ముగిసిన తెలంగాణ కాంగ్రెస్ స్క్రీనింగ్ కమిటీ సమావేశం .. అధిష్టానం వద్దకు తుది జాబితా, వచ్చే వారంలో ప్రకటన..?
By Siva Kodati | First Published Oct 8, 2023, 9:43 PM ISTతెలంగాణ కాంగ్రెస్ స్క్రీనింగ్ కమిటీ సమావేశం ముగిసింది. అభ్యర్ధుల తుది జాబితాను ఓ కొలిక్కి తీసుకొచ్చినట్లుగా సమాచారం. ఈ లిస్ట్‌ను మురళీధరన్ అధిష్టానానికి అందించనున్నారు. పెద్దల ఆమోదం తర్వాత వచ్చే వారం అభ్యర్ధుల జాబితాను ప్రకటించే అవకాశం వుంది.
తెలంగాణ కాంగ్రెస్ స్క్రీనింగ్ కమిటీ సమావేశం ముగిసింది. మురళీధరన్ ఆధ్వర్యంలో జరిగిన ఈ భేటీలో దాదాపు 8 గంటల పాటు పలు అంశాలపై చర్చించినట్లుగా తెలుస్తోంది. అభ్యర్ధుల తుది జాబితాను ఓ కొలిక్కి తీసుకొచ్చినట్లుగా సమాచారం. ఈ లిస్ట్‌ను మురళీధరన్ అధిష్టానానికి అందించనున్నారు. ఏఐసీసీ ఆమోదం లభించిన తర్వాత అక్టోబర్ 14 లోపు అభ్యర్ధుల తుది జాబితాను ప్రకటించే అవకాశం వుంది.
కాగా.. తొలి జాబితా కింద 50 మంది అభ్యర్థుల పేర్లను కాంగ్రెస్ హైకమాండ్ ఏకగ్రీవంగా ఖరారు చేసిందని సమాచారం. అలాగే, వచ్చే అసెంబ్లీ ఎన్నికల్లో పోటీ చేసే మిగ‌తా అభ్యర్థులను ప్రకటించేందుకు కాంగ్రెస్ హైకమాండ్ వేగంగా కసరత్తు చేస్తోంది. తెలంగాణ అసెంబ్లీ ఎన్నికల షెడ్యూల్‌ను వచ్చే వారం ఎప్పుడైనా ప్రకటించేందుకు భారత ఎన్నికల సంఘం (ఈసీఐ) సన్నద్ధమవుతున్న తరుణంలో, అభ్యర్థుల పేర్లను ఖరారు చేసేందుకు టీపీసీసీ చీఫ్ ఎ రేవంత్ రెడ్డి నేతృత్వంలోని సెంట్రల్ స్క్రీనింగ్ కమిటీ, తెలంగాణ స్క్రీనింగ్ కమిటీ పలు దఫాలుగా సమావేశాలు నిర్వహించాయి.
Latest Videos
undefined
Also Read: Telangana Assembly Elections 2023: 50 మంది అభ్యర్థుల పేర్లను ఏకగ్రీవం చేసిన కాంగ్రెస్ హైకమాండ్..
ఆయా స‌మావేశాల్లో ప‌లువురి పేర్లను ఖరారు చేసిన‌ట్టు తెలుస్తోంది. కోమటిరెడ్డి వెంకట్ రెడ్డి, దామోదర్ రాజ నరసింహ, ఎన్ ఉత్తమ్ కుమార్ రెడ్డి, డీ శ్రీధర్ బాబు, ప్రేమ్ సాగర్ రావు, షబ్బీర్ అలీ, సీతక్క, సీఎల్పీ నేత మల్లు భట్టి విక్రమార్క తదితర మెజారిటీ సీనియర్ నేతల పేర్లు ఇప్పటికే ఖరారైనట్లు సమాచారం. ఇటీవలే కాంగ్రెస్‌లో చేరిన పొంగులేటి శ్రీనివాస్‌రెడ్డి, తుమ్మల నాగేశ్వర్‌రావు, ఎం హనుమంతరావు పేర్లు కూడా ఈసీ నోటిఫికేషన్‌ జారీ చేసిన వెంటనే అభ్యర్థుల తొలి జాబితాలో ఉంటాయ‌ని సంబంధిత వ‌ర్గాలు పేర్కొంటున్నాయి.
స్థానిక రాజకీయ సమీకరణాల కారణంగా కొందరు సీనియర్ నేతలు పి.లక్ష్మయ్య, మధు యాష్కీ గౌడ్, పి.ప్రభాకర్, రేణుకా చౌదరిలను ఖరారు చేయడంలో పార్టీ హైకమాండ్ ఇంకా నిర్ణయం తీసుకోలేదని సమాచారం. ఏకంగా 119 మంది అభ్యర్థులను ఒకేసారి ప్రకటించాలని పార్టీ యోచిస్తోందని నేతలు తెలిపారు. తిరుగుబాటు బెదిరింపులను నివారించడానికి, కీలకమైన ఎన్నికల సమయంలో ఇతర పార్టీలకు విధేయతను మార్చడానికి నిరాశ చెందిన ఇతర టికెట్ ఆశించిన వారితో చర్చలు జరిపిన తర్వాత మాత్రమే పార్టీ అభ్యర్థులను ప్రకటిస్తుందని కొందరు నాయకులు పేర్కొంటున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి