త్వరలోనే టీఆర్ఎస్‌లో చేరుతున్నట్టుగా సత్తుపల్లి ఎమ్మెల్యే సండ్ర వెంకటవీరయ్య ప్రకటించారు. అభివృద్ధి కోసమే టీడీపీని వీడి టీఆర్ఎస్‌లో చేరుతానని ఆయన ప్రకటించారు.
ఖమ్మం:త్వరలోనే టీఆర్ఎస్‌లో చేరుతున్నట్టుగా సత్తుపల్లి ఎమ్మెల్యే సండ్ర వెంకటవీరయ్య ప్రకటించారు. అభివృద్ధి కోసమే టీడీపీని వీడి టీఆర్ఎస్‌లో చేరుతానని ఆయన ప్రకటించారు.
ఆదివారం నాడు ఓ తెలుగు మీడియా న్యూస్ ఛానెల్‌తో మాట్లాడారు. టీడీపీకి త్వరలోనే రాజీనామా చేస్తానని ఆయన తెలిపారు. టీడీపీకి రాజీనామా చేసి టీఆర్ఎస్‌లో చేరుతానని ప్రకటించారు.
తాను కేసులకు భయపడనని సండ్ర వెంకటవీరయ్య ప్రకటించారు.కేసులో జైలుకు కూడ వెళ్లి వచ్చినట్టుగా ఆయన చెప్పుకొచ్చారు. ఈ కేసు విషయమై ప్రభుత్వం చేతిలో ఏమీ లేదన్నారు. ఈ కేసు న్యాయవ్యవస్థ చేతిలో ఉందని సండ్ర అభిప్రాయపడ్డారు.
సత్తుపల్లి నియోజకవర్గంలో మూడు దఫాలుగా తనను ప్రజలు గెలిపించారని చెప్పారు. నియోజకవర్గాన్ని అభివృద్ధి చేయాలంటే అధికార పార్టీలోకి చేరాల్సిన అవసరం ఉందన్నారు.
విపక్షంలో ఉంటే నియోజకవర్గాన్ని అభివృద్ధి చేసే పరిస్థితి లేదన్నారు. ఈ పరిణామాల నేపథ్యంలోనే టీఆర్ఎస్‌లో చేరాలని నిర్ణయం తీసుకొన్నట్టుగా ఆయన చెప్పారు.నియోజకవర్గంలోని కార్యకర్తలతో సమావేశాన్ని ఏర్పాటు చేసి ఏ రోజున టీఆర్ఎస్‌లో చేరాలనే విషయాన్నిప్రకటించనున్నట్టు సండ్ర స్పష్టం చేశారు.