Wimbledon: సెమీస్ చేరిన సానియా మీర్జా.. చివరి వింబూల్డన్ లో జోరుమీదున్న హైదరాబాదీ స్టార్
By Srinivas M | First Published Jul 5, 2022, 12:13 PM ISTWimbledon 2022: ఇండియా వెటరన్ టెన్నిస్ స్టార్ సానియా మీర్జా తన చివరి వింబూల్డన్ లో అదరగొడుతున్నది. మిక్స్డ్ డబుల్స్ లో పావిక్ తో జతకట్టిన ఆమె సెమీస్ కు చేరింది.
యూకే వేదికగా జరుగుతున్న వింబూల్డన్-2022 లో హైదరాబాదీ టెన్నిస్ స్టార్ సానియా మీర్జా జోరు కొనసాగుతున్నది. మిక్స్డ్ డబుల్స్ లో క్రొయేషియా కు చెందిన మేట్ పావిక్ తో కలిసి జతకట్టిన సానియా.. క్వార్టర్స్ లో 6-4, 3-6, 7-5 తేడాతో నాలుగ‌వ సీడ్ గాబ్రిలా, జాన్ పీర్స్ జోడిని మట్టికరిపించింది. ఆరో సీడ్ గా బరిలోకి దిగిన సానియా-పావిక్ ల జోడీ మ్యాచ్ లో రెండో రౌండ్ లో కాస్త తడబడినా మొదటి, మూడో రౌండ్ లో ఆధిక్యాన్ని సాధించి విజయాన్ని అందుకున్నారు. ఈ మ్యాచ్ లో సానియా తనదైన ఫోర్ హ్యాండ్ షాట్లతో ప్రత్యర్థిపై విరుచుకుపడింది.
మిక్స్డ్ డబుల్స్ ఆడుతూ వింబూల్డన్ సెమీస్ చేరుకోవడం సానియాకు ఇదే ప్రథమం కావడం విశేషం. కాగా.. సెమీస్ లో సానియా-పావిక్ ల జోడీ.. నేడు జరిగే రెండో మిక్స్డ్ డబుల్స్ క్వార్టర్స్ లో విజేతతో పోటీ పడుతుంది.
Latest Videos
undefined
వింబూల్డన్-2022 లో మిక్స్డ్ డబుల్స్ తో పాటు ఉమెన్ డబుల్స్ లో కూడా సానియా బరిలో ఉంది. చెక్ రిపబ్లిక్ కు చెందిన లూసీతో కలిసి ఆమె డబుల్స్ లో పాల్గొంటున్నది. కానీ తొలి రౌండ్ లోనే ఈ జోడీ 6-4, 4,-6, 2-6 తేడాతో ఫ్రెచ్-బీట్రిజ్ ల చేతిలో ఓడింది.
and Mate Pavic through to MD semis bt 4th seeds Peers/Dabrowski 6-4, 3-6, 7-5 pic.twitter.com/i4gQD1DTRN
— Prajwal Hegde (@prajhegde)ఇక వింబూల్డన్ మిక్స్డ్ డబుల్స్ లో తొలి రౌండ్ లో జార్జియా కు చెందిన నటెలా జలమిడ్జ్-వెగ హెర్నాండెజ్ (స్పెయిన్) లపై గెలిచిన సానియా.. రెండో రౌండ్ లో ివాన్ డొడిగ్-లతిషా చన్ జోడీ పై నెగ్గి క్వార్టర్స్ చేరింది.
Sania Mirza and Mate Pavic move to the SF of Wimbledon Mixed doubles with a 6-4 3-6 7-5 win over 4th seeds Peers/Dabrowski pic.twitter.com/8PArdz1MMl
— Indian Tennis Daily (ITD) (@IndTennisDaily)ఇదిలాఉండగా సానియాకు ఇదే చివరి వింబూల్డన్. ఈ ఏడాది ఆమె రిటైర్ అవుతున్నట్టు గతంలోనే ప్రకటించింది. ఈ ఏడాది ప్రారంభంలో ఆస్ట్రేలియా ఓపెన్ లో తొలి రౌండ్ లోనే ఓటమి పాలైన తర్వాత ఆమె తన రిటైర్మెంట్ నిర్ణయాన్ని ప్రకటించిన విషయం తెలిసిందే. ఈ సీజన్ తర్వాత తాను రిటైరవుతున్నట్టు ఆమె వెల్లడించింది.
19 ఏండ్ల వయసులోనే టెన్నిస్ రాకెట్ పట్టిన సానియా మీర్జా.. ఒకరకంగా భారత మహిళల టెన్నిస్ కు ముఖచిత్రంగా ఉంది. 2003లో టెన్నిస్ రాకెట్ పట్టిన ఈ హైదరాబాదీ.. కెరీర్ ఆరంభంలో సింగిల్స్ లో మెరిసినా తర్వాత డబుల్స్ కే పరిమితమైంది. సింగిల్స్ లో 2007 మిడ్ సీజన్ లో ఆమె ప్రపంచ మహిళల ర్యాకింగ్స్ లో 27 వ స్థానానికి చేరింది. సింగిల్స్ కెరీర్ లో ఆమెకు అదే ఉత్తమ ర్యాంకు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి