Today Rasi Phalalu: ఈ రాశి వారికి కొత్త పరిచయాలతో ఆర్థిక లాభాలు..!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 27.04.2025 ఆదివారానికి సంబంధించినవి.

మేష రాశి ఫలాలు

ఆర్థిక పరిస్థితి అంతంత మాత్రంగా ఉంటుంది. దాయాదులతో ఊహించని వివాదాలు వస్తాయి. చేపట్టిన పనులు టైంకి పూర్తికావు. అనారోగ్య సమస్యలు భాదిస్తాయి. వృత్తి, వ్యాపారాలు నిరుత్సాహపరుస్తాయి. పిల్లల ఉద్యోగ ప్రయత్నాలు నిరాశ కలిగిస్తాయి.

వృషభ రాశి ఫలాలు

పనులు సకాలంలో పూర్తికాక ఒత్తిడి పెరుగుతుంది. ముఖ్యమైన పనులు వాయిదా పడతాయి. ఆర్థిక వ్యవహారాలు నిరుత్సాహ పరుస్తాయి. వ్యాపారాలు ఆశించిన స్థాయిలో ఉండవు. నిరుద్యోగ  ప్రయత్నాలు కలిసిరావు. ఉద్యోగంలో గందరగోళ పరిస్థితులు ఉంటాయి.

మిథున రాశి ఫలాలు

ఇంటా బయట మీ మాటకి విలువ పెరుగుతుంది. కొన్ని సమస్యలకు పరిష్కారం దొరుకుతుంది. కొత్త పరిచయాలు పెరుగుతాయి. ఆకస్మిక ధన ప్రాప్తి కలుగుతుంది. పాత రుణాలు తీర్చడానికి కొత్త అప్పులు చేస్తారు. ఉద్యోగంలో అధికారుల ఆదరణ పెరుగుతుంది.

కర్కాటక రాశి ఫలాలు

కుటుంబ విషయాల్లో ఆలోచన స్థిరంగా ఉండదు.  ఉద్యోగంలో అదనపు బాధ్యతల వల్ల మానసిక ఒత్తిడి పెరుగుతుంది. కొన్ని పనులు మందగిస్తాయి.  దైవ కార్యక్రమాల్లో పాల్గొంటారు. వ్యాపారాలు అంతంత మాత్రంగా సాగుతాయి. నిరుద్యోగ ప్రయత్నాలు కలిసిరావు.

సింహ రాశి ఫలాలు

ఆలోచనలు కార్య రూపం దాలుస్తాయి. కుటుంబ సభ్యులతో సమయం గడుపుతారు. చాలా కాలంగా ఎదురుచూస్తున్న సమస్యలకు పరిష్కారం లభిస్తుంది. వృత్తి, ఉద్యోగంలో దీర్ఘకాలిక వివాదాలు పరిష్కారం అవుతాయి. వ్యాపారం అనుకూలం.

కన్య రాశి ఫలాలు

ఆర్థికంగా ఇబ్బంది తప్పదు. వృత్తి, వ్యాపారాల్లో ముఖ్యమైన పనులు వాయిదా పడతాయి. బంధు మిత్రులతో కలహాలు రావచ్చు. దీర్ఘకాలిక అనారోగ్య సమస్యలు బాధిస్తాయి. పుణ్యక్షేత్రాలు సందర్శిస్తారు. ఉద్యోగాల్లో అధికారులతో  కొన్ని ఇబ్బందులు తప్పవు.

తుల రాశి ఫలాలు

కుటుంబ సభ్యుల ప్రోత్సాహంతో కొన్ని పనులు పూర్తి చేస్తారు. ఆర్థిక పరిస్థితి సంతృప్తికరంగా ఉంటుంది. బందు మిత్రుల రాక ఆనందాన్ని ఇస్తుంది. కొన్ని వస్తువులు బహుమతిగా పొందుతారు. కుటుంబ సభ్యులతో శుభకార్యాలకు హాజరవుతారు. ఉద్యోగాల్లో ఆశించిన పురోగతి ఉంటుంది.

వృశ్చిక రాశి ఫలాలు

వృత్తి, ఉద్యోగాల్లో కీలక నిర్ణయాలు తీసుకుంటారు. ఆర్థిక ఒడిడుకుల నుంచి బయటపడతారు. నిరుద్యోగ ప్రయత్నాలు అనుకూలిస్తాయి. నూతన వస్తు, వాహనాలు కొనుగోలు చేస్తారు. భూ సంభందిత క్రయ, విక్రయాల్లో లాభాలు పొందుతారు. కొత్త వ్యాపార ప్రారంభానికి అవరోధాలు తొలగిపోతాయి.

ధనస్సు రాశి ఫలాలు

ముఖ్యమైన వ్యవహారాల్లో కష్టానికి తగ్గ ఫలితం కనిపించదు. బంధు మిత్రులతో మాటపట్టింపులు ఉంటాయి. పాత బాకీలు తీర్చడానికి కొత్త ప్రయత్నాలు చేస్తారు. ఆధ్యాత్మిక చింతన పెరుగుతుంది. ఆరోగ్యం విషయంలో అశ్రద్ధ మంచిది కాదు. నిరుద్యోగులకు ఒక వార్త ఊరట కలిగిస్తుంది.

మకర రాశి ఫలాలు

ముఖ్యమైన పనులు వాయిదా పడతాయి. బంధు మిత్రులతో సంతోషంగా గడుపుతారు. ఆధ్యాత్మిక కార్యక్రమాల్లో పాల్గొంటారు. అనారోగ్య సమస్యలు కొంత బాధిస్తాయి. వృత్తి, ఉద్యోగం, వ్యాపారాలు సాధారణం.

కుంభ రాశి ఫలాలు

ప్రయాణాల్లో కొత్త పరిచయాలు ఆర్థిక లాభం కలిగిస్తాయి. ఇంట్లో వివాహ ప్రయత్నాలు ప్రారంభిస్తారు. ఉద్యోగంలో అధికారుల ఆదరణ పెరుగుతుంది. స్థిరాస్తి కొనుగోలుకు అవరోధాలు తొలగుతాయి. వ్యాపారాల్లో కీలక నిర్ణయాలు తీసుకుంటారు. జీవిత భాగస్వామి సహకారం అందుతుంది.

మీన రాశి ఫలాలు

స్థిరాస్తికి వివాదాలకు సంబంధించి బంధువుల నుంచి కీలక సమాచారం అందుతుంది. చేపట్టిన పనులు సకాలంలో పూర్తి చేస్తారు. ముఖ్యమైన వ్యవహారాల్లో ఆశించిన ఫలితాలు పొందుతారు. వృత్తి, ఉద్యోగాల్లో హోదాలు పెరుగుతాయి. కొత్త వ్యాపారాలకు పెట్టుబడులు అందుతాయి.