బతుకమ్మ పాటను విడుదల చేసిన ఎమ్మెల్సీ కల్వకుంట్ల కవిత

తెలంగాణలో బతుకమ్మ సందడి మొదలయ్యింది. ఈ నేపథ్యంలో జేన్నారం జెడ్పీటీసీ ఎర్ర శేఖర్ బృందం రూపొందించిన బతుకమ్మ ప్రత్యేక గీతాన్ని ఎమ్మెల్సీ కల్వకుంట్ల కవిత ఆవిష్కరించారు.

హైదరాబాద్ : బతుకమ్మ పండుగ సందర్భంగా "సిరిమల్లెలో రామ రఘుమెల్లెలో" అనే బతుకమ్మ ప్రత్యేక గీతాన్ని ఎమ్మెల్సీ కల్వకుంట్ల కవిత నేడు ఆవిష్కరించారు. హైదరాబాద్ లోని తన నివాసంలో జరిగిన కార్యక్రమంలో ఈ గీతాన్ని ఆవిష్కరించిన ఎమ్మెల్సీ కవిత తెలంగాణ సంస్కృతి ఉట్టిపడేలా బతుకమ్మ పాటను రూపొందించిన జేన్నారం జెడ్పీటీసీ ఎర్ర శేఖర్ బృందాన్ని అభినందించారు.  

ఈ కార్యక్రమంలో హోమ్ మినిస్టర్ మహమూద్ అలి, రాష్ట్ర సంగీత నాటక అకాడమీ చైర్‌పర్సన్‌ దీపికారెడ్డి, ఉర్దూ అకాడమీ చైర్మన్ మూజీబ్, హాజ్ కమిటీ చైర్మన్ సలీం, టియస్ ఫుడ్స్ చైర్మన్ రాజీవ్ సాగర్ పాల్గొన్నారు.