హైదరాబాద్ బంజారాహిల్స్‌లో రోడ్డు ప్రమాదం.. అదుపుతప్పి డివైడర్‌ను ఢీకొట్టిన కారు..

హైదరాబాద్ బంజారాహిల్స్‌లో రోడ్డు ప్రమాదం చోటుచేసుకుంది. బంజారాహిల్స్‌ రోడ్డు నెంబర్ 3లో అతివేగంతో ప్రయాణిస్తున్న అదుపుతప్పి డివైడర్‌ను ఢీకొట్టింది. ఈ ప్రమాదంలో ఇద్దరికి గాయాలు అయ్యాయి. ఈ ఘటనకు సంబంధించిన సమాచారం తెలుసుకున్న పోలీసులు అక్కడికి చేరుకని వివరాలు సేకరించారు. అతి వేగమే ప్రమాదానికి కారణంగా భావిస్తున్నారు. ప్రమాదంలో గాయపడినవారిని చికిత్స నిమిత్తం ఆస్పత్రికి తరలించారు. కారును సీజ్ చేశారు. ప్రమాదం జరిగిన సమయంలో కారులోని ఎయిర్ బెలూన్స్ తెరుచుకోవడంతో పెను ప్రమాదం తప్పింది. 

ఇదిలా ఉంటే.. ఇటీవల హైదరాబాద్ ఔటర్ రింగ్ రోడ్డు‌పై చోటుచేసుకున్న రోడ్డు ప్రమాదంలో ముగ్గురు మృతిచెందారు. ఔటర్‌ రింగ్‌ రోడ్డుపై ఆగి ఉన్న లారీని కారు ఢీకొట్టింది. వేగంగా ఢీకొట్టడంతో కారులో ఉన్న ముగ్గురు మృతి చెందారు. మృతులు మహారాష్ట్ర వాసులుగా గుర్తించారు. ఈ ఘటనకు సంబంధించి కేసు నమోదు చేసుకున్న పోలీసులు దర్యాప్తు చేపట్టారు.