌ను అమర్చారు. ఇది 542 బీహెచ్పీ శక్తిని, 770 ఎన్ఎం టార్చిని విుడదల చేస్తుంది. ఈ కారు కేవలం 3.9 క్షణాల్లో 100 కిలోమీటర్ల వేగం అందుకుంటుంది. అత్యధికంగా 286 కిలోమీటర్ల వేగంతో ప్రయాణించగల సామర్థ్యం దీని సొంతం. 22 అంగుళాల జీటీ డిజైన్ వీల్స్ ఈ కారుకు అమర్చారు.