తెలంగాణ అసెంబ్లీలో 26 మందే పోస్ట్ గ్రాడ్యుయేట్లు.. వారిలో 15 మంది ఎస్సీ, ఎస్టీలు..
By Mahesh Rajamoni | First Published Oct 8, 2023, 6:47 PM ISTHyderabad: తెలంగాణ అసెంబ్లీలో కేవలం 26 మంది పోస్ట్ గ్రాడ్యుయేట్లు ఉన్నారు. పీహెచ్‌డీ పట్టా పొందిన నలుగురు ఎమ్మెల్యేల్లో ముగ్గురు ఎస్సీ, ఎస్టీ వర్గాలకు చెందినవారే. 119 మంది సభ్యులున్న సభలో కేవలం 26 మంది మాత్రమే పోస్టు గ్రాడ్యుయేట్లు ఉండగా, వారిలో 15 మంది ఎస్సీ, ఎస్టీ వర్గాలకు చెందిన వారు. శాసనసభ్యులకు విద్యార్హతలు తప్పనిసరి కానప్పటికీ, ఈ అంశంపై ఇటీవల చర్చ జరుగుతోంది. రాజ్యాంగం ఆంక్షలు విధించనప్పటికీ విద్యావంతులైన చట్టసభల సభ్యులకు మాత్రం డిమాండ్ పెరిగిందని రాజకీయ విశ్లేషకులు భావిస్తున్నారు. అసెంబ్లీలో ఆరుగురు బాగా చదువుకున్న మహిళా ఎమ్మెల్యేలు కూడా ఉన్నారు.
Telangana Assembly Elections 2023: తెలంగాణ అసెంబ్లీ ఎన్నిక‌ల నేప‌థ్యంలో ఆయా పార్టీలు ఎన్నిక‌ల బ‌రిలో నిలిపే అభ్య‌ర్థుల గురించి మ‌రోసారి చర్చ సాగుతోంది. ఇదే సమయంలో ప్ర‌స్తుతం సభ్యులకు చెందిన అంశాలు కూడా ప్ర‌స్తావ‌న‌కు వ‌స్తున్నాయి. తెలంగాణ అసెంబ్లీలో కేవలం 26 మంది పోస్ట్ గ్రాడ్యుయేట్లు ఉన్నారు. పీహెచ్‌డీ పట్టా పొందిన నలుగురు ఎమ్మెల్యేల్లో ముగ్గురు ఎస్సీ, ఎస్టీ వర్గాలకు చెందినవారే. 119 మంది సభ్యులున్న సభలో కేవలం 26 మంది మాత్రమే పోస్టు గ్రాడ్యుయేట్లు ఉండగా, వారిలో 15 మంది ఎస్సీ, ఎస్టీ వర్గాలకు చెందిన వారు. శాసనసభ్యులకు విద్యార్హతలు తప్పనిసరి కానప్పటికీ, ఈ అంశంపై ఇటీవల చర్చ జరుగుతోంది. రాజ్యాంగం ఆంక్షలు విధించనప్పటికీ విద్యావంతులైన చట్టసభల సభ్యులకు మాత్రం డిమాండ్ పెరిగిందని రాజకీయ విశ్లేషకులు భావిస్తున్నారు. అసెంబ్లీలో ఆరుగురు బాగా చదువుకున్న మహిళా ఎమ్మెల్యేలు కూడా ఉన్నారు.
ఎస్సీ, ఎస్టీ వర్గానికి చెందిన ముగ్గురు పీహెచ్‌డీ హోల్డర్‌లు కాంగ్రెస్‌కు చెందిన ములుగు ఎమ్మెల్యే సీతక్క, కరీంనగర్ జిల్లా మానకొండూరు నియోజకవర్గానికి ప్రాతినిధ్యం వహిస్తున్న రసమయి బాలకిషన్ , చెన్నూరు శాసనసభ్యుడు బాల్క సుమన్ లు ఉన్నారు. అలాగే, నాల్గవ పీహెచ్‌డీ పట్టభద్రుడైన చెన్నమనేని రమేష్ వేములవాడ నుంచి ప్రాతినిధ్యం వహిస్తున్న అగ్రవర్ణల‌కు చెందిన ఎమ్మెల్యే. బాలకిషన్, సుమన్, రమేష్ బీఆర్‌ఎస్ శాసనసభ్యులుగా ఉన్నారు. అసెంబ్లీ ప్ర‌వేశాల‌కు శాసనసభ్యులు నిర్దిష్ట విద్యార్హతలను కలిగి ఉండాలనేది తప్పనిసరి కానప్పటికీ, వారి విద్యార్హత లేదా లేకపోవడం ఇటీవలి కాలంలో తీవ్ర చర్చనీయాంశమైంది.
Latest Videos
undefined
అసెంబ్లీలో ఎస్సీ, ఎస్టీ శాసనసభ్యుల సంఖ్య మరింత పెరగాల్సిన అవసరం ఉందని ఆప్ మాజీ నేత ఇందిరాశోభన్ చెప్పిన‌ట్టు టైమ్స్ ఆఫ్ ఇండియా నివేదించింది. "చర్చలు-వాదనల సమయంలో, అట్టడుగు వర్గాలకు చెందిన మెజారిటీ చట్టసభ సభ్యులు సమాజాన్ని పీడిస్తున్న సమస్యల గురించి మరింత సమాచారం కలిగి ఉంటారని" ఆమె అన్నారు. చాలా మంది చట్టసభ సభ్యులు తమ అర్హతలు చర్చనీయాంశంగా మారినప్పుడు తమ గురించి చెప్ప‌డానికి ముందుకురాని సంఘ‌ట‌న‌లు చాలానే ఉన్నాయి. చట్టసభ సభ్యులకు ఎలాంటి విద్యార్హత అవసరం లేదని రాజ్యాంగ సభ భావించిందని రాజకీయ విశ్లేషకులు అభిప్రాయపడుతున్నారు. "దీనిపై సవివరమైన చర్చ జరిగింది. రాజ్యాంగాన్ని రూపొందించే ముందు, డాక్ట‌ర్ బీఆర్ అంబేద్కర్ నిర్ణయాన్ని ప్రజలకు లేదా ఓటర్లకు వదిలివేయాలని భావించారు. పోటీ చేయడంపై ఎటువంటి ఆంక్షలు విధించకూడదు. కానీ, కాలం మారింది, విద్యావంతులైన చట్టసభల డిమాండ్ కూడా ఉందని రాజకీయ విశ్లేషకులు ఎస్ రామకృష్ణ పేర్కొంటున్నారు.
రాష్ట్ర మంత్రివర్గంలో పీజీ పట్టా పొందిన సీఎం కే చంద్రశేఖర్ రావు, కేటీ రామారావు, పువ్వాడ అజయ్ కుమార్, వీ శ్రీనివాస్ గౌడ్ సహా నలుగురు మంత్రులు ఉన్నారు. నామినేటెడ్ సభ్యుడు స్టీఫెన్‌సన్ ఎల్విస్ గ్రాడ్యుయేట్. ఎస్సీ వర్గానికి చెందిన సీఎల్పీ నేత భట్టి విక్రమార్క పోస్టుగ్రాడ్యుయేట్ ఎమ్మెల్యేల్లో ఒకరు. ఆరుగురు మహిళా ఎమ్మెల్యేలు బాగా చదువుకున్నవారే కావడం అసెంబ్లీలో మరో సానుకూల ధోరణి. మంత్రి పి సబితా ఇంద్రారెడ్డి, మాజీ డిప్యూటీ స్పీకర్ పద్మా దేవేందర్ రెడ్డి , ఆలేరు ఎమ్మెల్యే గొంగిడి సునీత పట్టభద్రులు. అజ్మీరా రేఖ, హరిప్రియ బానోత్ పోస్ట్ గ్రాడ్యుయేట్లు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి