2019లోనే పవన్ కళ్యాణ్ సత్తా చూశామని ఏపీ మంత్రి బొత్స సత్యనారాయణ చెప్పారు. వచ్చే ఎన్నికల్లో కొత్తగా పవన్ కళ్యాణ్ ఏం చేయగలడో చెప్పాలని ఆయన ప్రశ్నించారు.
అమరావతి: పిట్టకొంచెం కూత ఘనం అన్న చందంగా జనసేన చీఫ్ పవన్ కళ్యాణ్ వ్యాఖ్యలున్నాయని ఏపీ మంత్రి బొత్స సత్యనారాయణ చెప్పారు. జనసేన చీఫ్ పవన్ కళ్యాణ్ వ్యాఖ్యలపై ఏపీ మంత్రి బొత్స సత్యనారాయణ ఆదివారం నాడు కౌంటరిచ్చారు.ఇవాళ ఇప్పటంలో ఇళ్లు కోల్పోయిన బాధితులకు పవన్ కళ్యాణ్ ఆర్ధిక సహాయం అందించారు.ఈ సందర్భంగా నిర్వహించిన కార్యక్రమంలో వైసీపీపై సీరియస్ వ్యాఖ్యలు చేశారు.
2024 ఎన్నికల్లో రాష్ట్రంలో వైసీపీ ఎలా గెలుస్తుందో చూస్తానని పవన్ కళ్యాణ్ చెప్పారు. 175 సీట్లలో వైసీపీ గెలుస్తుంటే తాము నోట్లో వేలు పెట్టుకొని చూస్తామా అని పవన్ కళ్యాణ్ చేసిన వ్యాఖ్యలపై మంత్రి స్పందించారు.ఇప్పటంలో అభివృద్ది కోసం రోడ్లు విస్తరిస్తుంటే పవన్ కు అభ్యంతరం ఏమిటని ఆయన ప్రశ్నించారు.2019 ఎన్నికల్లో పవన్ కళ్యాణ్ సత్తా ఏమిటో అర్ధమైందన్నారు. 2009లో అన్న ప్రజారాజ్యం పార్టీలో పవన్ కళ్యాణ్ ఏం చేశారో చూశామన్నారు.ఇప్పుడు కొత్తగా పవన్ కళ్యాణ్ ఏం చేయగలరని ఆయన ప్రశ్నించారు.
2014 ఎన్నికల సమయంలో పవన్ కళ్యాణ్ జనసేన పార్టీని ఏర్పాటు చేశారు. ఆ ఎన్నికల సమయంలో టీడీపీ, బీజేపీ కూటమికి పవన్ కళ్యాణ్ మద్దతిచ్చారు. ఆ తర్వాత చోటు చేసుకున్న రాజకీయ పరిణామాల నేపథ్యంలో పవన్ కళ్యాణ్ టీడీపీకి దూరమయ్యారు. 2019 ఎన్నికల సమయంలో లెఫ్ట్ పార్టీలతో కలిసి పవన్ కళ్యాణ్ పోటీ చేశారు. ఈ ఎన్నికల్లో పవన్ కళ్యాణ్ పోటీ చేసిన రెండు స్తానాల్లో ఓటమి పాలయ్యాడు. కానీ జనసేన అభ్యర్ధిగా పోటీ చేసిన రాపాక వరప్రసాద్ విజయం సాధించారు. రాపాక వర ప్రసాద్ వైసీపీకి జై కొట్టారు.
also read:నా యుద్ధం నేనే చేస్తా, మమ్మల్ని బెదిరిస్తే ఏం చేస్తామో చూపిస్తాం: వైసీపీకి పవన్ వార్నింగ్
2019 ఎన్నికల తర్వాత లెఫ్ట్ పార్టీలతో దోస్తీకి పవన్ కళ్యాణ్ గుడ్ బై చెప్పారు. బీజేపీతో పవన్ కళ్యాణ్ మైత్రిని ప్రారంభించారు. వచ్చే రెండేళ్లలో ఏపీలో అసెంబ్లీ ఎన్నికలు జరగనున్నాయి. ఈ తరుణంలో రాష్ట్రంలో ఎన్నికల వేడి రాజుకుంది. ఈ తరుణంలో పవన్ కళ్యాణ్ వైసీపీపై విమర్శలు గుప్పించారు.