కేటరింగ్ పనులు ఇప్పిస్తామని అమ్మాయిలను తీసుకెళ్లి అశ్లీల నృత్యాలను చేయిస్తున్నారు.
విజయవాడ: కేటరింగ్ పనులు ఇప్పిస్తామని అమ్మాయిలను తీసుకెళ్లి అశ్లీల నృత్యాలను చేయిస్తున్నారు. అమ్మాయిలను అక్రమంగా రవాణా చేస్తున్న విషయాన్ని పోలీసులు గుర్తించారు.
విజయవాడ అజిత్సింగ్నగర్లోని న్యూ రాజరాజేశ్వరిపేట ప్రాంతానికి చెందిన తమ బాలిక కనిపించడం లేదని ఓ తల్లి ఇచ్చిన ఫిర్యాదుతో ఈ విషయం వెలుగు చూసింది. పేదలు నివసించే ప్రాంతాలపై ఈ ముఠా కన్నేసింది.
పదిహేనేళ్లు, 16 ఏళ్ల వయస్సున్న బాలికలను మాయమాటలతో నమ్మిస్తున్నారు. కేటరింగ్ పనులు ఇప్పిస్తామని నమ్మించి తమతో తీసుకెళ్తారు. తూర్పుగోదావరి, విశాఖతో పాటు ఇతర ప్రాంతాల్లో జరిగే జాతరలు, ఉత్సవాల్లో ఈ అమ్మాయిలతో అశ్లీల నృత్యాలు చేయిస్తున్నట్టుగా పోలీసులు గుర్తించారు.
అయితే కేటరింగ్ ఉద్యోగం కల్పిస్తామని చెప్పి అశ్లీల నృత్యాలు చేయిస్తున్నారు. ఈ నృత్యాలను చేయనని మొండికేస్తే చిత్రహింసలకు గురిచేస్తున్నట్టు పోలీసులు గుర్తించారు. విశాఖ జిల్లాకు చెందిన ఆరుగురు సభ్యుల ముఠాను పోలీసులు అరెస్ట్ చేశారు.