కారు ప్రమాదం... మాజీ మంత్రి పుల్లారావుకు తప్పిన ప్రమాదం

 ఇవాళ(ఆదివారం) ఉదయం మాజీ మంత్రి ప్రత్తిపాటి పుల్లారావు ప్రయాణిస్తున్న కారు ప్రమాదానికి గురయ్యింది. 

గుంటూరు: మాజీ మంత్రి, టిడిపి నాయకులు ప్రత్తిపాటి పుల్లారావు ఫెను ప్రమాదం నుండి బయటపడ్డారు. ఇవాళ(ఆదివారం) ఉదయం ఆయన ప్రయాణిస్తున్న కారు ప్రమాదానికి గురయ్యింది. చిలకలూరిపేట-నరసరావుపేట మధ్యలో ఆయన వెళుతున్న కారు మరో కారు ఢీకొన్నాయి. అయితే ఈ ప్రమాదం నుండి ప్రత్తిపాటి పుల్లారావు సురక్షితంగా బయటపడ్డారు. ఆయన కారు స్వల్పంగా దెబ్బతింది. 

ఈ ప్రమాదంలో తనకెలాంటి గాయాలు కాలేవని మాజీమంత్రి ప్రత్తిపాటి వెల్లడించారు. హైదరాబాద్ నుంచి చిలకలూరిపేట వస్తుండగా ఈ ఘటన చోటుచేసుకుందని పుల్లారావు  తెలిపారు. ఈ ప్రమాదంలో ఎవరికీ ఎలాంటి ప్రమాదం జరగకపోవడంతో పత్తిపాటి అభిమానులు, నియోజకవర్గ టీడీపీ కార్యకర్తలు ఊపిరిపీల్చుకున్నారు. ఈ ప్రమాదానికి సంబంధించి మరింత సమాచారం తెలియాల్సి ఉంది.