గర్భాశయక్యాన్సర్ తో 32 యేళ్లకే చనిపోతారా? ప్రమాదం ఎంత?

సోషల్ మీడియా స్టార్, నటి పూనమ్ పాండే 32యేళ్ల వయసులో గర్భాశయ క్యాన్సర్ తో మృతి చెందిందనే వార్తలతో ఒక్కసారిగా దేశమంతా షాక్ కు గురైంది. ఈ క్రమంలో గర్బాశయ క్యాన్సర్ ఎందుకు వస్తుంది? చిన్నవయసులో ఈ క్యాన్సర్ కారణంగా మరణించే అవకాశాలు ఎంతవరకు ఉన్నాయి? దీని లక్షణాలు ఏంటి? చికిత్స ఎలా? దీనినుంచి ఎలా బయటపడాలి? లాంటి వివరాలు.. 

గర్భాశయ క్యాన్సర్ ప్రారంభ దశలలో ఎటువంటి లక్షణాలను కలిగి ఉండకపోవచ్చు. కొన్నిసార్లు కటి ప్రాంతంలో నొప్పి, పీరియడ్స్ మధ్య రక్తస్రావం, బలమైన వాసనతో కూడిన యోని స్రవాలవంటివి కనిపిస్తాయి. 

గర్భాశయ క్యాన్సర్ కు కారణం హ్యూమన్ పాపిల్లోమావైరస్. గర్భాశయ క్యాన్సర్ రాకుండా ఉండాలంటే టీనేజ్ వయసు అమ్మాయిలకు ఈ వ్యాక్సిన్ వేయడం ద్వారా నివారించవచ్చు. సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (CDC) ప్రారంభంలో 9-26 సంవత్సరాల వయస్సు గల వారందరికీ వ్యాక్సిన్‌ని సిఫార్సు చేసింది. 

Poonam Pandey Death : ఇంటర్నెట్ సెలబ్రిటీ పూనమ్ పాండే 5 అతిపెద్ద వివాదాలు

గర్భాశయ క్యాన్సర్ ప్రాథమిక లక్షణాలు.. 
పెల్విక్ అంటే కటి భాగంలో నొప్పి గర్భాశయ క్యాన్సర్ ప్రాథమిక లక్షణాల్లో ముఖ్యమైనది. మరికొంతమందిలో గర్భాశయ క్యాన్సర్ ప్రారంభ దశలలో, ఎటువంటి లక్షణాలు కనిపించకపోవచ్చు కూడా. 

అందుకే, ఒక వయసు దాటిన తరువాత మహిళలు క్రమం తప్పకుండా గర్భాశయ స్మెర్ పరీక్షలు లేదా పాప్ స్మియర్ పరీక్షలు చేయించుకోవాల్సి ఉంటుంది. ఈ పరీక్షల ద్వారా క్యాన్సర్ కణాలు ఏవైనా అభివృద్ధి చెందుతున్నాయా గుర్తించగలుగుతారు. దీనివల్ల ముందుగానే క్యాన్సర్ నివారణకు లేదా చికిత్సకు చర్యలు తీసుకునే అవకాశం ఉంటుంది. 

గర్భాశయ క్యాన్సర్ లో కనిపించే అత్యంత సాధారణ లక్షణాలు :
పీరియడ్స్ మధ్య రక్తస్రావం
లైంగిక సంపర్కం తర్వాత రక్తస్రావం
రుతుక్రమం ఆగిపోయిన (మెనోపాజ్) మహిళల్లో రక్తస్రావం
లైంగిక సంపర్కం సమయంలో అసౌకర్యం
బలమైన వాసనతో యోని ద్రవాలు
యోని ద్రవాలు రక్తంతో నిండి ఉండడం
కటి ప్రాంతంలో నొప్పి

ఈ లక్షణాలు కనిపిస్తే.. గర్భాశయ క్యాన్సర్ తో పాటు ఇతర వేరే సమస్యలు కూడా ఉండొచ్చు. వెంటనే డాక్టర్ ను సంప్రదించాలి. 

సర్వైకల్ క్యాన్సర్ : కారణాలు, లక్షణాలు, చికిత్స... మహిళలు తెలుసుకోవాల్సిన విషయాలివే...

గర్భాశయ క్యాన్సర్ ఎన్ని దశల్లో ఉంటుంది.. ఏ దశలో గుర్తించవచ్చు...

క్యాన్సర్ ఏ దశలో ఉందో గుర్తించే చికిత్స అంత సులభం అవుతుంది. క్యాన్సర్ ఎంతవరకు వ్యాపించిందో, సమీపంలోని అవయవాలు లేదా దూరంగా ఉన్న అవయవాలకు చేరుకుందో లేదో అంచనా వేయడమే దశల లక్ష్యం.

గర్భాశయ క్యాన్సర్ ను నాలుగు దశల్లో గుర్తిస్తారు. 
దశ 0 : క్యాన్సర్‌కు పూర్వ కణాలు ఉన్నాయి.
దశ 1 : క్యాన్సర్ కణాలు ఉపరితలం నుండి గర్భాశయంలోని లోతైన కణజాలాలలోకి, బహుశా గర్భాశయంలోకి, సమీపంలోని శోషరస కణుపులకు పెరిగాయి.
దశ 2 : క్యాన్సర్ గర్భాశయం దాటి వెళ్ళింది. కానీ కటి గోడలు లేదా యోని దిగువ భాగం వరకు చేరుకోలేదు. ఇది సమీపంలోని శోషరస కణుపులను ప్రభావితం చేయవచ్చు లేదా ప్రభావితం చేయకపోవచ్చు.
దశ 3: క్యాన్సర్ కణాలు యోని దిగువ భాగంలో లేదా కటి గోడలలో ఉంటాయి. ఇది మూత్రాశయం నుండి మూత్రాన్ని తీసుకువెళ్ళే మూత్ర నాళాలను అడ్డుకుంటుంది.సమీపంలోని శోషరస కణుపులను ప్రభావితం చేయవచ్చు లేదా ప్రభావితం చేయకపోవచ్చు.
స్టేజ్ 4: క్యాన్సర్ మూత్రాశయం లేదా పురీషనాళాన్ని ప్రభావితం చేస్తుంది. పెల్విస్ నుండి పెరుగుతుంది. శోషరస కణుపులను ప్రభావితం చేయవచ్చు లేదా ప్రభావితం చేయకపోవచ్చు. 

తరువాత 4వ దశలో, కాలేయం, ఎముకలు, ఊపిరితిత్తులు, శోషరస కణుపులతో సహా సుదూర అవయవాలకు వ్యాపిస్తుంది.

ఎందుకు వస్తుంది.. 
క్యాన్సర్ అనేది కణాల అనియంత్రిత విభజన, అసాధారణ కణాల పెరుగుదల ఫలితంగా వస్తుంది. మన శరీరంలోని చాలా కణాలకు నిర్దిష్ట జీవితకాలం ఉంటుంది.  అవి చనిపోయినప్పుడు, వాటిని భర్తీ చేయడానికి శరీరం కొత్త కణాలను ఉత్పత్తి చేస్తుంది. అయితే, మృతకణాలు విభజన చెందుతూ పెరుగుతాయి. అలాంటప్పుడు వారు ఇది కణాల అధిక పెరుగుదలకు దారితీస్తుంది, చివరికి అది కణితిగా మారి క్యాన్సర్ కారకంగా తయారవుతంది. కణాలు క్యాన్సర్‌గా ఎందుకు మారతాయో శాస్త్రవేత్తలకు పూర్తిగా తెలియదు.

ప్రముఖ నటి పూనమ్ పాండే గర్భాశయ క్యాన్సర్ తో మృతి...

గర్భాశయ క్యాన్సర్ రావడానికి గల కారణాలు..
గర్భాశయ క్యాన్సర్ కు కారణమైన వైరస్ హెచ్ పీవీ. ఇది లైంగికంగా సంక్రమించే వైరస్. 100 కంటే ఎక్కువ రకాల హెచ్ పీవీ లున్నాయి. వీటిలో కనీసం 13 వైరస్ లు గర్భాశయ క్యాన్సర్‌కు కారణం కావచ్చు.

ఈ వైరస్ సోకడానికి చాలా మంది లైంగిక భాగస్వాములను కలిగి ఉండటం 
లేదా పెళ్లికంటే ముందుగానే లైంగికంగా చురుకుగా ఉండటం
హెచ్ పీవీ ఉన్న వ్యక్తితో లైంగిక సంబంధం 
ధూమపానం : ఇది గర్భాశయ క్యాన్సర్‌తో పాటు ఇతర రకాల ప్రమాదాన్ని పెంచుతుంది.
బలహీనమైన రోగనిరోధక వ్యవస్థ : హెచ్‌ఐవి లేదా ఎయిడ్స్ ఉన్నవారిలో, లింగ మార్పిడి చేయించుకున్న వ్యక్తులలో గర్భాశయ క్యాన్సర్ వచ్చే ప్రమాదం ఎక్కువగా ఉంటుంది. ఇది రోగనిరోధక శక్తిని తగ్గించే మందుల వాడకానికి దారి తీస్తుంది.

జనన నియంత్రణ మాత్రలు : సాధారణ గర్భనిరోధక మాత్రల దీర్ఘకాలిక ఉపయోగిస్తున్న స్త్రీలలో కూడా ఈ ప్రమాదం వచ్చే అవకాశం ఉంది. 

ఇతర లైంగికంగా సంక్రమించే వ్యాధులు (STD) : క్లామిడియా, గనేరియా, సిఫిలిస్ లాంటి వాటితో కూడా గర్భాశయ క్యాన్సర్‌ వచ్చే అవకాశం ఉంది.
సామాజిక-ఆర్థిక స్థితి : సరైన పోషకాహారం, అపరిశుభ్రతలాంటివి కూడా దీనికి కారణం కావచ్చు. 

చికిత్స
గర్భాశయ క్యాన్సర్ చికిత్సకు శస్త్రచికిత్స, రేడియోథెరపీ, కీమోథెరపీ లేదా వీటన్నింటితో చేస్తారు.  దీనికి గుర్తించడానికి రొటీన్ స్క్రీనింగ్‌గా ACS ను డాక్టర్లు, ప్రపంచఆరోగ్య సంస్థ సిఫార్సు చేస్తుంది. 

అయితే, ఈ స్క్రీనింగ్ ను 25 ఏళ్లలోపు ఉన్నవారికి సిఫార్సు చేయదు. 

25-65 సంవత్సరాల మధ్య ఉన్న మహిళలు గర్భాశయ క్యాన్సర్ స్క్రీనింగ్ అయిన హెచ్ పీవీ పరీక్షను ప్రతి ఐదు సంవత్సరాలకు ఒకసారి చేయించుకోవాలి.

65 ఏళ్లు పైబడిన వారు : 65యేళ్లు పై బడిన వారికి ఈ పరీక్షలు చేయరు. అయితే, గతంలో స్క్రీనింగ్ చేయించుకుని, గర్భాశయ క్యాన్సర్ వచ్చే ప్రమాదం ఎక్కువగా ఉంటే తప్ప, ACS స్క్రీనింగ్‌ను 65యేళ్లు పైబడిన వారికి చేయరు. 

30 మరియు 65 సంవత్సరాల మధ్య మహిళలు : ఈ వయస్సు గల మహిళలు ప్రతి 5 సంవత్సరాలకు ఒకసారి పాప్ పరీక్ష,  HPV పరీక్ష చేయించుకోవాలి. అయితే, సాధారణంగా ప్రతి 3 సంవత్సరాలకు ఒకసారి మాత్రమే పాప్ స్మియర్ పరీక్ష చేయించుకోవాలి. ఇందులో ఏదైనా తేడా ఉంటేనే HPV పరీక్ష చేయించుకోవాలి. 

యువత ఎక్కువగా గర్భాశయ క్యాన్సర్‌కు  గురవుతున్నారా?
అమెరికన్ క్యాన్సర్ సొసైటీ ప్రకారం, 25 సంవత్సరాలు లేదా అంతకంటే ఎక్కువ వయస్సు తరువాత గర్భం దాల్చిన మహిళలకంటే, 20 సంవత్సరాల కంటే తక్కువ వయస్సులో పిల్లల్ని కన్న మహిళల్లో భవిష్యత్తులో గర్భాశయ క్యాన్సర్ బారినపడే అవకాశాలు ఎక్కువున్నాయి. 

చిన్నవయసులో 3 లేదా అంతకంటే ఎక్కువ ప్రసవాలు లేదా అబార్షన్లు అయిన మహిళలకు ఇది సోకే అవకాశం ఉంది. అయితే, ఇప్పటివరకు గర్భాశయ క్యాన్సర్ సోకినా.. ఇంత చిన్నవయసులో మరణించిన దాఖలాలు లేవు. ఎందుకంటే ఓ సర్వే ప్రకారం.. సర్వైకల్ క్యాన్సర్ బారిన పడిన శ్వేతజాతి మహిళల్లో 67శాతం కోలుకునే అవకాశం ఉంది. అదే నల్లజాతి మహిళల్లో దీనిరేటు 56% ఉంది. కాగా,  65 లేదా అంతకంటే ఎక్కువ వయస్సు ఉన్న స్త్రీలలో 46శాతం దీనినుంచి కోలుకునే అవకాశాలున్నాయి. 

అయితే 50 నుండి 64 సంవత్సరాల మధ్య వయస్సు గల స్త్రీలు ఈ క్యాన్సర్ సోకినా.. 61%వరకు కోలుకున్నారు. 50 ఏళ్లలోపు మహిళలు 77% దీనినుంచి కోలుకునే అవకాశాలున్నాయి. గర్భాశయ క్యాన్సర్ ను ప్రారంభ దశలో గుర్తిస్తే దాదాపుగా 92% మంది కోలుకుంటారు.