అది తన సర్వే కాదంటున్న లగడపాటి

ఎన్నికల షెడ్యూల్‌ విడుదలై, నామినేషన్ల ప్రక్రియ తర్వాతే జననాడిని తెలుసుకునే ప్రయత్నం చేసి, సర్వే ఫలితాలను వెల్లడిస్తానని వివరించారు. అంతవరకూ తన పేరిట ఏ ప్రచారం జరిగినా.. అవి కేవలం వేరొకరి కల్పితాలేనని స్పష్టం చేశారు.

తెలంగాణ, ఏపీలో త్వరలో జరగనున్న ఎన్నికల్లో వీరిదే విజయం అంటూ రెండు రోజుల నుంచి ఓ సర్వే వెల్లడించిన విషయాలు వైరల్ గా మారాయి. అయితే.. ఆ సర్వే చేయించింది మాజీ ఎంపీ లగడపాటి రాజ్ గోపాల్ అంటూ ప్రచారం కూడా జరిగింది. కాగా.. ఈ విషయాన్ని లగడపాటి ఖండించారు.

శనివారం మీడియాతో మాట్లాడిన ఆయన ఆ సర్వే గురించి క్లారిటీ ఇచ్చారు. సామాజిక మాధ్యమాల్లో తప్పుడు ప్రచారం జరుగుతోందని తెలిపారు. ఆ సర్వే ఫలితాలకు, తనకు సంబంధం లేదని పేర్కొన్నారు. ఎన్నికల షెడ్యూల్‌ విడుదలై, నామినేషన్ల ప్రక్రియ తర్వాతే జననాడిని తెలుసుకునే ప్రయత్నం చేసి, సర్వే ఫలితాలను వెల్లడిస్తానని వివరించారు. అంతవరకూ తన పేరిట ఏ ప్రచారం జరిగినా.. అవి కేవలం వేరొకరి కల్పితాలేనని స్పష్టం చేశారు.