సత్తెనపల్లి అసెంబ్లీ ఎన్నికల ఫలితాలు 2024 live
By Rajesh Karampoori | First Published Jun 4, 2024, 10:11 AM ISTSattenapalle assembly elections result 2024: మాజీ అసెంబ్లీ స్పీకర్, టిడిపి సీనియర్ నేత కోడెల శివప్రసాద్ సూసైడ్ తో సత్తెనపల్లి నియోజకవర్గం పేరు మారుమోగింది. అంతేకాదు మంత్రి అంబటి రాంబాబు వివాదాలతో ఈ నియోజకవర్గం నిత్యం వార్తల్లో నిలుస్తోంది. అంతేకాదు తెలుగుదేశం పార్టీ మాజీ మంత్రి కన్నా లక్ష్మీనారాయణను సత్తెనపల్లి బరిలోకి దింపడంతో ఇక్కడి రాజకీయాలు మరింత రసవత్తరంగా మారాయి. రాబోయే అసెంబ్లీ ఎన్నికల్లో సత్తెనపల్లి ప్రజల తీర్పుపై ఉత్కంఠ నెలకొంది.
Sattenapalle assembly elections result 2024: నరసరావుపేట నుండి కోడెల శివప్రసాద్, రేపల్లె నుండి అంబటి రాంబాబు సత్తెనపల్లి షిప్ట్ కావడంలో ఇక్కడి రాజకీయాలు హీటెక్కాయి. అంతకుముందు వావిలాల గోపాలకృష్ణయ్య లాంటి స్వాతంత్ర్య సమరయోధులు సత్తెనపల్లి నుండి ప్రాతినిధ్యం వహించారు. గోపాలకృష్ణయ్య సిపిఐ, ఆ తర్వాత నన్నపనేని రాజకుమారి స్వతంత్ర అభ్యర్థిగా, పుతుంబాక వెంకటపతి, భారతి సిపిఎం, యలమంచిలి వీరాంజనేయులు, కోడెల టిడిపి, రావెల వెంకట్, దొడ్డ బాలకోటి రెడ్డి, యర్రం వెంకటేశ్వర్ రెడ్డి వంటివారు కాంగ్రెస్, చివరగా అంబటి రాంబాబు వైసిపి నుండి పోటీచేసి గెలిచారు. అంటే సత్తెనపల్లిలో దాదాపు అన్ని పార్టీలకు ప్రాతినిధ్యం వుందన్నమాట. అయితే కోడెల, అంబటి ఎంట్రీతో సత్తెనపల్లి పాలిటిక్స్ పూర్తిగా మారిపోయాయి. ఈ రెండు పార్టీల చుట్టే రాజకీయాలు సాగుతున్నాయి.
సత్తెనపల్లి నియోజకవర్గంలోని మండలాలు :
Latest Videos
undefined
సత్తెనపల్లి
రాజుపాలెం
నకరికల్లు
ముప్పాళ్ల
సత్తెనపల్లి అసెంబ్లీ ఎన్నికలు 2024 అభ్యర్థులు :
సత్తెనపల్లి టిడిపి అభ్యర్థి :
తెలుగుదేశం పార్టీ అభ్యర్థిగా మాజీ మంత్రి కన్నా లక్ష్మీనారాయణ బరిలో నిలిాచారు. ఉమ్మడి రాష్ట్రంలో కాంగ్రెస్ మంత్రిగా, రాష్ట్ర విభజన తర్వాత ఏపీ బిజెపి అధ్యక్షుడిగా పనిచేసారు కన్నా. ఇటీవలే టిడిపిలో చేరిన ఆయనను ముందు సత్తెనపల్లి ఇంచార్జీగా నియమించిన టిడిపి ఇటీవల 2014 అసెంబ్లీ ఎన్నికల అభ్యర్ధిగా ప్రకటించింది.
సత్తెనపల్లి వైసిపి అభ్యర్థి :
ఆంధ్ర ప్రదేశ్ అసెంబ్లీ ఎన్నికలు 2019లో వైసిపి అంబటి రాంబాబును బరిలోకి దింపి విజయం సాధించింది. ప్రస్తుతం ఆయన జగన్ కేబినెట్ లో మంత్రిగా వున్నారు. 2024 అసెంబ్లీ ఎన్నికల్లో కూడా అంబటి రాంబాబే సత్తెనపల్లి బరిలో దిగారు.
సత్తెనపల్లి అసెంబ్లీ ఎన్నికల ఫలితాలు
సత్తెనపల్లె అసెంబ్లీ ఎన్నికల ఫలితాలు 2024
సత్తెనపల్లె నియోజకవర్గంలో తెలుగుదేశం పార్టీ గెలుపొందింది. టీడీపీకి చెందిన కన్నా లక్ష్మీనారాయణ సత్తెనపల్లెలో 117965 ఓట్లతో విజయం సాధించారు.
సత్తెనపల్లి అసెంబ్లీ ఎన్నికల ఫలితాలు 2019:
2019 అసెంబ్లీ ఎన్నికల్లో సత్తెనపల్లి నియోజకవర్గంలో 2,03,731 ఓట్లు (88 శాతం) పోలయ్యాయి.
వైసిపి - అంబటి రాంబాబు - 1,05,063 (51 శాతం) ఓట్లు వచ్చాయి - 20,876 ఓట్ల మెజారిటీతో విజయం
టిడిపి - కోడెల శివప్రసాదరావు - 84,187 (41 శాతం) ఓట్లు వచ్చాయి. రెండో స్థానంలో నిలిచారు.
జనసేన - యర్రం వెంకటేశ్వర్ రెడ్డి - 9,279 (4 శాతం) - మూడో స్థానంలో నిలిచారు.
సత్తెనపల్లి అసెంబ్లీ ఎన్నికల ఫలితాలు 2014:
ఈ ఎన్నికల్లో టిడిపి విజేతగా నిలిచింది. సత్తెనపల్లిలో 2014 అసెంబ్లీ ఎన్నికల్లో 1,69,570 (84 శాతం) ఓట్లు పోలయ్యాయి.
టిడిపి - కోడెల శివప్రసాద్ - 85,247 ( 50 శాతం) ఓట్లు సాధించి గెలిచారు. ఆయన 924 ఓట్ల స్వల్ప మెజారిటీతో గెలిచారు.
వైసిపి - అంబటి రాంబాబు - 84,323 (49 శాతం) ఓట్లు సాధించి ఓటమిపాలయ్యారు. ఈ ఎన్నికల్లో అంబటి రెండో స్థానంలో నిలిచారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి