Today Rasi Phalalu: ఈ రాశి వారికి కుటుంబ సభ్యులతో మనస్పర్థలు, ప్రయాణాల్లో అవంతరాలు..!
సారాంశం
ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 07.04.2025 సోమవారానికి సంబంధించినవి.
మేష రాశి ఫలాలు
ఆధ్యాత్మిక చింతన పెరుగుతుంది. బంధు మిత్రులతో అకారణంగా విబేధాలు వస్తాయి. ముఖ్యమైన కార్యక్రమాలు వాయిదా పడతాయి. వృత్తి వ్యాపారాల్లో ఆలోచనలు స్థిరంగా ఉండవు. ఉద్యోగులకు ఒత్తిడి పెరుగుతుంది. దూర ప్రయాణాలు చేయకపోవడమే మంచిది.
వృషభ రాశి ఫలాలు
ఆదాయం బాగా పెరుగుతుంది ప్రముఖుల నుంచి ఆహ్వానాలు అందుతాయి. చేపట్టిన పనుల్లో విజయం సాధిస్తారు. స్థిరాస్తి కొనుగోలు చేస్తారు. వ్యాపారాలు అభివృద్ధి బాట పడతాయి. నిరుద్యోగులకు అనుకూలం. పుణ్యక్షేత్రాలు దర్శించుకుంటారు.
మిథున రాశి ఫలాలు
కొత్త వ్యాపారానికి పెట్టుబడులు అందుతాయి. వృత్తి, ఉద్యోగాల్లో అవరోధాలు అధిగమిస్తారు. చిన్ననాటి మిత్రులతో కొన్ని విషయాలపై చర్చిస్తారు. సమాజంలో గౌరవ మర్యాదలు పెరుగుతాయి. కొత్త వస్తువులు కొంటారు. ఇతరుల నుంచి డబ్బు సహాయం అందుతుంది.
కర్కాటక రాశి ఫలాలు
బంధు మిత్రులు మాటలు కొంత ఇబ్బంది కలిగిస్తాయి. ఆరోగ్యం విషయంలో శ్రద్ధ అవసరం. వృథా ప్రయాణాలు వల్ల శ్రమ పెరుగుతుంది. వ్యాపారంలో ఆలోచించి నిర్ణయాలు తీసుకోవాలి. ఉద్యోగులు వివాదాలకు దూరంగా ఉండటం మంచిది.
సింహ రాశి ఫలాలు
ఆదాయానికి మించిన ఖర్చులు ఉంటాయి. ప్రయాణాల్లో వాహన ఇబ్బందులు వస్తాయి. కుటుంబ సభ్యులతో కొన్ని విషయాల్లో మనస్పర్థలు వస్తాయి. ఆరోగ్యం విషయంలో అప్రమత్తంగా ఉండాలి. వృత్తి, వ్యాపారాలు మందకొడిగా సాగుతాయి. నిరుద్యోగులకు నిరాశ తప్పదు.
కన్య రాశి ఫలాలు
మొండి బాకీలు వసూలవుతాయి. వృత్తి వ్యాపారాలు లాభసాటిగా ఉంటాయి. కొత్త విషయాలు తెలుస్తాయి. పిల్లల చదువు విషయాల్లో శుభవార్తలు వింటారు. ఉద్యోగంలో అధికారుల సహాయంతో వివాదాలు పరిష్కరించుకుంటారు.
తుల రాశి ఫలాలు
దూర ప్రయాణాలు చేయాల్సి వస్తుంది. కుటుంబ వాతావరణం సమస్యాత్మకంగా ఉంటుంది. నూతన ప్రయత్నాలు మందకొడిగా సాగుతాయి. మిత్రులతో కొన్ని విషయాల్లో మాటపట్టింపులు వస్తాయి. వృత్తి, వ్యాపారాలు ఉత్సాహంగా ఉంటాయి. నిరుద్యోగులకు అస్సలు కలిసిరాదు.
వృశ్చిక రాశి ఫలాలు
సమాజంలో గౌరవ మర్యాదలు పెరుగుతాయి. దూరప్రాంతం బంధువుల నుంచి శుభవార్తలు వింటారు. వృత్తి, వ్యాపారాలు ఉత్సాహంగా సాగుతాయి. ఉద్యోగంలో తీసుకున్న నిర్ణయాలు భవిష్యత్తులో ఉపయోగపడతాయి. ఇంట్లోకి కొన్ని వస్తువులు కొంటారు. ఆర్థికంగా అనుకూలం.
ధనస్సు రాశి ఫలాలు
ప్రయాణాల్లో వాహన ప్రమాద సూచనలు ఉన్నాయి. కుటుంబ సభ్యుల ఆరోగ్య సమస్యలు బాధిస్తాయి. చేపట్టిన పనుల్లో అవాంతరాలు వస్తాయి. వృత్తి, వ్యాపారాల్లో ఊహించని చిక్కులు వస్తాయి. ఉద్యోగంలో ఆకస్మిక ట్రాన్స్ ఫర్ సూచనలు ఉన్నాయి.
మకర రాశి ఫలాలు
దూర ప్రాంత ఆప్తుల రాక ఆనందం కలిగిస్తుంది. ఉద్యోగంలో ప్రశంసలు అందుకుంటారు. అనుకున్న సమయానికి పనులు పూర్తి చేస్తారు. వృత్తి, వ్యాపారాలు లాభదాయకం. నిరుద్యోగులకు అనుకూలం.
కుంభ రాశి ఫలాలు
వ్యాపారాల్లో కార్యసిద్ధి కలుగుతుంది. వృత్తి, ఉద్యోగాలు సాధారణం. ఇంటా బయట సఖ్యతగా వ్యవహరించి ముఖ్యమైన పనులు పూర్తి చేస్తారు. మిత్రులతో సంతోషంగా గడుపుతారు. ఆకస్మిక ధన ప్రాప్తి కలుగుతుంది.
మీన రాశి ఫలాలు
దూర ప్రయాణాలు అతికష్టం మీద పూర్తి చేస్తారు. మిత్రులతో వివాదాలు కలుగుతాయి. కష్టానికి తగ్గ ఫలితం కనిపించదు. కుటుంబ బాధ్యతలు పెరుగుతాయి. వృత్తి, వ్యాపారాల్లో నిరాశ తప్పదు. ఉద్యోగంలో పని ఒత్తిడి పెరిగి మానసిక సమస్యలు వస్తాయి.