వైఎస్ అవినాష్ రెడ్డి ఇంటికి సీబీఐ అధికారులు: రెండు వాహనాల్లో ఆఫీసర్లు

కడప ఎంపీ వైఎస్ అవినాష్ రెడ్డి ఇంటికి ఇవాళ  సీబీఐ అధికారులు వెళ్లారు.  రెండు వాహనాల్లో సీబీఐ అధికారులు అవినాష్ రెడ్డికి వచ్చారు. 

కడప: వైసీపీకి చెందిన కడప ఎంపీ వైఎస్ అవినాస్ రెడ్డి ఇంటికి  బుధవారం నాడు  సీబీఐ అధికారులు వెళ్లారు.  రెండు వాహనాల్లో సీబీఐ అధికారులు  అవినాస్ రెడ్డి ఇంటికి వచ్చారు.   ఇవాళ ఉదయమే  అవినాష్ రెడ్డికి సీబీఐ అధికారులు  నోటీసులు అందించారు. ఈ నెల  23వ తేదీన  పులివెందులలో  ఉన్న వైఎస్ భాస్కర్ రెడ్డి నివాసాన్ని   సీబీఐ అధికారులు  పరిశీలించారు.  అదే రోజున  వైఎస్ అవినాష్ రెడ్డికి  నోటీసులు జారీ చేసిన విషయం తెలిసిందే. మాజీ మంత్రి వైఎస్ వివేకానందరెడ్డి  హత్య కేసులో  విచారణకు రావాలని   ఈ నొటీసులో  పేర్కోన్నారు సీబీఐ అధికారులు. అయితే   ముందుగా  నిర్ధయించిన షెడ్యూల్ కారణంగా  తాను  విచారణకు రాలేనని అవినాష్ రెడ్డి  సీబీఐకి లేఖ రాశాడు.ఈ లేఖ ఆధారంగా  ఇవాళ   మరోసారి  అవినాష్ రెడ్డికి  సీబీఐ అధికారులు నోటీసులు ఇచ్చారు.  ఈ నెల  28వ తేదీన   విచారణకు రావాలని సీబీఐ  ఆ నోటీసులో  పేర్కొంది. 

2019  మార్చి  19న వైఎస్ వివేకానందరెడ్డి హత్యకు గురయ్యాడు .  ఈ హత్య కేసుకు సంబంధించి  సీబీఐ విచారణ నిర్వహిస్తుంది.  వైఎస్ వివేకానందరెడ్డి    హత్య  కేసును సీబీఐకి అప్పగించాలని  కోరుతూ  వివేకానందరెడ్డి కూతురు  సునీతా రెడ్డి  పిటిషన్ దాఖలు చేసింది. మాజీ మంత్రి ఆదినారాయణరెడ్డి, టీడీపీ నేత బీటెక్ రవిలు పిటిషన్లు దాఖలు చేశారు.  ఈ పిటిషన్లపై విచారణ నిర్వహించిన హైకోర్టు సీబీఐ విచారణకు ఆదేశించింది.    ఈ కేసు విచారణను  ఏపీ రాష్ట్రం నుండి  కాకుండా  మరో రాష్ట్రానికి  తరలించాలని వైఎస్ సునీతారెడ్డి  పిటిషన్ ను  సుప్రీంకోర్టు లో  పిటిషన్ దాఖలు చేసింది..ఈ పిటిషన్ పై విచారణ చేసిన ఉన్నత న్యాయస్థానం  తెలంగాణకు  విచారణను బదిలీ చేసింది.