నగ్నంగా యువతి చిందులు.. చచ్చిపోతానంటూ ప్రేమికుడికి బెదిరింపు.. !

హైదరాబాద్ జూబ్లీహిల్స్ లో ఓ యువతి నగ్నంగా చిందులేసి వార్తల్లోకి ఎక్కింది. అయితే ఆ యువతి మద్యం మత్తులో ఉండడం వల్లే అలా చేసిందని పోలీసులు అంటున్నారు. వివరాల్లోకి వెడితే..

జూబ్లీహిల్స్ పోలీస్ స్టేషన్ పరిధిలో బుధవారం అర్థరాత్రి ఓ యువతి మద్యం మత్తులో హంగామా చేసింది. రహ్మత్ నగర్ పోలీస్ అవుట్ పోస్ట్ సమీపంలోని పార్కు వద్ద నగ్నంగా చిందులేసింది. గమనించిన అవుట్ పోస్ట్ మహిళా పోలీసులు వెంటనే అక్కడికి చేరుకుని ఆమెకు దుస్తులు వేశారు. 

ఆ తర్వాత కొద్దిసేపటికే వాటిని సైతం యువతి చింపేసింది. దీంతో పోలీసులు మరోసారి ఆమెకు దుస్తులు అందించారు. కూకట్ పల్లికి చెందిన ప్రియుడు భరత్ తనను మోసం చేశాడని యువతి వాపోయింది. 

దీంతో ఆత్మహత్య చేసుకుంటానంటూ యువకుడికి ఫోన్ చేసింది. ఆ తరువాతే ఇలా చేసిందని పోలీసులు తెలిపారు. యువతికి మద్యం మత్తు దిగే వరకు ఆశ్రయం ఇచ్చిన పోలీసులు ఆ తరువాత ఆమెను ఆమె కుటుంబసభ్యులకు అప్పగించారు.