డిసెంబర్ 10న రెడ్మీ '5జీ' స్మార్ట్ఫోన్ లాంచ్... రెండు కొత్త ఫీచర్లతో...
By Sandra Ashok Kumar | First Published Nov 27, 2019, 12:19 PM ISTచైనా స్మార్ట్ ఫోన్ల మేజర్ షియోమీ డ్యూయల్ పంచ్ హోల్ సెల్ఫీ కెమెరా, డ్యూయల్ మోడ్ 5జీతో కొత్త ఫోన్ను మార్కెట్లోకి రానున్నది. రెడ్మీ కే20 ఫోన్ సాధించిన సక్సెస్‌తో అదే శ్రేణిలో మరో ఫోన్ను రెడ్మీ కే30 పేరుతో విడుదల చేయనున్నట్లు పేర్కొంది.
న్యూఢిల్లీ చైనా స్మార్ట్ఫోన్ దిగ్గజం షియోమీ మరో కొత్త మిడ్రేంజ్ ఫోన్ను భారత విపణిలో విడుదల చేసేందుకు సిద్ధమైంది. రెడ్మీ కే20 ఫోన్ సాధించిన సక్సెస్‌తో అదే శ్రేణిలో మరో ఫోన్ను రెడ్మీ కే30 పేరుతో విడుదల చేయనున్నట్లు పేర్కొంది. గతంలో రెడ్మీ కే30 ఫోన్ గురించి వచ్చిన అంచనాలకు అనుగుణంగా రెండు సెల్ఫీ కెమెరాలతో (డ్యూయల్ పంచ్ హోల్ కెమెరా), డ్యూయల్ మోడ్ 5జీ సపోర్ట్తో అందుబాటులోకి రానున్నట్లు షియోమీ స్పష్టం చేసింది. ఈ రెండు ఫీచర్లతో వస్తున్న తొలి ఫోన్ ఇదే కావడం గమనార్హం.
also read Black Friday Sales:ఫోన్ కొన్నాక కస్టమర్లకు ఏం గిఫ్ట్‌ ఇస్తున్నారో తెలుసా ?
Latest Videos
undefined
ఈ ఫోన్ను వచ్చే నెల 10వ తేదీన చైనాలో విడుదల చేయనున్నట్లు షియోమీ వెల్లడించింది. అయితే రెడ్ మీ కే30 ప్రోను అదే రోజు విడుదల చేస్తుందా? లేదా? అనే విషయంపై షియోమీ స్పష్టతనివ్వలేదు. ఇప్పటి వరకు ఉన్న టెక్ వార్తా సంస్థ సమచారం ప్రకారం రెడ్మీ కే30 ప్రో వచ్చే ఏడాది తొలినాళ్లలో మార్కెట్లోకి వచ్చే అవకాశం ఉన్నది.
5జీ నెట్వర్క్ అనేది చాలా దేశాల్లో ఇంకా ప్రారంభ దశలోనే ఉంది. అయితే చైనా, అమెరికా, బ్రిటన్, జపాన్ వంటి దేశాలు 5జీని విసృతం చేసేందుకు ముమ్మర ప్రయత్నాలు చేస్తున్నాయి. కొన్ని దేశాల్లో 5జీ కోసం 4జీ నెట్వర్క్ మౌలిక సదుపాయాల్లోనే మార్పులు చేశారు.
aslo read మార్కెట్లోకి విడుదలైన ఫస్ట్ 5జీ స్మార్ట్ఫోన్..ధర ఎంతంటే ?
దీన్ని 5జీ నాన్ స్టాండ్ అలోన్ యాక్సెస్ (5జీ ఎన్ఎస్ఏ) అని అంటారు. సాధారణ 5జీ నెట్వర్క్ను స్టాండ్ అలోన్ యాక్సెస్ (5జీఎస్ఏ) అంటారు. ఈ నేపథ్యంలో రెండు రకాల నెట్వర్క్లను వాడేందుకు వీలుగా రెడ్మీ కే30 మోడల్ను షియోమీ ఆవిష్కరించనున్నట్లు తెలుస్తోంది.
రెడ్ మీ కే 30 మోడల్ ఫోన్ భారత్లో ఎప్పుడు విడుదలవుతుంది అనే విషయంపై షియోమీ స్పష్టతనివ్వలేదు. అయితే భారత్లో ఇప్పటి వరకు 5జీ నెట్వర్క్ దిశగా పెద్దగా అడుగులు పడటం లేదు. ఈ నేపథ్యంలో వచ్చే ఏడాది తొలినాళ్లలో రెడ్మీ కే30 4జీ వేరియంట్ను భారత్లో విడుదల చేసే అవకాశం ఉన్నట్లు పలు టెక్ వార్తా సంస్థలు అంచనా వేస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి