వీఆర్వోలకు అధికారాలు, కోర్టుకెక్కిన సర్పంచ్‌లు: వెనక్కి తగ్గిన ఏపీ సర్కార్.. జీవో నెం. 2 ఉపసంహరణ

జీవో నెంబర్ 2ను వెనక్కి తీసుకుంటున్నట్లు ఏపీ ప్రభుత్వం మంగళవారం ప్రకటించింది. గ్రామ సచివాలయాల్లో సర్పంచ్, పంచాయతీ సెక్రటరీల అధికారాలను వీఆర్వోలకు బదిలీ చేస్తూ గతంలో ప్రభుత్వం ఈ జీవో ఇచ్చింది. ఈ నేపథ్యంలో సర్వత్రా విమర్శలు రావడంతో పాటు సర్పంచ్‌లు కోర్టుకెక్కారు. జీవో నెంబర్ 2 పంచాయతీ రాజ్ చట్టానికి విరుద్థమని పిటిషనర్లు కోర్టుకు వివరించారు. దీంతో జీవోను వెనక్కి తీసుకుంటున్నట్లు కోర్టుకు తెలియజేసింది ప్రభుత్వం. ఇందుకు సంబంధించిన మరిన్ని వివరాలు తెలియాల్సి వుంది.