ఏపీలో తగ్గని కరోనా తీవ్రత: కొత్తగా 22,018 కేసులు.. తూర్పు గోదావరిలో పైపైకి
By Siva Kodati | First Published May 14, 2021, 5:59 PM ISTఆంధ్రప్రదేశ్‌లో కరోనా విలయతాండవం కొనసాగుతూనే వుంది. ఇప్పటికే వైరస్‌ను కట్టడి చేసేందుకు రాష్ట్రవ్యాప్తంగా పగటి పూట కర్ఫ్యూను సైతం అమలు చేస్తున్నారు. కానీ కేసుల తీవ్రత పెరుగుతుందే తప్ప ప్రయోజనం మాత్రం శూన్యం. తాజాగా గడిచిన 24 గంటల్లో కొత్తగా 22,018 మందికి పాజిటివ్‌గా తేలినట్లు రాష్ట్ర వైద్య ఆరోగ్య శాఖ ప్రకటించింది.
ఆంధ్రప్రదేశ్‌లో కరోనా విలయతాండవం కొనసాగుతూనే వుంది. ఇప్పటికే వైరస్‌ను కట్టడి చేసేందుకు రాష్ట్రవ్యాప్తంగా పగటి పూట కర్ఫ్యూను సైతం అమలు చేస్తున్నారు. కానీ కేసుల తీవ్రత పెరుగుతుందే తప్ప ప్రయోజనం మాత్రం శూన్యం. తాజాగా గడిచిన 24 గంటల్లో కొత్తగా 22,018 మందికి పాజిటివ్‌గా తేలినట్లు రాష్ట్ర వైద్య ఆరోగ్య శాఖ ప్రకటించింది.
వీటితో కలిపి ఆంధ్రప్రదేశ్‌లో ఇప్పటి వరకు వైరస్ బారినపడిన వారి సంఖ్య 13,88,803కి చేరుకుంది. నిన్న ఒక్కరోజు ఈ మహమ్మారి వల్ల 96 మంది ప్రాణాలు కోల్పోయారు. దీంతో ఏపీలో ఇప్పటి వరకు వైరస్ కారణంగా మరణించిన వారి సంఖ్య 9,173కి చేరుకుంది.
Latest Videos
undefined
గత 24 గంటల వ్యవధిలో కోవిడ్ బారినపడి విజయనగరం 9, అనంతపురం 11, తూర్పుగోదావరి 10, చిత్తూరు 8, గుంటూరు 7, కర్నూలు 6, నెల్లూరు 7, కృష్ణ 8, విశాఖపట్నం 10, శ్రీకాకుళంలో 6, పశ్చిమ గోదావరి 10, కడపలో నలుగురు చొప్పున మరణించారు.
నిన్న ఒక్కరోజు కరోనా నుంచి 19,177 మంది కోలుకున్నారు. దీంతో ఇప్పటి వరకు ఏపీలో మొత్తం డిశ్చార్జ్‌ల సంఖ్య 11,75,843కి చేరింది. గత 24 గంటల వ్యవధిలో 89,087 మంది శాంపిల్స్‌ను పరీక్షించడంతో ఇప్పటి వరకు రాష్ట్రంలో మొత్తం టెస్టుల సంఖ్య 1,77,91,120కి చేరుకుంది. ప్రస్తుతం ఏపీలోని వివిధ ఆసుపత్రుల్లో 2,03,787 మంది చికిత్స పొందుతున్నారు.
నిన్న ఒక్కరోజు అనంతపురం 2213, చిత్తూరు 2708, తూర్పుగోదావరి 3432, గుంటూరు 1733, కడప 1460, కృష్ణ 1031, కర్నూలు 1213, నెల్లూరు 1733, ప్రకాశం 1265, శ్రీకాకుళం 695, విశాఖపట్నం 2200, విజయనగరం 899, పశ్చిమ గోదావరిలలో 1463 మంది చొప్పున వైరస్ బారినపడ్డారు.
: 14/05/2021, 10:00 AM
రాష్ట్రం లోని నమోదైన మొత్తం 13,85,908 పాజిటివ్ కేసు లకు గాను
*11,72,948 మంది డిశ్చార్జ్ కాగా
*9,173 మంది మరణించారు
* ప్రస్తుతం చికిత్స పొందుతున్నవారి సంఖ్య 2,03,787 pic.twitter.com/FDuxMCj9zb
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి