పోలీసుల తనిఖీల్లో పట్టుబడ్డ రెండున్నర కోట్ల బంగారం (వీడియో)

ఓ ప్రైవేట్ ట్రావెల్స్ బస్సును తనిఖీ చేసిన  కర్నూల్ పోలీసులకు ఓ ప్రయాణికుడి వద్ద 5 కేజీల 85 గ్రాముల బంగారం దొరికింది. 

కర్నూలు: హైదరాబాద్ నుండి బెంగళూరుకు అక్రమంగా తరలిస్తున్న రెండున్నర కోట్ల విలువైన బంగారం కర్నూల్ పోలీసుల తనిఖీల్లో బయటపడింది. ఓ ప్రైవేట్ ట్రావెల్స్ బస్సును తనిఖీ చేసిన పోలీసులకు ఓ ప్రయాణికుడి వద్ద 5 కేజీల 85 గ్రాముల బంగారం దొరికింది. ఈ బంగారానికి సంబంధించిన సరైన పత్రాలు లేకపోవడంతో పోలీసులు స్వాదీనం చేసుకున్నారు. 

కర్నూల్ జిల్లా ఎస్పీ పక్కీరప్ప, అడిషనల్ ఎస్పీ గౌతమి సాలి ఆదేశాల మేరకు రాష్ట్ర సరిహద్దుల్లోని పంచలింగాల చెక్ పోస్టు వద్ద గురువారం తెల్లవారుజూమున పోలీసులు వాహనాల తనిఖీలు చేపట్టారు. ఈ క్రమంలోనే హైదరాబాదు నుండి బెంగళూరు వెళుతున్న ప్రైవేట్ ట్రావెల్స్ బస్సును ఆపి తనిఖీ చేశారు. దీంతో బెంగళూరుకు చెందిన నగల వ్యాపారి మహావీర్ జైన్ (అరిహంత్ జ్యువెలరీ షాప్ , శివాజీ నగర్ నార్త్ బెంగళూరు) వద్ద గల బ్యాగును తెరిచిచూడగా సుమారు 5 కేజీల 85 గ్రాముల (45 బంగారు బిస్కెట్లు, రెండు నెక్లెస్ లు) బంగారాన్ని గుర్తించారు.

వీడియో

ఈ బంగారానికి సంబంధించి సరైన పత్రాలు, ఎలాంటి ఆధారాలు, బిల్లులు లేకపోవడంతో వాటిని స్వాదీనం చేసుకుని కర్నూల్ తాలూకా పోలీస్ స్టేషన్ కు తరలించారు. సరైన పత్రాలతో వస్తే వీటిని తిరిగి అప్పగిస్తామని పోలీసులు తెలిపారు.