తిరుపతి-ఆదిలాబాద్ కృష్ణా ఎక్స్‌ప్రెస్ కు బెదిరింపు కాల్.. ఒకరి అరెస్ట్
By Mahesh Rajamoni | First Published Jan 21, 2023, 12:29 PM ISTSecunderabad: తెలంగాణలోని సికింద్రాబాద్‌లో తిరుపతి-ఆదిలాబాద్ కృష్ణా ఎక్స్‌ప్రెస్‌కు బెదిరింపు కాల్ వచ్చింది. వెంటనే అప్ర‌మ‌త్త‌మైన పోలీసులు కాల్ పై విచారణ జ‌రిపి ఒక‌రిని అదుపులోకి తీసుకున్నారు. దీనిపై విచారణ జ‌రుగుతున్న‌ద‌ని పోలీసులు, సంబంధిత అధికారులు తెలిపారు.
Tirupati-Adilabad Krishna Express Rail: తెలంగాణలోని సికింద్రాబాద్‌లో శుక్రవారం అర్థరాత్రి తిరుపతి-ఆదిలాబాద్ కృష్ణా ఎక్స్‌ప్రెస్‌కు బెదిరింపు కాల్ వచ్చింది. హైదరాబాద్‌లోని రాచకొండ పోలీస్ కమిషనరేట్‌కు శుక్రవారం రాత్రి తిరుపతి-ఆదిలాబాద్ కృష్ణా ఎక్స్‌ప్రెస్‌లో ఉగ్రవాదులు ప్రయాణిస్తున్నట్లు కాల్ వచ్చింది. ఈ క్ర‌మంలోనే అప్ర‌మ‌త్త‌మైన పోలీసులు రంగంలోకి దిగారు. ఒక‌రిని అదుపులోకి తీసుకున్నారు. దీనిపై మ‌రింత విచారణ జ‌రుపుతున్న‌ట్టు సంబంధిత అధికారులు, పోలీసులు తెలిపారు. ఈ క్ర‌మంలోనే మౌలా అలీ రైల్వే స్టేషన్‌లో కృష్ణా ఎక్స్‌ప్రెస్‌లోని ప్రయాణికులతో పోలీసు అధికారులు మాట్లాడార‌ని ఇండియా టూడే నివేదించింది.
తిరుపతి-ఆదిలాబాద్ కృష్ణా ఎక్స్ ప్రెస్ లో శుక్రవారం అర్థరాత్రి ఉగ్రవాదులు సంచరిస్తున్నట్లు బెదిరింపు కాల్ చేసి సమాచారం ఇచ్చిన వ్యక్తిని మౌలా అలీ రైల్వేస్టేషన్ లో పోలీసులు అదుపులోకి తీసుకున్నారు. శుక్రవారం రాత్రి 8.35 గంటలకు తిరుపతి-ఆదిలాబాద్ కృష్ణా ఎక్స్ ప్రెస్ (రైలు నెంబర్: 17405)లో ఉగ్రవాదులు ప్రయాణిస్తున్నట్లు హైదరాబాద్ లోని రాచకొండ పోలీస్ కమిషనరేట్ కు బెదిరింపు కాల్ వచ్చింది.
Latest Videos
రాత్రి 9:43 గంటలకు రైలు తెలంగాణలోని మౌలా అలీ రైల్వే స్టేషన్ కు చేరుకోగానే పోలీసు అధికారులు రైలు ఎక్కి విచారణ చేపట్టారు. నార్త్ డీసీపీ, రైల్వే పోలీస్ ఫోర్స్ సీనియర్ డివిజనల్ సెక్యూరిటీ కమిషనర్ తమ బృందాలతో మౌలా అలీ పోలీస్ స్టేషన్ కు చేరుకుని సుమారు 40 నిమిషాల పాటు రైలును క్షుణ్ణంగా తనిఖీ చేశారు. అధికారులు స్నిఫర్ డాగ్స్ సహాయం కూడా తీసుకున్నారు.
వెంటనే పోలీసులు కిరణ్ అనే వ్యక్తిని గుర్తించి అదుపులోకి తీసుకున్నారు. అతని మొబైల్ ఫోన్ ను సికింద్రాబాద్ రైల్వే పోలీసులు స్వాధీనం చేసుకున్నారు. ఐజీ-పీసీఎస్సీ సందర్శించి ఆపరేషన్ ను పర్యవేక్షించారు. అనుమానాస్పద వ్యక్తులు, ఉగ్రవాదులు ఎవరూ కనిపించలేదని, మౌలా అలీ రైల్వే స్టేషన్ నుంచి రాత్రి 10.15 గంటలకు రైలు బయలుదేరిందని పోలీసులు తెలిపారు.
తెలంగాణ పోలీస్ రిక్రూట్ మెంట్ ఫిజికల్ ఎఫిషియెన్సీ టెస్ట్ లో గాయపడిన నిందితుడు కిరణ్ తన తండ్రితో కలిసి మహబూబాబాద్ నుంచి సికింద్రాబాద్ వెళ్లే రైలులో ప్రయాణిస్తున్నాడని, వారి ప్రయాణంలో కిరణ్ పోలీస్ కంట్రోల్ రూమ్ కు సందేశం పంపాడని, కృష్ణ ఎక్స్ ప్రెస్ రైలు నెంబర్ 17405లో ఉగ్రవాదులు ప్రయాణిస్తున్నారని తాను భావిస్తున్నాననీ, దయచేసి మా ప్రయాణీకులందరికీ వేగంగా ఫ్లైట్ మోడ్ లోకి మారమని చెప్పండి అని సందేశం పంపిన‌ట్టు పోలీసులు తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి