పెట్రోలు, డీజిల్ ధర ఎక్కువగా సామాన్యుల బడ్జెట్‌పై ప్రభావం చూపిస్తుంది. అందువల్ల చాలా మంది కార్ల తయారీదారులు ఎక్కువ మైలేజీ, బడ్జెట్ ధర కార్లను పరిచయం చేయడంలో బిజీగా ఉన్నారు.
పెట్రోలు, డీజిల్ ధర ఎక్కువగా సామాన్యుల బడ్జెట్‌పై ప్రభావం చూపిస్తుంది. అందువల్ల చాలామంది కార్ల తయారీదారులు ఎక్కువ మైలేజీ, బడ్జెట్ ధర కార్లను పరిచయం చేయడంలో బిజీగా ఉన్నారు. పెట్రోల్, డీజిల్‌తో పాటు సాధారణ ఇంధనానికి ఎలక్ట్రిక్, CNG మంచి ప్రత్యామ్నాయంగా మారాయి. కానీ ఎలక్ట్రిక్ వాహనాలు ఇప్పటికీ చాల ఖరీదైనవి. అందుకే కంపెనీలు సీఎన్‌జీ వాహనాలపై దృష్టి సారిస్తున్నాయి. అయితే మీకోసం కొన్ని బెస్ట్ మైలేజ్ CNG వాహనాలు ఇవిగో...
మారుతి ఫ్రాంక్స్...
తాజాగా మారుతి కొత్త ఫ్రాంక్స్ CNG మోడల్‌ని విడుదల చేసింది. బాలెనో హ్యాచ్‌బ్యాక్ ఆధారంగా ఈ SUV 28.51 kmpl మైలేజీని అందిస్తుంది. ఫ్రాన్స్‌లో కంపెనీ 1.2-లీటర్ K-సిరీస్ DualJet, Dual VVT పెట్రోల్ ఇంజిన్‌ను ఉపయోగిస్తుంది. ఈ కార్ లేటెస్ట్ ఫీచర్లతో వస్తుంది. Fronx CNG ఎక్స్-షోరూమ్ ధర రూ.8.46 లక్షలు.
హ్యుందాయ్ ఎక్స్టర్...
హ్యుందాయ్ ఇటీవల తక్కువ ధరకే ఎక్స్టర్ ఎస్‌యూవీను విడుదల చేసింది. ఈ SUV CNG వేరియంట్ 27 kmpl మైలేజీని అందిస్తుందని కంపెనీ పేర్కొంది. ఈ SUV 1.2 లీటర్ బయో-ఫ్యూయల్ కప్పా పెట్రోల్ CNG ఇంజిన్‌తో వస్తుంది. ఈ కారు స్టాండర్డ్‌గా 26 సేఫ్టీ ఫీచర్లతో లభిస్తుంది. అవి అన్ని వేరియంట్లలో అందుబాటులో ఉన్నాయి. eXter CNG ఎక్స్-షోరూమ్ ధర రూ.8.43 లక్షల నుంచి ప్రారంభమవుతుంది.
మారుతి గ్రాండ్ విటారా ..
మారుతి గ్రాండ్ విటారా తాజాగా CNG వేరియంట్‌లో విడుదలైంది. ఈ SUV హైబ్రిడ్ వేరియంట్‌లో కూడా వస్తుంది. దీని CNG వేరియంట్ 26.6 km/kg మైలేజీని అందిస్తుంది. మారుతి గ్రాండ్ విటారా CNGలో, కంపెనీ 1.5 లీటర్ పెట్రోల్ ఇంజిన్‌ను అందించింది. ఇందులో 6 ఎయిర్‌బ్యాగ్‌లతో సహా చాలా అద్భుతమైన సెఫ్టీ ఫీచర్లు ఉన్నాయి.
టాటా పంచ్...
టాటా పంచ్ దేశంలో అత్యంత తక్కువ ధర CNG SUVలలో ఒకటి. టాటా పంచ్ CNGపై 26.99 KM మైలేజీని, పెట్రోల్ MT (మాన్యువల్) పై 20.09 KM మైలేజీని కంపెనీ ప్రకటించింది. టాటా పంచ్‌లో సన్ రూఫ్ కూడా ఉంది. దీని ఎక్స్-షోరూమ్ ధర రూ.7.10 లక్షల నుంచి మొదలై రూ.9.68 లక్షల వరకు ఉంటుంది. టాటా పంచ్ CNGలో 1.2-లీటర్ త్రి-సిలిండర్ ఇంజిన్‌ను ఉపయోగించింది. ఈ కార్ డ్యూయల్-సిలిండర్ టెక్నాలజీతో వచ్చిన దేశంలోనే మొదటి CNG SUV.